أنتى حكايه ٤

4243 Words

فارس بعد شويه ودخل فى جمب الباب وبيسمع إلا بين جنه وأخته أول ما شافهم وشاف الفلوس كان ها يدخل بس تراجع جنه بعدت إيد رقى : والله ما ها أخد حاجه أنا مش ها أمد إيدى عشان أكل طفل صغير ربنا يقدرنى عليه .. على فكره انا نسيت أقولك انا واخواتى ماشاء الله خمسه مفيش يوم مدينا ايدينا وقولنا لحد هات سلف ودا بفضل ربنااا بعد وفاة أمى وتعب ابويااا وقعدته فى البيت .. ما تحمليش همه عشان مش أنا الا افكر فى الفلوس او أستغلكم لمجرد كام ملطوش .. المهم فكرو فى والدتكم وشوفى ها تعملى ايه مع اخوكى عشان لو مش ها تعملو حاجه أنا ها اروح ابلغ والشرطه بقى توصل لأهله بمعرفتهم صباح بتنادى : رقى .. يابنتى تعالى بسرعه عايزا ادخل الحمام رقى بهمس : خليكى هنااا أوعى تطلعى ارجوكى عشان ماما وخرجت جرى كان فارس أستخبى فى باب الأوضه الا جمبهم .. دخل بشويش وجنه ضهرها لفارس بتشيل شنطتها شافت صورة فارس على الحيطه وبغيظ جنه : عارف نفسى أض*بك واجيبك راكع قدام إبنك وتبدى الندم على قذرتك وامضيك على ورقه تعترف بيه وأ**ر غرورك وتكبرك .. بتكوم ايديها وأشرب من دمك .. دمك ياغبى فارس قرب عليها وبيهز راسه : مين دا جنه لفت بصتله ورد فعل سريع : انت فارس بهدوء ع** إلا جواه : مين غبى ومين تض*بيه ومسكها من دراعها بيشدها لجوا .. تعالى بس ما تخافيش مش ها أض*بك جنه : اكيد انت هى دى عايزا سؤال فى غبى غيرك هنا ووسع إيدك دى لأ**رهالك وبتنطر ايديها فارس ابتسم براخمه ورفع حواجبه : ايه الجراءه دى عادى كدا تقولى فى وشى ان غبى وعايزا تض*بينى وكمان ت**رلى إيدى دانتى فتوه وجامده كمان جنه : يعنى عايزنى ابقى لامامه وادخل النار مثلا فارس : ايه جنه : قصدى نمامه .. غيبه ونميمه يعنى واكل لحمك كدا عادى دا حتى حرام اهو الا حصل قولتلك عليه وبتحذير عشان تبقى عارف ومتأكد إنى مش ها أسيب حق الواد ولو بعد حين وراك وراك فارس : يا شيخه ايه التقوى والايمان دا كله جنه رفعت ايديها : الله يسترك الناس لبعضيها بردك .. مش انت لبعضيها فارس : لاء انا مش لبعض حد للأسف وإيدك منى والقبر يعنى ألعبى غيرها شوفى حد غيرى جنه : مش هاتعترف بابنك طيب وتلمه وتلم نفسك وسيبك من بعضك وألعب بعيد يا شاطر جنه ها تود*ك القناطر قول إن شا الله فارس : ولا ها اعترف بابنى ولا ها الم نفسى وهز راسه وعايز اروح القناطر لو تعرفى جنه : أهووو .. الحمد لله أعترفت وقولت إبنى أخرج اقول لامك بقى وخارجه فارس مسكها شدها تانى لجوا وحط ايده على بوئها ولزقها فى الحيطه وعيونه فى عيونها وماسك ايديها الاتنين بالايد التانيه وبهمس وهو مقرب منها لدرجه ان جنه أتوترت وصوت نفسها على جدا : عارفه لو شوفت وشك هنا تانى ولا جيتى عملتى نمره زى الا شوفتها مع أختى من شويه ها أحبسك فى الاوضه دى ومحدش هايعرف عنك حاجه خالص .. بيهز راسه بتأكيد أيوا خالص .. دورى على ناس غيرنا او راجل تانى يشيل بلوتك فاهمه ودلوقتى ما اسمعش صوتك وتغورى من هنااا من غير ما ماما تلمحك وبيشيل أيده جنه هجمت عليه وعضته فى كتفه بغل وهو بيحاول يبعدها .. زقته على السرير بعزم ما فيها وهو بيتوجع من العضه