إنتى حكايه ٣

2853 Words

فارس بصدمه بيبص على الطفل مره وعلى جنه مره هى لحقت ترتبلى مصيبه وطلعت وبشر : انتى لو مجنونه انا أجن منك ولو بتستهبلى وعايزا تلبسينى فضحتك ها اود*كى فى داهيه غورى با إلا فى إيدك وإياكى أشوف وشك هنا تانى فاهمه جنه بجراءه : حيلك .. حيلك .. وزقته وسع كدااا انا أدخل لأمك وأعرفها حقيقتك أحسن فارس مسكها : تعالى هنااا وغورى بدال ما أقلبك على السلم جنه : ها تقتنلى وتقتل إبنك البرئ إلا يدوب بيقول ووواء انت حجر للدرجه دى .. عندك رحمه وإلا عندك إيه بالظبط ودخلت على جوااا جرى .. أمسكى يا رقى إبن أخوكى إلا مش عايز يعترف بيه سايب أبنه لكلاب السكك صباح : هى بتقول إيه يا فارس وإبنك من مين فارس واقف متنح وباصص لجنه مش فاهم غير انها بتتبلى عليه وإلا مجننه هى لحقت تجيب الواد او تتصرف فيه وتيجى رقى بتشيل الطفل بحذر : الله دا جميل خالص هو إبنك فعلا يا فارس ومخبى علينااا طول الفتره دى مين مامته وليه مخبى طيب دا ما يستاهلش كدا أبدا فارس بجنون : انتو بتقولو إيه وولد مين ماما انا ما اتجوزتش اصلا ها اجيبه باللاسلكى صباح بتعب : مين دا وليه جنه بتقول كدا جنه بتهز راسها : اتفضل قول أعترف وإلا أقولك انت لازم تروح المحاكم وتتمرمط عشان تلم لحمك يامفرط على رأى أخويااا .. فارس هجم عليها مسكها من دراعها وبشررر .. انا ها ألمك انتى ..بص لأمه الصراحه يا ماما انا غلطت فى حقكم كلكم وأول إلا غلطت فى حقه هى جنه ولازم أعترف بدا صباح ورقى برقووو وشهقو مع بعض جنه : سيب إيدى بقولك دانا بلعب كاراتيه وبعمل شقلبظات أوعى يغرك طولى .. يعنى حاجه حلوه انك تعترف بغلطك ناحيتى وانا مسامحك الناس لبعضيها بردك .. بس سيب .. سيب بقولك فارس ميل راسه وبابتسامه مصطنعه : انا أسف يا حبيبتى من يوم ما اتجوزنا عرفى وحملتى وانا راميكى وان الأوان أمى تعرف وتفرح بحفيدها ماهو مش ا افضل سايبك كدا أنتى وإبننا جنه شهقت جااامد ومبرقه وباصه للسقف : يخربيتك انت بتلزقها فياااا انت تضحك على بنات الناس وانا ألبسها ليه ما تصدقيش يا صباح ابنك عقله راااح يا صباح صباح بتردد الكلمه وبتلف ايديها مش فاهمه اى حاجه : صباح جنه : ايوا صباااح ... ابنك دا غلط وارتكب الرزيله وانا مش الرزيله .. انا عندى احلى من الشرف مفيش الله يرحمك يا توفيق .. إلا ارتكب معاها الرزيله ودا انتاجه حتى بصى شبهه يعنى ما يخصنيش والله وبتشد نفسها .. سلام عليكم أنا ولعتها ولازم أمشى بس الشهاده لله ابنك يستاهل كل خير و الناس لبعضيها بردو فارس : تعالى هناااا خدى البلوه دى وأخرجى برا جنه : وانا مالى انا ايه حشرنى بغلطك هو انت تغلط وانا اربى صباح بدئت تشهق وتتعب جامد وتحط إيديها على ص*رها .. فارس : ماما .. هاتى جهاز الأ**جين بسرعه يا رقى وبيهوى عليها رقى شيلت جنه الولد وجريت تجيب جهاز الأ**جين ووصله وبسرعه