أنتى حكايه

إنتى حكايه ٢

جنه بتحسس على جيوبها وبخضه دخلت إيديها بسرعه تشوف الفلوس ...

جنه بصعبانيه : فلوسى .. فلوسى .. ااه يا حراميه إهئ إهئ قلبونى وانا نايمه .. فلوسى ياناااس .. فلوسى يا كلاب وطالعه من الأوضه لما سمعو صوتها نزلو جرى ورا بعض الأربعه وصوت ضحكهم مسمع ..

بكرى : فى إيه يا جنه مالك فى حد زعلك يابنتى

جنه بشرررر : فين ولادك يابكرى وبترفع راسها ومبرقه عيونها

بكرى رفع راسه بغمزه من الجمب : عملو إيه يا كبيره

جنه بصوت عالى ومدت إيديها لقدام : قلبونى سرقو شقااااا شهرررر خدوه وبتض*ب صوباعين فى بعض .. كدا مالحقتش اتهنى ياربى عليهم طب يسيبوهم يقعدو فى حضنى شويه .. خمسين جنيه إلا سايبنها ليه جاين على نفسهم .. صاحب المصنع يدينى مرتبى بضاعه وولادك يشفطووو حق البضاعه فى ثانيه

بكرى : إهئ .. إهئ .. معلش يابنتى تقلنا عليكى اااه لو المكنه تحترم نفسها وتسيبنى أشوف شغلى كنت خليتك البرنسيسه جنه بس أعمل إيه إهئ إهئ

جنه بتأثر : لاء يا بابا ماتعملش فى نفسك كدا إحنا فداك يا حبيبى .. وبتنطر إيديها أنت ومالك لأبيك يا أبويا

بكرى : طب هاتى الخمسين جنيه أجيب سير وأبر أصل المكنه عملتها معاياااا بنت الصرمه

جنه بصريخ : اعااااا... لاء كفايه يابكرى أبوس إيدك ارميها دى بتاكلنا فى كرشها حرام عليك

بكرى : إهئ إهئ هى الا باقيلى من ريحة المرحومه أمك وقرب عليها وحط إيده على ص*ره أرميها يا جنه .. ها تقدرى يابنتى انا لاء ماقدرش دى المرحومه

جنه هزت راسها وبتعيط وطلعت الخمسين جنيه : إهئ إهئ .. خد ياخد عدوينك وتفضل المكنه إلا ها تجيب أجلى زى المرحومه

بكرى بحماس : هاتى وطالع جرى على برا

جنه : يابكرى .. خد ياحاج انت بشبشب الحمام وانا عايزا أعمل اى حاجه طيب .. اااه يا جنه على العصابه إلا انتى عايشه وسطهم وبتشاور على المكنه ورئيسة العصابه أهه أووووس المصايب وبتخبط على المكنه أهه .. أنتى حد مسلطك علياااا وعلى بكرى .. تنحت ..ومسكت بجامه .. وإيه جاب البجامه إلا عارضها على النت دى عندك انا ببعها يا بايره وشدت الشنطه ودخلتها جوا الأوضه .. طلعت دخلت الحمام و صلت وفطرت وقاعده فاتحه النت وبتدعى ... يارب انهارده اجازه تجيبلى بيعه للبجامه الكيوت القمر دى أصل ها يجرالى حاجه لو فضلت من غير فلوس .. أف*جها يارب ... وسمعت تكة الإشعااااار .. تن .. ايوان انا اهووو ..، ردت .. كلمينى خاص ياقمر ايوا موجوده وأخر قطعه .. لو عايزاها رقم الفون والعنوان ومصاريف الشحن داخل القاهره 35 .. وفعلا البنت وافقت وجنه قامت تتنطط وترقص وقبل دا سجدت شكر لله سمعت صوت رساله .. ردت ..