وبتقول : غبى والإحترام عندك لاغيه ولاغى عقلك فارس بعنف : تعالى انتى الا جبتيه لنفسك وشدها جاامد وقعها عليه وبيحاواطها قربت على الأوضه أمه ورقى مش قادره تغلوش على خناقهم وشافت فارس وهو تقريبا بالنسبه لنظرها حاضن جنه .. رقى علت صوتها : تعالى يا ماما أقعدك برا فارس لف واتعدل وجنه اتعدلت وواخده الشنطه ولسا هاتطلع تجرى صباح مناعتها وبهدوء صباح : تعالى يا بنتى وبصوت يبدو عليه الزعل ... تعالى يا فارس رقى ض*بته فى ايده وهو نطرها وطالع معاهم قعد ورقى قعدت جمبه وصباح شاورت على الكنبه جمبها .. صباح : تعالى جمبى جنه بخنقه وصوت مهزوز عشان عمر ما حد أتجرء عليها بالشكل دا : أنا لازم أمشى صباح : أقعدى بس عايزاكى جنه قعدت جمبها ومنتظره صباح تتكلم صباح بصت لفارس وفارس باصص فى عيونها حاسس انها هاتعمل حاجه مش هاتعجبه فارس : فى إيه يا ماما عايزاها ليه تسبيها تمشى صباح : تتجوزى ابنى جنه شهقت وفارس برق وقامووو الاتنين فارس : لاء جنه : لايمكن طبعااا جواز ايه فارس بجنون : ماما مالك هاتجوزينى واحده نصابه دايره تلف فى الشوارع ليل ونهار وعلى البيوت واخراتها جايه ببلوه عايزا تلزقها فيااا جنه زقته فى ص*ره : إخرس انت فاااهم .. انا ضفرى براقبتك لف عن لف يفرق يا محترم يابن الناس فارس : انتى واخده مقلب فى نفسك بس صدقينى مش هاتوصلى للفى دماغك فاهمه وياله غورى مش عايز أشوف وشك انا عمرى ما كنت قليل الذوق مع حد بس انتى بتجبرينى ابقى كدا معاكى لما توصل إنك بتلعبى بعيله وعايزا تضيعى مستقبلهم يبقى لاء دا بعدك يا أنا يا إنتى صباح بعصبيه وحطت ايديها على ص*رها : فارس .. أنا الا قول مين يمشى ومن يقعد مش انت .. ركنت ضهرها .. اقعدى يا بنتى جنه بعصبيه بتحاول تسيطر عليها : اقعد ازاى وابنك كل ما يشوفنى يهنى فى حياتى وشرفى .. انا نصابه .. نصبت عليك فى ايه واه بلف فى الشوارع يا استاذ بس بلف بشرف بلف ورا أكل عيشى عشان ما استناش واحد زيك يجى يقولى خدى لله اصرفى انتى والا اخواتك وقربت بصباعها وبتهزه قدام وش فارس .. وحسك عينك تانى مره تتكلم عليااا بالأسلوب دا فاااهم انا مش ها استنى واحد زيك يقولى حياتك وشرفك فى الراحه والجايه فارس : استنى أصلى خوفت ... هى الحقيقه بتوجع إلا زيك .. إلا كل همهم أزاى يجمعو قرش حتى لو على حساب مين رقى بصوت عالى : ماتهدو بقى ماما بدئت تتعب تانى صباح بتوهان : فارس .. فارس الحقنى يابنى .. فارس بيوصل لها الأ**جين بسرعه وجنه وقفت تايهه وخايفه عليها لسا هاتمشى .. صباح شاورت بايديها تستنى .. وفعلا قعدت .. فضلو جمبها التلاته .. وبيحاولو يهدوها خالص .. جنه بعياط : انا اسفه مش حابه كل ما أجى تتعبى انا ها أمشى ومش هاتشوفى وشى تانى والولد ها أسلمه للشرطه ربنا معاه بقى كان نفسى يبقى وسط عيله تحبه وتحتويه وبصت لفارس بصه إحتكار صباح بتهز راسها با لاء فارس : ما تسبيها تمشى عايزا منها ايه صباح هزت راسها تانى وفضلو ساكتين لحد ما خدت جلستها وبدئت تهدى خالص .. صباح بتعب : فكرى يا بنتى انا طالبكى لأبنى واخر الاسبوع ها اجيلك البيت نتقدم لكم ولو انا ما قدرتش ها ابعت فارس ورقى جنه قامت : انا اسفه يا طنط .. ما بفكرش فى الجواز .. انا متجوزه حمل اكبر هما اخواتى وابويااا ربنا يقدرنى عليهم .. بصت لفارس شوف هاتعمل ايه فى موضوعك ورد عليااا يمكن قلبك يحن للمسكين الا عايز ترميه دا .. بعد اذنكم وسابتهم وخرجت ... نزلت ماشيه على عتبة البيوت تعيط .. لا صوت ولا حس دموع بتاخد افراج فى **ت .. فارس بعد ما جنه نزلت : انتى بتقولى ايه يا ماما .