بدئو يعملو جلسه لأمهم جنه واقفه ساكته وادايقت من غبائها وطريقتها المفروض كانت نادتلو برا واداته الولد .. بلاش فضايح وكمان وضع مامته ما يتحملش إلا حصل رقى قربت على جنه : ارجوكى يا جنه امشى دلوقت ماما ممكن يجرالها حاجه جنه بذهول : والولد اعمل فيه ايه دا ابن أخوكى رقى : مش هاينفع نتكلم دلوقت خديه وامشى وانا ها اجيب فارس وأجيلك ارجوكى ماما لو جرالها حاجه فارس ممكن يقتلك ارجوكى جنه خوفا على صباح مش خوف من حد خدت الطفل ومشيت ركبت تا**ى لحد باب البيت وطلعت بيه جرى على فوق من غير ما حد يشوفها جنه بتخبط وبصوت هامس : افتحو يا أغ*يااا لحد يشوفنى ياسمين .. ريماس .براهيم .. حووس الملاعب .. بكرى فتح وعيونه على إلا فى إيد جنه ملفوف : مين دا يا جنه جنه ناولته الطفل : إمسك يا بابا اتاكد ان محدش شافنى الأول .. طلعت راسها من الباب وبتبص فوق وتحت قفلت وبراحه .. الحمد لله محدش شافنى بكرى بيلف راسه ومغمض عيونه : يا مصيبتك يا بكرى بنتك بتخ*ف اطفال ..، حصلت يا جنه تخ*فى اطفال عشان الفلوس ها تروحى فين من ربنا حرام عليكى جنه : لاء يا بابا دا هو إلا خ*فنى بكرى : ها يخ*ف واحده اد امه ازاى وشهق جااامد .. اتجوزتى من وريااا وخلفتى .. فضحتينى الأبهات كلها بتستنى اليوم إلا تجوز بناتها وبعدين تجيب العيل .. وانتى اختصرتى الطريق وجيبتى العيل وبعدين ندور على أبوه . جنه : يا بكرى إهدى ها تنجلط بكرى : ها انجلط وبس هاتموتينى انتى واخواتك بالحصبه جنه : حصبه ليه هانعملك عدوه.. بس يا حبيبى بس وبتمسد على الولد بكرى : سد يا واد انت لما اعرف الحقيقه ابراهيم : جنه .. انا بدور عليكى من الصبح كنتى فين وشاور مين دا هو بابا خلف لحق دا يدوب دخلت الأوضه وطلعت بكرى اداله بالرجل : ها اخلف وانتو كابسين على نفسى ازاى .. خد .. وناول ابراهيم الولد .. حسام طالع يضحك : بابا .. بص الواد ابراهيم بيكلم مين على الفيس البت المزه الا فى شارع كريم ورا وضحك اكتر .. شاور على الولد .. ايه دا لحقت خلفت يالا .. يابن اللعيبه وكمان جايبه هنااا اكيد رمته فى وشك وقالتلك ربيه ابراهيم ناوله لحسام : دا إبنك ياغبى وبابا كان مخبى عليك حسام برق وباصص للواد : وربنا ما شبهى اكيد خانتنى الخاينه وبتفكير بص للولد .. مين امك ياد انطق لأحطك فى البرميل واغطيك بالمنديل جنه خدت الولد : هااات .، انتو مجانين انا لاقيته وواجهت ابوه وانكر الغبى راجل غبى بس انا وراه لحد ما يعترف ابراهيم بيهرش فى راسه وباصص لحسام : ازاى لقته وواجهت ابوه وانكر ازاى ياجدع الله بكرى حط إيده على دماغه : اااه يا دماغى .. ااه .. انتو ايه ما بتحسوش حرام عليكووو .. مين يابنتى الواد دا .. جنه : تعالى يا بابا انا جيبتلو بسكوت ها نسقسق فى المطبخ ونديلو واقولك وسابته وداخله المطبخ بكرى : ها تسقسقى لدا ما تاكليه محشى ودكر بط ويحبس