البنت : ينفع إنهارده بعد ساعه بالكتير

جنه : طبعااا وأقل من ساعه ها اكون عندك ها تستلمى عند البيت وإلا فين

البنت : لو مفيش مشكله ممكن البيت أصل ولدتى تعبانه جدا وأخاف اسيبها وانزل

جنه بتأثر : خلاص ماشى أنا تحت أمرك .. وقفلت وبلغت ابوها وحطت البجامه فى شنطه وهى جوا الكيس ونزلت ... بعد نص ساعه وصلت المكان سألت على البيت وهلاص عرفت انها قدامه

جنه : لو سمحتى هنااا ساكنه الانسه ..،، ووالدتها

الست بتأكيد : ايوا يا حبيبتى انتى صاحبتها

جنه : لاء مندوبة مبيعات بس قلقانه أطلع خايفه

الست : لاء دا ناس محترمه قوى قوى ربنا يشفى أمها إطلعى ما تقلقيش وكويس انك بتسألى بس بعد كدا إبقى سلمى بضاعتك فى اى مكان برا البيوت الدنيا مفهاش أمان يابنتى ولا النفوس بقت صافيه

جنه بابتسامه : شكرا جدا ليكى وسابتها وطلعت الدور التانى رنت الجرس وواقفه منتظره فتحت بنوته تقريبااا كدا فى سنها أو أقل بس هى أطول حاجه بسيطه بابتسامه

- جنه انتى جنه

جنه : أيوا انا حضرتك رقى

رقى : ايوا تعالى اتفضلى

جنه : معلش بس مستعجله ممكن تشوفى البجامه وتتطمنى انها تمام الاول

رقى ببتسامه : معلش انا بحب أقيس وتشوفيها وقوليلى رايك تعالى وخدتها من إيديها ودخلت جوا فى الصاله ست كبيره نايمه ومتعلق لها محاليل ومفتحه عيونها باين عليها الإرهاق والتعب جدا ابتسمت بضعف وبترحيب وصوت هادى

- اتفضلى يابنتى

جنه : شكرا يا طنط والف سلامه عليكى وقعدت قدامها

رقى : دى جنه يا ماما إلا وريتك صفحتها بنوته ماشاء الله مجتهده والكل بيشكر فيها جدا جدا وفى حاجتها

- ربنا يقويها ويعنها

رقى : ها ادخل أقيس وأجيلكم ودخلت جرررى على جوا ... طالعه وهى صوت ضحكها مسمع المكان كله ..

جنه أول ماشافتها قااامت وفتحت عين وغمضت عين وبهمس : يالهووووى انت عملتها يا بكرى فيا وقضيت على باقى الحلم

مامه رقى لاول مره تضحك : ههههههه .. ايه دا

جنه ضحكت هى كمان باعتذار : والله انا أسفه تقريبااا كدا بابا افتكر انى جايبها لأختى وخدها قصرها وض*بت منه

رقى قعدت جمب مامتها وحطت راسها على كتفها لما امها اتعدلت وقعدت وأمها مسكت إيديها وفضلو يضحكوووو شكلها فعلا يضحك كم طويل وكم قصير ورجول البنطلون قبل ركبتها بشويه شبه سمير غانم فى المسرحيه

جنه : والله مستعده أخدها عشان ضحكة ماما وكل شويه أطلعلها بيها .. وإلا إيه يا ست الكل

أمها : اااه والله ضحكتونى كنت خلاص قربت انسى الضحكه بس مش تتأكدى يا بنتى من حاجتك لحد يترازل عليكى

جنه : والله انا بحمد ربنا انها جت فى ناس زيكووو الحمد لله مفيش مشكله خلاص وماتقلقوش مش ها أخد فلوس شحن كمان وتقدرى تحتفظى بيها لو دى إلا هاتسعد ست الكل

رقى بروقى وأدب وعدم إحراج لجنه : أنا فعلا ها اخدها وها أدفع الشحن هى عجبانى قوى وها اظبط الكم بحيث الاتنين يبقو زى بعض والبسها شكلها لذيذ جدا بس هاتخفضى ليا فيها شويه .. ممكن

جنه بفرحه غير ظاهره : ممكن طبعااا والله هى خامتها ممتازه وزى مانتى عايزه خديها

روقى طلعت الفلوس : ها انزل خمسين جنيه بس وادى فلوسك ياستى وكمان الشحن

جنه : انتى محترمه قوى على فكره واحده غيرك كانت استغلت الموقف ونزلت منها 100 او اكتر كمان

