NA’NG matapos na ang recognition day, hindi pa rin ako maka-move on sa ginawa ni Levai pero hindi ko talaga pinahalata na kinikilig ako at nakakahiya.
Inaya n’ya kami na kumain sa isang fancy restaurant kasama ang mga magulang ni Klark na mainit naman silang sumangayon. Ang dami n’yang in-order na mga pagkain kaya busog na busog talaga kaming lahat. Parati na lang ako nabubusog ‘pag si Levai ang kasama ko at puro mamahaling pagkain ang pinapalamon n’ya sa ‘min ni Klark kahit nasa bahay lang. “Maraming salamat sa pag-libre mo sa amin at sa paghatid, Ginoong Levai...” magalang na saad ni Tatay Klarito na’ng bumaba na kaming lahat sa kotse.
“You are welcome po. Sa uulitin,” pormal na tugon ni Levai habang kaharap lang namin sila.
“Sissy, uuwi rin ako sa mans’yon n’yo ha? Dito lang muna a