، هو احنا مش هانتقدم لبنت خالى وقفلنا الموضوع دا وقولت موافق .. ايه دخل البنى ادمه دى صباح : بنت خالك رفضت بتحب واحد تانى وعايزاه فارس : يعنى ايه اتجوز اى واحده والسلام حتى النصابه دى عشان بنت خالى بتحب واحد تانى .. يا سلااام دا إيه المسرحيه دى وعشان إيه صباح : مش نصابه اختك ما بتخبيش عليا حاجه .. وانا مصدقه كل كلمه البنت قالتها كانت لسا بتحكيلى ان جنه فى الأوضه وقالتلى قالت لها ايه فارس بصدمه : يعنى مصدقه انى مخلف مثلا مش فاهم ما يمكن ابنها وجايه تلزقه فيااا ما هما النصابين كدا شاطرين فى التمثيل لاء وكمان بعيل صباح : تعرفك منين عشان تلزقه فيك .. اختك قالتلى ان معاها ورقه مكتوب فيها انه ابنك و رفضت الفلوس .. يعنى مش طمعانه .. ولو عايزا تلزقلك حاجه كانت قبلت الجواز منك دا كان اختبار لها مش أكتر حبيت أعرف حاطه عنيها عليك وإلا فعلا بتدارى بلوتها فيك بطريق غير مباشر .. شوفت قالت ايه انا متجوزه حمل اخواتى وابويا .. انا مش عايزاك تتجوزها بس ها اعرفك انك ظالم البنت واتقى ربنا فى اتهامك لها فارس : بكرا تتصل وتقولك موافقه وهاتشوفى انتى بتصدقى الحبتين دول أصلك طيبه زى بنتك صباح : ولو موافقتش هاتروح وتتقدم فعلا هاتكبر فى عيونك مثلا فارس : لايمكن .. ماما ارجوكى اهدى صباح : بص يابنى انت حر فى إختيارك بس كان نفسى اسافر وانا مطمنه عليك وعلى أختك ان فى حد ها ياخد بحسكم ياريتنى كنت قادره أروح وأجى وانا أخطبلك بنت ناس محترمه وبتفهم فى الحلال والحرام فارس بينطر ايده : أطمنى انا واختى زى الفل وكدا أحسن مليون مره على الاقل مش هاتدخل واحده تخرب بينا صباح : ربنا ييسر أموركم ويوقعكم فى أولاد الحلال فارس قام بزهق دخل اوضته وقفل الباب .. قلع هدومه وحط إيده على العضه : اااه بياخد نفس ويطلعه براحه نااام على السرير بالبنطلون بس ومغمض عيونه .. شرد فى جنه وازاى يوقفها عند حدها ويبعدها عن هنااا . يا ترى يستنى ويشوف فعلا ها توافق على الجواز منه والا لاء زى ما أمه قالت .. والا يروح يفضحها قدام أهلها ويبعدها عن طريقهم .. الوقت بيمررر وفارس التفكير قضى على النوم تماما عنده .. كان ناقصه عيل وجنه .. برغم تعبه والإرهاق إلا هو فيه بعد الشغل بس ها يعمل ايه اذا جاء الفكر ذهب النوم ... جنه مشيت من عندهم وطول طريقها دموعها نازله مش قادره تمنعهم ها تعمل إيه فى الولد وياترى فارس قلبه ها يحن ويعترف بيه والا لاء .. وليه فارس قليل الأدب عليها كدا .. هو فعلا خيرا تعمل شرا تلقى ... هزت راسها لا إرادى وبهمس وهى بتتن*د وقالت .. لاء خيرا تعمل خيرا تلقى إن شاء الله .. انا عندى يقين ان ربنا ها يعوضنى وها يزرع الخير فى حياتى حتى لو كان لأخواتى هى دى الثمره الا ها افرح