أم رقى : ياحبيبتى ولا تبخسو للناس أشيائها رقى عارفه تمنها وعارفه انك بايعها اقل من برا بكتير وبنتى شاطره ها تظبطها وتخليها احلى ماكنتى ها تجيبها الأول كمان .. قومى أعملى اى حاجه لجنه تشربها

جنه : لاء مفيش لزوم كفايه كرم أخلاكم معايااا وبعتذر مره تانيه انا عارفه انه اخر تعامل صح بس والله هى كانت زى ماكنت عارضها

رقى : لااااا دانا ها أدوشك ها اخليكى تجهزينى بس بقولك إيه قولى للحج ابوكى يبعد عن حاجتى إحفظى بقى المنطقه عشان تجيلى على طول

جنه قااامت سلمت عليهم برغم انهم بيتحايلو عليها تقعد ومشيت على طول وهى مش مصدقه كل إلا كان معاها حق الموصلات مش أكتر وكانت شايلاهم فى البيت من الشهر الا فات كمان ودلوقتى معاها 280 جنيه وغير كدا رد الفعل إلا كان مريح من الناس دى جداااا ناس غيرهم كانو قالو عليها نصابه فى حاجه ملهاش ذنب فيها ... ماشيه تقول الحمد لله قدر ولطف

نازله بكل خفه طايره من الفرح ومن كل حاجه حلووووه بتطلع من بوابة البيت وأول ما شافت تا**ى وقفته وركبت على طول حته صفيره تطلعها على العمومى برا عشان تركب موصلات عاديه ... دخل شاب لا طويل ولا قصير ملامحه رجوليه جاااده طلع على نفس السلالم وض*ب الجرس مكان ما حطت إيديها ...

رقى : جايه أهوووو .. وفتحت وأول ما فتحت بص عليها من فوق لتحت وضحك ض*بته كف وضحكت معااااه لفت بكل خفه .. إيه رأيك بقى فى اخر إختراعاتى يا فارس وبتحذير قول الحقيقه وإلا مش ها تاكل

فارس حاطت إيده على كتفها ودخل باس إيد أمه وراسها أول ما قرب عليها وقعد جمبها : أراجوز .. شايف اراجوز قدامى انتى بتعملى فينا كدا ليه

رقى : ست ماما كانت ضحكتها إيه ماشاء الله مسمعه الجيران

فارس بصلها بلمعه فى عيونه : بجد يا صبوحه طيب مش عارفه تأجليها لحد ما أجى بس مش مهم الأهم إن رجعنا نسمع ضحكتك من تانى

صباح ضحكت لما أفتكرت الموقف وفارس ضمها بحرص : أختك والبنوته إلا جابت البجامه هلكونى ضحك كانت طلتها جميله

فارس بذهول : هى دى جديده

رقى بتأكيد : طبعااااا .. بص انا جميله فى كل حالاتى صح اوعى تنكر

فارس : طبعاااا وأجمل من أى حالات كمااان انتى وصبوحه وضمها تانى بيبوس راسها صباح بادلته الحضن وباسته

صباح : ربنا ما يحرمنا منك يا حبيبى قوم كدا فك وغيررر

رقى : المهم لقيت العلاج وإلا لاء

فارس بصداع : دوخت يا رقى مفيش مش لاقيه بيقولو ان صعب تلاقيه دلوقت ولو لينا حد برا مصر ممكن يجيبه بسهوله وللأسف ماعرفش حد .. بس ممكن أحاول اطلبه من على مواقع على النت ويشحنوه

صباح : مش مهم ماتتعبوش نفسكو وتصرفو القرشين على واحده رجل برا ورجل جوا

فارس ورقى ضموها وبزعل : ماتقوليش كدا يا ماما

صباح : قوم يا حبيبى تلاقيك واقع من الجوع

فارس : والعطش كمان والله .. وقاام يهرب من كلام أمه خد شاور ولبس تيشرت وبنطلون وقاعد على السفره بياكل

رقى قاعده قدامه : وبعدين هاتعمل إيه

فارس وهو بياكل : مش عارف ومش قادر أفكر انا بلف على الجمهوريه كلها وربنا يقضيها من عنده المهم هى كويسه وإلا تعبت تانى

رقى : كل شويه بحااال وابتسمت بس مبسوطه قوووى انها ضحكت انهارده كنت خلاص قربت انسى ضحكتها والله يافارس من كتر ما انا إتفألت بالبنت دى قولت ها اشترى اى حاجه وأجيبها من عندها

فارس مد إيده وبيبلع الأكل : الله يسترك ماتديش الأمان لحد خصوصا بتوع تسويق النت أغلبهم مش كويسين ووراهم بلاوي خلى علاقتك محدوده أنا اغلب الوقت برا البيت وبعيد عنكم

رقى بتفكيررر : ما تقلقش يا حبيبى أنا لايمكن اعمل اى حاجه بدون ماتكون عارف طبعاااا ..

