MARAHAS kong pinunasan ang mga luha ko habang tinatahak ang hagdan paakyat papuntang k’warto. Huminga pa akong malalim para tumigil na ako sa kakaiyak na wala namang patutunguhan. Nagsasayang lang ako ng likido sa katawan. Hindi ko alam kung papaniwalaan ko ang mga sinabi ni Mama na hindi pala ako anak ni Papa at sa ibang lalake pala? Kung maganda lang sana mood ko ngayon, makikipagusap ako ng masinsinan at hahalungkatin ang nangyari sa nakaraan pero parang nagmamadali s’yang tapusin ang topic na ‘yon.
Mabilis akong pumasok sa k’warto ko. Aalis talaga ako rito. Gusto kong maka-hinga at para akong sinasakal kapag mananatili ako rito. Wala na akong pakealam kung magagalit sa ‘kin si Kuya Logan. ‘E ‘di magsama-sama sila pareho.
Pinagiisipan ko pa kung saan ako pupunta.
Huminto ako sa ta