بطرحها إلا ها أعمله لوجه الله مش ها أستنى من البشر مقابل حتى لو كلمه .. ها استنى من رب البشر بابه مفتوح لايمكن يتسد فى وشوشنا ... فكرها شرد وهى ماشيه فى الشغل والمصاريف .. خلاص مفيش معاها فلوس تجيب قماش ملايات يدوب معاها مصاريف بسيطه تجيب بيهم اكل فى البيت واحتياجات للبيبى وخلاص .. التليفون رن وأول ما شافت اسم فيروز ابتسمت وردت بأمل .. جنه : فيروز ايه يا بنتى انا قولت خلاص قطعتى العلاقات فيروز : اسفه يا جنه والله كان غصب عنى اتاخرت عليكى فى الفلوس جنه : ولا يهمك المهم تكونى بخير فيروز : الحمد لله وباحراج .. جنه ممكن تاخدى 700 دلوقت وان شاء الله كمان اسبوع أجبلك ال800 جنه بصدق : لو محتاجهم خليهم ولا يهمك وبكلمتها المعهوده الناس لبعضيها فيروز ابتسمت : لا يا حبيبتى تسلمى كفايه صبرك عليا كتر خيرك .. انتى فين وانا اجيلك عشان ما اصرفهمش الله يسترك جنه : خلاص ماشى .. انا عند ال .... . وفعلا بعد وقت بسيط فيروز راحت لها وادتها الفلوس ومشيت بعد ما رغت معاها شويه .. جنه رفعت ايديها وكانت ها تعيط هى خلاص كانت فقدت الأمل ان الفلوس دى ترجع بس ازاى ولينا رب يقول للشئ كن فيكون اذا ارد سبحانه وتعالى .. راحت مكان عندهم فيه سوق خلاص قرب يشطب والكل يمشى .. جنه بفرحه : ام سعيد .. أخيرا شفتك عامله ايه ام سعيد : ازيك يا جنه عامله ايه يابنتى ليكى وحشه والله كنت ها أمشى من بدرى بس مش عارفه ايه قعدنى قولت مفهاش بيع أروح بس قعدت عشان ربنا عايزنى اشوفك جنه ابتسمت وقعدت قدام السبت بتاعها : معاكى ايه عشان ربنا بعتنى دلوقت برزقك وحاجتك الجميله الا وحشتنا ام سعيد ابتسمت وشالت الجلابيه الا حطاها على وش السبت بفرحه : معايا فضلة خيرك بيض بلدى .. وسمسم وجبنه قريش انما ايه زبده والله جنه : بكام كل دا أم سعيد : اتنين كيلو سميم بستين جنيه وتلاتين بيض وكيلو جبنه عشان خاطرك مش ها احسبه كيلو ونص بخمسه وعشرين 115 جنه : جيتى فى وقتك والله الم***فين اخواتى قال ايه يا أم سعيد بياكلو لانشون مستورد ام سعيد شهقت وض*بت على ص*رها : يا فضحتى .. هو فى احسن من الطبيعى إلا خلقه ربنا يا جنه والله اخواتك دول خايبين جنه : اه وربنا ولا بيفهمووو .، انا بقى ها اخد السمسم اعمله دقه وادى الجبنه والبيض يبقو موجودين فى البيت يستروه .. ماتعرفيش شكارة الرز بكام أم سعيد : انا جايبه الخمسه وعشرين كيلو اخر مره 180 بس ايه ماشاء الله الحبه بحبتها اصل ماخزنتش قولت اجيب من اى بياع والسلام جنه : معلش يا أم سعيد خدى حساب الحاجات دى أهو كدا مظبوط ام سعيد ؛ مظبوط يا حبيبتى جنه : ممكن توديهم البيت عشان لازم أروح مشوار ضرورى ام سعيد : وماله يا قلبى انا عنيه ليكى .، وقامت شالت السبت على راسها وراحت بيت جنه .. رنت الجرس .. وابراهيم فتح ابراهيم أبتسم : ام سعيد .. يا اهلا يا اهلا بابا .. بابا .، ام سعيد جت بكرى شايل مؤمن وطالع بيرضعه : ام سعيد اتفضلى عاش من شافك .. جايبلنا ايه معاكى أم سعيد باستغراب : الا جابلك يخليلك يا استاذ بكرى .. هو انت لحقت خلفت بكرى : لا دا لقيناه وبنحافظ عليه لحد ما نسلمه للشرطه شوفى يا ام سعيد حتت عيل زى القمر وخساره فيهم دا يترمى ام سعيد شالته : يا كبدى عليك دا كله إلا الضنااا .