فارس شد منديل وبيمسح إيده وشرب بوء ميه : الحمد لله تسلم إيدك

رقى : بألف هنااا قوم ياله عشان ماما ما تفضلش نايمه خلينا نفوقها وتقعد تتدردش معاناااا .. وشالت الأكل وعملت مشروب ساخن وخرجت لهم

فى منطقه تانيه حوالين جيران وناس محتفله جنه بتدخل وسط شارعهم رفعت إيديها : سلام عليكم يا عم حليم

حليم : وعليكم السلام ورحمة الله وبركاته .. خدى يا جنه

جنه قربت وبخوف ديقت عيونها : انا لسا مخلصه حسابك أمبارح واكيد مفيش عليااا حاجه

حليم بتأكيد : لاء عليكى حق علبة جبنه ولانشون مستورد فاخر بس دا مش المهم

جنه كشرت وبعياط مصطنع : ياولاد المفاجيع .. مستورد عمركم ماتحطو واطى ابداااا .. ماله بيف ابو عشره جنيه ها يعضكو فى بوئكووو ماهو دا كلابى مستورد ودا بلدى ماله البلدى بيخاف يهوهو مثلااا

حليم : يابنتى هاتفضلى تكلمى نفسك كتيررر

جنه : ارجوك ياعم حليم عزل من هناااا .. انا بتقلب فى اى حته وكدا خطر على صحتى

حليم أبتسم : عشان كدا عايز أرحمك وهما يشيلو هم نفسهم وانتى تتجوزى وتفتحى بيت وترتاحى بقى

جنه تنحت : نعم .. ومين قالك انى عايزا ارتاح منهم .. طلعت الفلوس اتفضل شوف حسابك وفى اى وقت واى حاجه يحتاجوها ادهالهم ولعلمك بقى أغلب الفلوس إلا معايااا من خير أبويااا ماتفكرش إنى بصرف من جيبى وإلا حاجه بابا بيشتغل ومرمى على المكنه ليل نهار

حليم : انتى زعلتى ما أقصدش حاجه والله يابنتى بس جايلك 5 عرسان وبيخمس فى وشها وجنه رجعت براسها لورا .. واحد محامى اد الدنيااا ..، وواحد محاسب اد الدنياااا ... وواحد زميلى اد الدنيااا وواحد مدرس عربى أد الدنياااا .. وواحد على بابا الله مستنى شغل بس مرتاح

جنه : يعنى بغض النظر عن كل دول ... ها اخد زميلك أعمل بيه إيه

حليم : ههههه انتى فاكره انه قدى فى السن لاء هو أصغر منى بخمس سنين مراته اطلقت وعياله اتجوز وهو قال يشوف حياته لما شافك لبسه عفريت وبيهز جسمه ورافع إيده لفوق وبيتمايل يمين وشمال .. كلمها .. كلمها .. وانا ها أستتها دى مش وش مرمطه

جنه حطت خمسين جنيه قدام حليم : خد ياعم حليلم وقول لأصاحبك يلمو عفاريتهم وبالسلامه انا مش ها أتجوز ومش عايزا اتجوز باقى الفلوس خليها عندك عشان لو إحتاجو حاجه . ولفت مشيت طلعت على طول بتخبط وترن الجرس وياسمين فتحت جنه مسكت خدها .. ياسووو .، فين بابا إلا مضايعنااا

ياسمين : قاعد على المكنه جواااا ولفت ماشيه

جنه رفع إيديها بصوت عالى : أستنى عندك وبتخبط على البنطلون من ورا .. ايه دا .. طلعلك أمتى أنا سيباكى بعقلك