بالشاى أحسن .. ودخل وراها البسكوت مش كفايه يابنتى .. بس ريحينى وفهمينى من دا وازاى جايبه هنا دا بيرضع يعنى مسئوليه كبيره جنه بتسخن ميه وواقفه وهى شايله الولد : والله يابابا لقيته وابوه أنكر بكرى نطر راسه : حرام عليكى أنتى واخواتك طيرتو برج وفاضلى واحد .. منين لاقتيه وابوه أنكر .. لاقتيه يعنى مجهول الهويه ابوه دا .. وبيض*ب صباعين فى وسط ايده .. جه منين جنه : انا نزلت من عند ا****عه الا قولتك عليهم وبعدين وانا بنط من على السلم كنت ها انط على المسكين دا فا لقيت ورقه جوا البطنيه مكتوب فيها ان ابوه يبقى فارس اخو رقى إلاروحتلها ومامته تعبانه قوى يا بابا فا خوفا على الست جبته هنااا يعنى عمل إنسانى ريماس واقفه مربعه إيديها : يعنى تلبسى نفسك تهمه عشان الانسانيه كنتى ارميه لهم وامشى انتى مالك هى المشرحه ناقصه قتله دا الشقه لمانا بالعافيه بكرى : هى فين المشرحه دى يا ست هانم بيتنا بقى مشرحه وخلاص بقيتو حمل فيها .. طب ايه رايك لو الطفل رفض حد ياخده انا ها اخده واربيه دا خير من ربنا يا ام عقل اد الصباع لا بيفهم ولا بيحس ريماس : يووواه بقى دايما كدا كلامى تقيل .. يابابا دى مسئوليه مين ها يراعاه ويتحمله احنا بندرس وجنه بتشتغل جنه علت صوتها : انا فى اجازه ما تقلقيش لا هاتشيلى ولا تحطى روحى الله يسهلك ويقدرك على فعل الخير ريماس : ماشى براحتكم انتو إلا ها تتعبو .. سابتهم وخرجت بكرى : هى البت دى طالعه بروايه لمين جنه ضحكت : لأم أحمد بكرى : اااه يا جنه انتى طالعه لامك الله يرحمها نفس طباعها واخلاقها جنه : الله يرحمها يا بابا .. وطلعت برا وبكرى وراها قعدو على الكنبه وبتحاول تأكل الولد .. يابابا مش عايز ياكل بيرجع الأكل تانى ماهو كبير ماشاء الله أهو مش صغير بكرى : يابنتى دا صغير بيرضع عايز لبن حتى لو بياكل ما يستغناش عن اللبن جنه : يا حسام .. حسام حسام : نعم جنه : خد ال20 جنيه دى وهات لبن من عند حليم والا اقولك هو عنده فلوس .. بكرى : يابت عايز لبن بودره بتاع أطفال جنه : نيدو يعنى .. هاتلو كيسين تلاته وبصت للولد إحنا لينا بركه غير زعبله القله عشين جنيه ها اروقك بيها بكرى : يووواه .. روح الصيدليه وهات علبة لبن اطفال يابنى اديلو 100 جنيه جنه برقت : أعاااا .. 100 ليه وبصت للولد تانى هو انت ها تقلبنى انت كمان وإلا إيه ما أتفقناش على كدا لم كرشك من أولها ريماس ضحكت وهزت ايديها : ولسااا هاتلو ببرونه معاك يا حسام وبفته وكام غيار وبامبرز . اديلو 500 وإلا حاجه بقى ياست الانسانيه جنه شهقت بتمثل الخنقه : بابا مشى البت السودا دى من هنااا يابابا ارجوك بسرعه بكرى : غورى ذاكرى لف لجنه وكمل عليها واديلو يابنتى يجبلو كام شراب حرام الواد بردان .. جنه بتتهز جاامد : انا بردت وحسيت بصروخ هوا لطشنى فى وشى طلعت 200 من فلوس الملايه .. خد كدا حلو قوى هات