، منهم لله ..خد يا ابراهيم فضى السبت جنه واخده الحاجه الا فيه بكرى بقلق : دفعت ام سعيد : امال هى بتخلى على حيطها غبار بكرى رجع بضهره فى الكنبه : طيب .. ورينى يا ابراهيم ابراهيم : دى جبنه يا بابا وقطم نص خرطه فى بوئه .. وبيض وسمسم بكرى : يا مفجوع كل دى فى بوئك حط الا فى ايدك بقى ودخل الحاجه كلها جوا ابراهيم حط باقى الخرطه فى بوئه وبياكلها وبكرى قام بيزعق له .. قولتلك حطها ودخلها بترميها فى بوئك ليه ابراهيم بيضحك : ما انت ما قولتش احطها فين بالظبط قولت بوئى أولى .. ماجبتيش زبده يا ام سعيد وحشنى طعمها ام سعيد بتضحك : لا والله ان شاء الله الاسبوع الجاى اجيب كيلو وإلا أكتر ابراهيم طلع فلوس من معاه : خدى هاتى كيلو بس ام سعيد : عنيه ليكووو .. وقامت ناولت الولد لبكرى وخدت السبت ونزلت ... شويه والباب خبط .. وابراهيم فتح وبكرى ناول الطفل للبنات جوا وراح ورا ابراهيم ابراهيم باستغراب : نعم الولد بنهجه : شقة الست جنه ابراهيم : ايوا وبكرى بيشب يشوف جايب ايه الولد : هى باعته شكارة الرز دى والشعريه بكرى : دفعت الولد : ايوا .. بكرى بينطر ايده : شيل يا ابراهيم دخل شكرا يا حبيبى وخدو الحاجه وقفلو .. لسا ها يقعدو الباب خبط .. بكرى بصوت عالى زى بوحه : مين ابراهيم راح على الباب : ايوا ولد صغير : ست جنه باعته علبة اللبن دى ابراهيم : شكرا يا حموكش بكرى على صوته : دفعت الولد : اه وابراهيم قفل وبيلف ايده باستغراب لسا ها يتحرك الباب خبط بكرى : هى اختك سرقت بنك مركزى وإلا إيه ابراهيم بيرفع كتفه : او يمكن قتلت حد وأستولت على ثروته وفتح مد ايده خد الشنط وقفل الباب ابراهيم كلمها يا بابا شوف هى ثبتت مين على الطريق وجت بكرى : افتح والواد اللى ها يد*ك حاجه امسكه رهينه لحد ما تيجى ابراهيم فتح لقى بنوته صغيره ومايعه قوووى بتتمايل يمين وشمال وهى بتتكلم : بيت طنط جنه ابراهيم بدلع زيها : أيون البنوته : هى قالت أدى دى لبابا بركى هو فين لو سمحت بكرى : انا اهووو يا قمر انتى بنت مين البنوته : بنت جنجنا يا عمووو .. اتفضل دى رنجه من عند عمو الفسيخ ابراهيم مد ايده : الله الريحه الحلوه بتيجى مع الناس الحلوه شايف الجمال شايف الحلاوه شايف الرنجه يا بابا وكلهم طلعو من الأوضه ورا بعض لما سمعو كلمة رنجه .. ياسمين شدت الشنطه : دى بتاعتنا .. ياف*ج الله مش ها ناكل قرديحى ابراهيم حط رجل ع** رجل وبينزل شويه وماسك التيشرت وبص لببنوته : ميرسى البنوته ضحكت وحطت ايديها على بوئها ونزلت .. وابراهيم قفل .. بكرى بزعيق : اقعد انت وهو وهى لما أشوف اختكم نطمن هى بتعمل ايه والا جابت فلوس منين دا لسا قابضه الشهر وخلص معهاش غير باقى الملايه ريماس : يعنى مش هاناكل بكرى باصرار : لاء مش قبل ما اختكو تيجى كل ما اتصل تكنسل عليااا .. لحظات وجنه جت والضحكه من هنا لهنا ومعاها واحد شايل شنطه كبيره جدا جدا .. نزلها ومشى وادته عشره جنيه بصت من الباب شكرا يا حسين .. حسين : الشكر لله ونزل .. بكرى شدها : تعالى هنا .