ياسمين حطت راسها على ص*ر جنه وبعياط مصطنع : ارجوكى إنقذيناااا من ابوكى خلى الهدوم بتعمل حاجات غريبه فيناااا .. أنا بقيت منفوخه زى إسماعيل ياسبن وهو نازل البحر يا جنه

جنه بتبص ورا ضهر ياسمين ووبتدعك فى راسها : هى غريبه لاء وكمان منفوخه فعلا ربنا يستر .. رمت شنطتها ودخلت لأبوها لقته ماسك الشبشب وبيض*ب المكنه

بكرى : انتى ما بتمشيش غير بالتهزيق صرفت عليكى دم قلبى والبعيده ما بتحسش

جنه مسكته : إهدى يابكرى دى من ريحة المرحومه

بكرى : جننتنى هى والمرحومه .. ماتكملش شغلانه وتعطل

جنه : ابوس إيدك سيبك منها ارمى توبتها كفايه علينا كدا

بكرى بيمد فى الكلمه قووووى : أبببببببببدا .. انا وراها لحد ما تستسلم

جنه : إحنا إلا بنستسلم ... يابابا البجامه الا ببعها بوظتها و**ف*نى قدام الناس لو كان أتعنل معايا الصح دلوقت بسببك

بكرى بصوت عالى : انا لاء يا جنه .. لاء يا حبيبتى .. هى وبيشاور على المكنه ااااه اكيد عملتها فيااا وانا بظبطلك البجامه عايزك تفتخرى بابوكى فى كل مكان وتقولى ابويا ما يبظوش حاجه ابداااا

جنه : انا بفتخر بس كفايه أفتخار عليااا لحد كدااا من كتر الأفتخار ها انفجر من بعضى .. تعالى يا حبيبى وواخده ابوها وماشيه

بكرى : تلفتلى اعصابى يابنتى دى مكنه بروايه

جنه هزت راسها وملامح العياط على وشها : وتلفتى أعصابى وجيبى انا كمان ياحاج

بكرى : إهئ .. إهئ .. لولا الملامه كنت رمتها بس مش هاين عليااا .. بس انا عرفت ها تشتغل زى الجزمه ازاى

جنه بعياط : إهئ إهئ .. ازاى

بكرى بينطر إيده واتكلم بحرقه لدرجه ان ياسمين وريماس خرجو من الأوضه يشوفو فى إيه : ها أجيب لها ضره أيوا هى الضره مفيش غيرها

جنه ض*بت على ص*رها وشهقت وسابت ابوها وانفجرت : هاتتجوز على أمى يا بكرى .. بعد العمر دا كله هاتجيبلى ضره وفرد سابع يكبس على نفسى واجرى زى المجانين فى الشوارع أكلم نفسى بسببكم ليه يا بكرى عملتلك إيه دانا بنتك عشرة خمسه وعشرين سنه مش يوم وإلا أتنين

بكرى : لاء يا جنه

جنه : لاء إيه .. ما انت خلاص قولتها وإلا كان كان بينى وبينك المحاكم خلاص

بكرى قلع الشبشب وطار ورا جنه وريماس وياسمين قفلو الباب فى وشها بسرعه .. خلاص ياحاج اتجوز عيالك أستندلت

بكرى : ابلعى ريقك وإسمعى ... انا ها أجيب مكنه تانيه عشان تغير منها وتشتغل فهمتى

جنه بصت لصوباعين فى ايديها وإحولت : إتنين ... كتير يارب ووقعت على الأرض .. اااه يانى يا أمه .. هايموتنى

بكرى : قومى بطلى دلع انا عامل أكله إنما إيه بتحبيها مووووت

جنه رفعت راسها وبفرحه : إيه يا بكرى

بكرى ابتسم : عدس

جنه : إهئ إهئ إهئ .. فين اللانشون والجبنه مليش دعوه انا عايزا لانشون وجبنه

بكرى : اخواتك حسام وابراهيم وريماس وياسمين كلوه بألف هنااا .. انا قعدت من غير اكل وأستنيت تيجى وناكل مع بعض

ريماس طالعه من الأوضه ترد على ابوها وماسكه الباب وبصوت عالى : أكل معاناااا وقفلت بسرعه