إلا قالو عليه وتعالى حسام : انتى بتفاصلى جنه تخنت صوتها : هو دا إلا عندى .. ياله بسرعه الواد عدمان من العياط حرام عليكووو .. وهات يانسون سايب ب5 جنيه اعمله رضعه لبن وواحده يانسون إخلص بقى حسام بعصبيه : حاضر .. ونزل فضل يلف يجى ساعه ورجع .. بيتكلم بنهجه .. اتفضلو اللبن والببرونه وبناطيل وتيشرتات والبامبرز للأفندى وكمان شراب جنه تنحت : انت سرقت مين ياد انت أعترف يا منيل مش ها نربى واحد والتانى يضيع حسام : كان باقى معايا 100 جنيه من الفلوس الا بقلبها منك قولت اشارك غلطان يابابا بكرى : لا يا حبيبى دانت حرامى شريف وايدك نضيفه حسام : اهووو يارب يطمر فيكو جنه : امسك يا بابا .. ها اقوم اعمل اللبن واجهزه الولد نام من كتر العياط والجوع منهم لله الا بيرمو ولادهم ويهون عليهم لحمهم .. قلبى بيوجعنى قوى عليه بكرى شاله براحه وضمه جااامد : ومين سمعك يا بنتى وبهمس شيلتهم الخمسه من بعد امهم وماقدرتش ادخل واحده غريبه عليهم تبكيهم او تهملهم فى يوووم وانت يا حبيبى بكل جبروت ترميك على السلالم لا هى فكرت فيك ولا ابوك قلبه حن ورق ربنا يكفينا شر دا جيل قلبه حجر وضميره ميت إلا ما رحم ربى .. الولد وهو نايم بيتشنهف ومد بوذه وعيط .. بكرى فضل يبوس فيه يا حبيبى خلاص بتعملك الاكل .. الولد جذب شفته فى بوئه وبيرضع فيها وهو نايم وكأن حد لا يعلمه إلا الله يعتنى فيه ويسد جوعه .. جنه جت جرى وقعدت بعد ما عملت الراضعه واول ما حطتها فى بوئها بقى يحرك بوئه يمين وشمال ويشد فى الببرونه بشوق ولهفه وجوووع فضل يرضع لحد ما شبع وأرتوى ومفتح عيونه وبكرى قاعد يلاعبه هو وجنه.. وهو بيضحك وصوت ضحكه ظهر .. جنه بنووم : قوم يابابا نمت وانت قاااعد .. انا ها اخد الباشا الا فاق دا معايااا وننام سوا بكرى : تصبحى على خير يا بنتى جنه وهى بتتواب : وانت من اهل الخير يا بابا .. هه وقايمه وضامه الطفل على ص*رها ودخلت الاوضه نيمته جمبها ومعاها الببرونه مليانه حطت ايديها تحت خدها وهى نايمه جمبه .. ها يا استاذ مش ها تنام احنا عيله ملتزمه بنام بدرى ونقوم متاخر .. الطفل ضحك وكركع فى ضحكته جنه ابتسمت : الله يا خراشى يا ناااس والله نسيت همى كله فى ضحكتك وبرائتك ماشاء الله انت جميل خالص .. خساره فى أبوك .. انا وراه لحد ما يعترف بيك ويلم لحمه ما تخافش انت وراك رجاله وبتشاور على نفسها ... نام بقى وخلى عندك دم .. وحطت راسها على المخده وهى بصاله وبهمس وهى بتنام ربنا يستر وما اتقلبش فوقيك وانت نايم .. وراحت فى النوم .. وتقريبا كدا بتصحى كل نص ساعه لحد ما بقت شبه الاشكيف من ليله واحده ??? فارس بتعب اول ما قام الصبح لقى رقى قاعده جمب امها : عامله ايه دلوقت رقى بهمس : الحمد لله .. تعالى يا فارس عايزاك قبل ما تنزل ودخلت الاوضه .. فارس : قبل ما تتكلمى أنا مليش اى علاقه بالمجنونه إلا انتو فتحتو