، منين دا كله وايه القتيل دا جنه : أصبر يا بابا اخد نفسى وقعدت وشالت مؤمن : حبيبى يا ناااس انت وحشتنى خالص أكلوك والا نسيوك الوحشين ومؤمن ضحك .. كدا يبقى أكلوك .. بكرى : ماتنطقى وتبطلى برود جنه : يا بابا كان معايا متين جنيه وفيروز جابتلى سوبعميت جنيه من الفلوس الا عندها والحمد لله قولت اجيب خزين للبيت وكفى ووفى وحجزت فراخ جايه الصبح من عند عم بحه الا فى شارعنا حسام : هاتكلينا من عند بحه ابراهيم : ايوا هاتأكلنا بح الاتنين ضحكو وض*بو ايديهم فى بعض بكرى : ماشاء الله كل دا كتير على الفلوس جنه هزت راسها : ابدا الحمد لله شكارة رز وشكارة شعريه وحاجات من أم سعيد وشوية نواشف عدس فصوليا لوبيا ورنجه لقيت عليها عرض ب30 جبت اتنين كيلووو ب60 وعلبة لبن ب50 للباشا يبقى كام يا ولاد .. ريماس باصه لفوق وبتقول .. انين نناه انين ننوه يبقى 535 جنه : ايوا كدا خلى الدماغ صاحى .. وبس يا يا بابتى بكرى : وها تجيبى فراخ بايه جنه : هو مش فراخ هو اتنين كيلو بانيه هيصووو بقى .. ان شاالله حد ماحوش وانا بقى خليت معايا 50 جنيه عشان موصلات وكدا خلاص مفيش تا**ى فى مشى وموصلات .. كلهم وقفو ساكتين وبصين لها وبكرى عيط .. جنه قامت ناولة مؤمن لريماس : ايه يا بابا زعلان ليه بكرى : شيلتى الهم لوحدك ومش عايزانى أزعل وكل يوم والتانى تحسبيها وتجبيها يمين وشمال جنه ابتسمت : لوحدى ازاى داحنا من غيرك ولا نسوى يا حاج بكرى وكمان عندك رجاله كمان سنتين هاتلاقى إيدهم بايدى حسام : وكمان سنتين ليه .، احنا من دلوقتى معاكى هانلف انا وإبراهيم ونوزع ليكى بدال خروجك وتعبك ليل ونهار ماهو احنا مش هاناكل وبس ايدينا بايد بعض وبص لأبراهيم والا ايه ابراهيم : هاتدينى فلوس هل اشتغل مش ها تدونى هل أفضحكم اه انا فى الشغل ما اعرفش ابويااا جنه ادته بالرجل ابراهيم : الفلوس وصلت والحمد لله وكدا مبلغ مش ها اعرف ارده وكلهم حضنو أبوهم .. وياسمين طلعت جرى بالرنجه تعملها وبتحمر بطاطس بكرى بعد ما قعد : وايه دا يا جنه جنه شدت الشنطه : بص يا بابا اتفقت مع بتاع قماش الملايات إلا على شارعنا يدينى قماش أجل ووافق وقطعت عشر ملايات نبتدى بيهم وابراهيم وسعيد ها يساعدونا كمان يعنى هاتف*ج بكرى رفع ايده : يارب .. بس شغلك دانتى بترجعى تعبانه جنه وطت راسها : بصراحه يا بابا سيبته بكرى على صوته : ولا تزعلى نفسك فى داهيه احنا نعمل مشروع لنا وها يكبر ونشتغل بأمر الله جنه بحماس : ان شاء الله .. ياله ناكل ونبدع يا بكرى انا وانت والا إيه بكرى : وإلا اااه يا جنتى .. وقعدو فى أجواء عائليه ملموين حوالين بعض بياكلو ويضحكو ويهزرو .. وكمان مش ناسين مؤمن... قامت جنه بحماس هى وبكرى وريماس وياسمين بيساعدو بطريق غير مباشر واحده قاعده تقول لهم افكار ملايات والتانيه مشغوله مع مؤمن إلا بيسحف وهى بتسحف وراه هههه... مر أسبوعين وجنه كل يوم تنزل طقم ورا طقم وربنا يوسعها عليها أكتر واكتر .. تدفع جزء للراجل وتجيب وتعمل حتى أهل المنطقه لما عرفو بدئو يهلو عليها وحسام وابراهيم يوزعة ويسافرو وفى نشاط غير طبيعى فى شقتهم مش بس كدا فى إصرار منهم كلهم ينجحووو وفعلا بدئو يرسمو أول طريق نجاحهم جنه : كدا نصب وربنا .. انت مش بتاخد حق الشحن يبقى ما تاخدش جنيه زياده حسام : لا كدا انا ازعل ولما بزعل ابراهيم بيزعل .. حضرتك فى كليه وفى مصاريف ياختى مش هانشحت يعنى جنه شدت الفلوس : هات شوية عيال نصابه .. مؤمن عيط .. لا مش انت يا قلبى .. انت فى الحته الا جوا دى حسام : جنه مش عشان حاجه بس انتى خلاص هاتربى الواد دا مش تسلميه للشرطه دى مصيبه فى البيت جنه حضنته جااامد وبخوف : دا وش الخير فى البيت انا خدت عليه قوى يا حسام حرام ارميه فى دار ايتام ويتبهدل وللأسف إلا اسمه فارس دا طلع ماعندوش لا دم ولا إحساس حسام : ماممكن يكون فعلا مش إبنه انتى ها تظلميه ليه جنه بمقاوحه : إزاى والورقه إلا كانت مع الولد حسام : مش إثبات .. انا ممكن اخ*ف عيل والبسها فى حد اخده من دار ايتام وارميه فى مليون حيله وانتى قولتى الناس قمه فى الأخلاق والذوق جنه : إلا دا .. قمه فى التطاول والعجرفه انا ما شوفتش كدا والله .. بس فعلا ها نعمل ايه ها يعيش كدا لا له أم ولا أب حرام حسام : انا بقول نروح نسلمه للشرطه انهارده جنه ضمته جااامد وبرد فعل سريع : لاء .. لا يمكن مش ها أقدر والله ما ها أقدر دانا بنام وهو فى حضنى واقوم وهو فى حضنى خلاص خدت عليه وعلى ضحكه وعلى زنه بكرى بيرج الببرونه : خد يا سيدى الرضعه وأقفل الجعوره .. بص فى وشوش ولاده مالكووو عاملين كدا ليه ولا إلا ضاربين بعض جنه عيطت : عايز ياخد مؤمن يسلمه للشرطه بكرى اتن*د وبحزن : لازم يابنتى دا مسئوليه كبيره فى راقبتنا جنه : رقى وعدتنى بعد سفر أمها ها تيجى وتشوف موضوعه ايه هى وأخوها عشان خاطرى يا بابا ارجوك أنا قلبى واجعنى قوى عليه دا ملوش حد بكرى : ماهو 15 يوم لا حس ولا خبر جنه بصت لمؤمن : أكيد لسا ما خلصوش .. حطت فى بوئه الببرونه خد بوء وعيط جاامد بدموع .. حاولت تسكته يسكت وكل ما يبص لهم يعيط .. وكأن قلبه حاسس بكلامهم جنه بصريخ فيهم شالته وقامت : بس بقى زعلتوه هو مش عايزا يسيبنا وخدته ودخلت الأوضه حاضنه جااامد وبتعيط .. حسام بص لبكرى : بنتك اتجننت زعلان ايه هو فاهم ولا عارف حاجه بكرى بيهز ايده : والله يابنى ماعارف انا مش هاين عليااا أسيبه بس ها أقول إيه أدى الله وأدى حكمته .. قوم اتصل على ياسمين وريماس شوفهم فين دلوقت جوعنااا .. وكلم ابراهيم شوفه وصل الشرقيه والا لسااا حسام : حاضر يا بابا .. وقام دخل الأوضه يكلم أخواته .. جنه بدموع باصه لمؤمن وبترضعه بالببرونه : مش ها أسيبك غير لما أطمن عليك وعيطت أكتر وكمان ها أشرط عليهم أشوفك دانت حبيبى ووش الخير علينااا .. اساسا اخويا حسام دا مجنون سيبك منه عيل براوى أصلا مؤمن ضحك وكمل رضاعه جنه ضحكت هى كمان وضمته جاامد وبتتهز يمين وشمال : ياختى ياختى ياختى .