بكرى ض*ب الشبشب فى الباب : أسكتى يا أوزعه وجه نظره لجنه وبصعبانيه حته صغيره من نفسى يعنى هما ياكلو وأنا لاء

جنه اتعدلت : يا حبيبى يا بكرى .. انت تاكل زى ما انت عايز ولا يهمك ولو عايز تانى أجيبلك ثانيه ها اغير واجيلك نض*ب العدس سوا

بكرى بضحكه : ياله يا حبيبتى وقلب وحيات بكرى أنا ليا غيرك ناصفنى .. ها اقطع البصل على ما تيجى .. خلصو وقعدو ياكلو الاتنين مع بعض وهما مبسوطين والضحكه على وشوشهم

جنه : اااااالله العدس مسكر وجميل تسلم ايدك يا شيف

بكرى بيمسد على إيديها : بألف هنااا يا حبيبتى .. دانا عامل لكم مفاجأه حلوه ... الست ام أحمد إلا فوقينااا وعدتنى تدينى فرخه من إلا بتربيهم وقالتلى اد كدهووو وبيفتح إيده على وسعها ها أعملكم اكله حلوه لو جابتها

جنه : هههههه ام أحمد .. حرام عليك أرحمنااا هانتسول كمان

بكرى : لا دى هى إلا أصرت وقالتلى انا حالفه ماحد واخدها غيركووو عشان خاطر امك الله يرحمها

جنه : الله يرحمها يا بابا .. كان الكل بيحبها إلا أم أحمد

بكرى : هههههه ههههه شكل ضميرها صحى .. قومى خدى دش وتعالى قيسى الجلبيه إلا عملتهالك

جنه : جلبيه ... انا بقصرى دا ها البس جلبيه وكمان انت إلا عاملها رفعت إيديها أسترها يارب ... وفعلا خدت دش وراحت قاست الجلبيه وكانت حفله عليها من اخواتها وصوروها فديو لتوثيق اللحظه

*******

فارس سهران طول الليل يفكر ها يعمل إيه فى العلاج إلا محتاجينه لوالدته ضرورى وبيقلب على النت وبيسأل واخر ما زهق رمى الفون جمبه ونااام حاطت إيده تحت راسه وفارد جسمه ورجل على رجل .. سرح بخياله لأيااام فاتت زمان

فلاش بااااك

********

فارس : نهى قابلينى بقولك فى المكان إلا بنتقابل فيه بعد نص ساعه .. ايوا م**م .. سلام .. قفل ونزل ركب تا**ى ووصل مكان على كورنيش النيل .. أول ما شافها من بعيد قرب عليها ومسك إيديها ومشى بسرعه وهى وررراه

نهى بعصبيه : براحه يا فارس هاتوقعنى

فارس وهو شايط : خايفه تقعى وانا إلا نزلت على جدور راقبتى وجايه دلوقت تقوليلى باااى رفع إيده تلات سنين وإحنا مع بعض لسا واخده بالك انى ها أستلم الشغل ويدوب ها نبدء حياتنا

نهى : ماهو مش معقول اقعد أستنى تلاته كمان والا اربعه عشان تكون نفسك بابا رافضك وخلاص انا أتحدد معاد شبكتى أعمل إيه يعنى

فارس : إيه البرود إلا انتى فيه دا وكأن الموضوع جاى على هواكى

نهى : الصراحه هو حد يستاهل قوى

فارس هز راسه بصدمه : وأنا إلا طلعت ما أستاهلش عشان يدوب لسا ها اخطط لحياتى معاكى

نهى : فااارس هو الجواز والا الحب بالعافيه .. انا مابقتش أحبك أفهم بقى وعلى فكره انا ها اتجوز ونسافر انا وجوزى نعيش برا مصر ودا حلم حياتى وأخيرا أتحقق

فارس بصلها بق*ف : بس مش مهم يتحقق مع مين عشان انتى واحده ملكيش مبدء ولا عندك أخلاق

نهى بعصبيه : انت بتقول ايه انت عارف بتتكلم ازاى

فارس زقها بغل وبصوت عالى وهو ماشى : لا لسا عارف انى كنت اعرف ازبل واحده فى الدنياااا ... ركب ومشى وهو شبه منهار تلات سنين عايش وهم كبير أسمه حب خدعه القانون بتاعها ملوش مالكه ولا اى أساس تقدر تتحكم فيه او تديره لصالحك .. هو كدا إلا بيجى بلااااش بيروح بأرخص تمن

*******

بااااك

حط إيده بيدعك وشه ونزل بجسمه اكتر على السرير وشد الغطاااا ونااام .. قام الصبح جهز واطمن على امه ونزل على طول دخل شركه كبيره جدااا وبيرفع إيده بالتحيه ..