لها البيت .. أفهمى حاطنى فى دماغها دى شكلها انسانه مستغله وعايزا تنفذ غرض فى دماغها رقى : وانا بمشى جنه امبارح أكدتلى إن معاها الدليل انك ابوه مش عارفه إيه بس لازم نفهم ونعرف دا الموضوع شكله جد مش هزار فارس كان ها يتعصب ويزعق بس وطى صوته : دى نصابه .. نصابه .. تقدرى تقوليلى نزلت جابت الولد دا أمتى اكيد فلم عملاه تقلبنا بيه أسمعى منى .. رقى انتى غلبانه وطيبه مش هاتفهمى الأشكال دى قدى سيبك منها ولو جت بلغى الشرطه وانا ها أوديها فى داهيه رقى باصرار : بس لازم نروح نشوف الدليل الا بتقول عليه الأول فارس بينفض إيده فى بعض : ولا ها نروح ولا نيجى خلى عينك على ماما وسيبك منها وبتحذير فاهمه رقى هزت راسها : حاضر بس لو كلمتنى اعمل ايه فارس : تليفونك فين وانا أريحك رقى طلعت الفون من الجيبه : اهووو فارس : افتحيه وهاتيلى ايملها ورقمها رقى بصفو نيه : أتفضل .. دا الايميل ونزلت الشاشه ودا الرقم فارس مسك الفون عمل لها حظر مكالمات ومسح الرقم وبلوك على الفيس وقبل البلوك حظر وكذلك على الواتس .. رقى شهقت وشدت الفون : ليه كدا تقول علينا ايه بنتهرب منها أنت ها تطلعنى صغيره قدامها فارس طبطب على كتف رقى : دا عشان طيبتك الزياده انا اتاخرت ها ألبس وانزل لو فى حاجه كلمينى .. رقى طلعت برا بزعل جواها وقاعده تفكر ياترى منظرها قدام جنه ايه دلوقت .. صباح بصوت مهزوز ضعيف : عايزا اشرب رقى بتعدلها : اتفضلى يا ماما صباح : فارس فين رقى : بيلبس ونازل لشغله صباح : والواد ..الواد يا رقى رقى : فارس أكدلى انه مايعرفش حاجه عنه وحضرتك شايفه جنه من امبارح ما حاولتش تكلمنا اطمنى صباح بتلف وشها : الحمد لله .. اخاف على اخوكى من ظلم الولايه يابنتى .. ربنا يحميكو بس الا أسمها جنه ما يبانش عليها انها كدا رقى بعدم تصديق وحيره فى الموضوع : اه والله ربنا يظهر الحق .. مر اكتر من يومين وجنه ملتزمه البعد عشان خاطر صباح بس محدش سئل ولا كلمها اتصلت اتفاجئت ان معمول لها حظر مكالمات بتدور على الفيس افاجئت بالبلوك والواتس نفس الموضوع .. جنه وهى شايله الطفل : معقول وكل الحلفان والوعود دى كانت إيه علت صوتها .. ياسمين .. ياسمين .. أمسكى مؤمن وخلى بالك عليه على ما أجى ياسمين شالته وبتضحك وبتبوسه : خلاص بقى أسمك مؤمن .. انتى راحه فين بابا راح يجيب قماش الملايات جنه : مشوار صغير وبصت فى الساعه دا وقته لازم أروح دلوقت عشان العيل المسكين دا .، دخلت لبست ولسا هاتنزل ابراهيم : أستنى أجى معاكى جنه : مش هاينفع الست وبنتها الا هناك لوحدهم تجيب لنا ولنفسك مصيبه يقولو بنتهجم عليهم خليك ابراهيم : خلاص ها اقف استناكى تحت على ما تنزلى جنه : لاء قولت لاء لو فى حاجه ها أكلمك ..