، انت مبسوطه فى الواد حسام وضحكت كمان دانا ها اعلقه فى باب الشقه واخد منه الفلوس الا بيقلبها منى كمان .. وفضلت كتير ترغى معاه لحد ما نااام وقامت اتغدت وقعدت على المكنه .. مفيش عندها غير بواقى قماش .. قعدت تفكر شويه وطلعت منه حتت للأنتريه ونزلت جابت قماش ساده وعملت له كرانيش وظبطته .. شالت طقم وبتفرشه على الانتريه بتاعهم تشوف شكله ريماس : واو ... ايه دا ماشاء الله جميل قوى قوى وبتمسك جنه وبدلع .. بالله سبيه لنا شكله حلو قوى يا جنتى جنه رفعت حاجب : اه يا دلعووو .. ملكيش حل فى المايصه ريماس بدلع اكتر وبتبوسها : لو ليا خاطر عندك يا جنتى انتى شايفه دا الصاله نورت جنه بتفكير : فعلا والله .. ايه رأيك أصوره وأعرضه والا عايز نعمله ونخلى دا ريماس هزت راسها : ماشى جنه : دا مهمتك يا فتوغراف العيله .. ياله انطلقى ريماس جريت : دانا ها اتشقلبلك واطلعلك تحفه فنيه جنه علت صوتها : ابوس ايدك ما تطلعيش إيد الانتريه الا واكلها قطر دى ركزى فى النص او اعملى فتوشوب وركبى ايد غيره ريماس ضحكت : دانا ها أعملو فتوشوب كله ولا تزعلى نفسك ********* فارس خلص شغل وروح على طول .. خد شاور وغير ومنتظر اخته تحطله الأكل وفعلا حطته قعدت تاكل معاه .. رقى : هاتعمل ايه يا فارس ماما سافرت من تلات تيام وانت ساكت فارس بعدم اهتمام : فى ايه رقى : فى الولد وجنه انا وعدتها بعد ما ماما تسافر نروح لها فارس : انتى فاكره لو فعلا الولد دا ما يخصهاش كان سابته عندها طول الفتره دى قولتلك سيبك منها رقى : طيب ما هى ما وافقتش على طلب ماما ولا اتصلت يعنى مش طماعنه ولا خدت فلوس انت ليه مصر تظلمها وليه بتلف وتدور وكل شويه بحجه شكل فارس بحلفان وعصبيه : والله الولد ما إبنى ولا اعرف عنه حاجه انتى بقيتى غريبه كدا ليه يا رقى ما تندعق انا ليه أشيل ذنب غيرى مش انا المسئول .. مش انا رقى : طيب اهدى شويه كمل اكلك وبعدين نتكلم فارس : يووواه .. تانى ورزع الطباق بايده كل حاجه اتنطرت من مكانها بهدلت الدنيااا وبعلو صوته : مش طافح وقام .، رقى برقت للمنظر أول مره اخوها يتعصب عليها ويعمل كدا ... قامت لمت الأكل وهى بتعيط جااامد هى انسانه حساسه جدا جدا ومسحت السفره وشالت كل حاجه .. فارس طلع حضنها وباااس راسها : انا أسف يا رقى ما تزعليش منى والله جبت أخرى من الموضوع دا وانتى مش قادره تفهمينى لأول مره أحس انك مش فاهمه أخوكى ولا بتصدقيه رقى بعياط وشنهفه : ما أحبش اطلع وحشه ومليش كلمه .. لو مش ابنك هانعرف .. انت قلقان من إيه بقى فى DNA ليه القلق طيب فارس : منها .. قلقان منها .. انتى عارفه يعنى ايه بنت لفه ودايره وبتبيع وبتتعامل وبتسافر لابعد الأماكن دى ممكن تعمل ايه .. مش عارفه عشان الا زيها يلفك ويطويكى ويحطك فى جيبه رقى بعدم فهم : يعنى ايه فارس : يعنى انتى غلابنه وملكيش فى اللف والدوران وعشان أثبتلك واثبت لماما انى فعلا برئ .، انا موافق أروح لها رقى بفرحه : بجد يا فارس وسقفت وباسته من خده : انا ها أروح البس فارس لف راسه وأبتسم : طالعه رحله سعتك دى مصيبه ودخل أوضته يجهز .. نزلو مع بعض ركبو تا**ى ورقى طلعت عنوان جنه من شنطتها إلا أدتهولها وراح على هناك على طول .. وصلو للبيت والكل مستغرب وفى الا فسر الأمر بمزاجه وقال عريس لجنه .. طلعو ورنو الجرس ولحظات وجنه فتحت وعلى إيديها مؤمن وواقفه لا بتصد ولا بترد ومؤمن عيونه راحت على الولد والموقف فعلا غريب ومشاعره متضاربه من الكل

Free reading for new users

Scan code to download app

App Store Google Play

Facebookexpand_more