سلام ونزلت على طول وصلت عند بيت رقى أتن*دت وطلعت على فوق رنت الجرس ورقى فتحت وأول ما شافت جنه غمضت عيونها رقى برد فعل سريع : اسفه والله اخويااا الا عمل كدا انا كنت ها اكلمك واجيلك زى ما وعدتك وبهدوء ارجوكى يا جنه ما تعمليش صوت وتعالى على الأوضه جوا براحه مش عايزا ماما تصحى جنه بتقبل : ماشى .. ودخلت على الأوضه جوا ورقى بتقفل الباب بشويش .. جنه : يعنى داخلين فى اليوم الخامس ومحدش فيكو سئل رقى : فارس بيقسملى انه لا اتجوز ولا خلف ولا يعرف اى حاجه عن الولد .. بس انا مش فاهمه انتى عرفتى منين انه ابوه وجبتيه منين أصلا جنه حكت لرقى كل الحكايه وطلعت الورقه وبتقرها : اسمعى .. فارس حرام عليك ترمى لحمك ودمك فى الشوارع انا مش لاقيه أكل ومش ها أقتل الولد معايا عشان ابوه عايز كدا أختك رقى تربيه أنتو مقتدرين وتقدرو تعيش*ه بينكم بكرامه رقى مبرقه وباصه لجنه وأتعدلت : بس دا مش داليل يعنى مع إحترامى ليكى ممكن أى حد يكتب ورقه عادى جنه : والله العظيم والله العظيم وحطت ايديها على المصحف ان كل الا حكيته هو الا حصل والورقه دى كانت مع الطفل وانا لا اعرفه ولا اعرف تبع مين لقيته مرمى على سلم العماره اعمل إيه ليكى حق تشكى طبعا وأنا غلطانه إنى خوفت على الولد بس ماقدرتش قلبى ما طاوعنيش رقى الصدمه مسكتها وعندها يقين ان جنه ما بتكذبش كلامها منطقى جدا هى نزلت من هنا و مش عارفه ها تنزل امتى يعنى مش مترتبه : وبعدين أعمل إيه ماما ممكن تروح فيها دى عايشه برئه واحده يا جنه وكمان تعبانه انا واخوياا عيطت مدمرين بسببها وبسبب تعبها مسكت ايد جنه جااامد أرجوكى ساعدينا جنه بتأثر ضمت رقى : أعمل ايه مش عارفه الولد محتاج رعايه وانا لازم انزل واروح هنا وهنا عشان شغلى مش فاضيه وأخواتى ربنا عالم بيهم وبابا ما بقاش حمل تربيه رقى بتمسح دموعها : بصى ها أديلك الفلوس إلا انتى عايزاها كلها بس ماما نسفرها برا تتعالج ونفوق لقصة الولد فارس ماشى فى إجراءات السفر وباع كل أملاك ماما فى ورثها وهانت مش عايزين نقتلها أرجوكى جنه : ولما انتو تسافرو انا ها اعمل ايه دا طفل مش لعبه انا مش عايزا فلوس هو فرد مننا طول ماهو فى بيتنا بس ما ينفعش رقى : لا انا ولا فارس ها نسافر اللى ها يسافر معاها ابن عمها هو دكتور يعنى مش هانبيعك ولا حاجه ارجوكى استحملى لحد ما نعرف قصة الولد ايه انا واثقه فى اخويااا لايمكن تبقى دى اخلاقه جنه استسلمت على أمل الموضوع يتحل رقى : وعشان تتطمنى وتتابعى معايااا هاتى رقمك اخويا مسح ارقامك .. وبتسجله ورفعت عنه الحظر وعن الواتس وفتحت الفيس ورفعت عن الايميل الحظر ورجعو اصدقاء من تانى .. خلاص كدا كله تماما انا ها اتواصل معاكى على طول ماشى جنه قايمه : خلاص ماشى والف سلامه على مامتك رقى جريت على الشنطه : خدى خلى الألفين جنيه دول معاكى فى داخله فارس عليهم الأوضه وعيونه جت على الفلوس

Free reading for new users

Scan code to download app

App Store Google Play

Facebookexpand_more