فارس : صباح الخير يا بهاء

بهاء : صباح النور .. اتاخرت انهارده

فارس : كنت تعبانه شويه .. المدير وصل

بهاء : لسا واصل حالا محلقش يعرف انك مش موجود .، روح على مكتبتك ممكن يكلمك فى اى وقت

فارس : تمام .. المهم الملفات إلا قولتلك جهزها ، جهزت

بهاء : ايوا اهه وطلع الملفات وحطها قدام فارس وفارس خدها وراح مكتبه شغله هو سكرتير مدير شركه أجهزه كهربائيه

جنه هى كمان راحت المصنع إلا شغاله فيه : صباح الخير يا بشررر ... سوسو بت يا سوسو

سماح : إصطبحى يا جنه وروحى شوفى شغلك

جنه : طول عمرك سودا ومش ها حات**بى أبداااا وبتقلد رايه وسكينه ... رفعت إيديها .. عم محمد ازيك يا راجل يا كبره

محمد : منوره يا فكهة المصنع كله

جنه ابتسمت : والله العظيم انت السبب فى كرههم لياااا شايف وبتشاور على البنات الا بتضحك بوووم قاعد اعوذ بالله

واحده : أعوذ بالله منك ومن ل**نك احنا بوووم امال انتى ايه حدايه

جنه : طائر ملون جميل فى ليله طويله عريضه انتو فيهاااا .. سلامااات يا قطه راحه انطلق

البنت نطرت إيديها : إنطلقى إلهى ماترجعى هنا تانى ولا نشوف وشك

محمد : بس يابت ماجده بصى قدامك وشوفى شغلك لأخ**لك نص يوم

جنه بضحكه : تعيش يا كبره ودخلت جواااا .. سلمت عدد الطلبيات إلا جايبها للمصنع وقاعده قدام المدير ..

جنه : بس كدا أفتكر عدد الطلبات زاد الضعف يا أستاذ حماده

حماده : اه فعلااا .. بس عادى يعنى ممكن تعملى احسن من كدا كفايه انى شغلتك وانا مش محتاج مندوب عندنا الصفحه على الفيس وبنعرض ونتعامل على طول مع التجار يعنى شغلك شبه ملوش لازمه

جنه بديقه : معنى كلام حضرتك إيه

حماده : يعنى ماتفتكريش انك بتضيفى للمصنع حاجه احنا لسا مصنع صغير اااه بس انا عارف اسوقلو كويس قوى بقالك اد ايه شغاله

جنه : بقالى سنه وفى خلال السنه عشان انا بنزل واعرض وارويهم المنتج على الطبيعه فى كل بلد مصنعك إلا بتتكلم عليه دا بقى له أسم شدت الورقه إلا على المكتب .. وادى ورقه الطلبااات اهه قطعتها .. انزل انت لف عشان تضيف لمصنعك

حماده بزعيق : اطلعى براااا مش عايز أشوف وشك تانى فاهمه

جنه شالت الطفايه بتاعت السجاير وبتنشنها عليه : ولا انا عايزا اشوف وشك

حماده بصرخه وطى براسه وهى بتحدفه تحت المكتب طالع بعيونه يبص عليها بعد ما خرجت وبيبلع ريقه : يا خلل ..

محمد دخل جرى : ايه فى ايه يا حماده

حماده : غورتها مشتها من المصنع

محمد : ليه كدا البت شاطره وبتجيب لنا عملا حلوين وتقال

حماده : الحلو أخويااا السبب الله يسامحه .. عايز يتحوزها ومن ساعة ما بابا عرف وهو قالب الدنيا فوق دماغنااا قولت اتلكك لها بأى حاجه وأمشيها عشان ابويا واخويا مايعملوش جنايه انت عارف مخهم

محمد ض*ب إيده فى بعض : وهى ذنبها إيه يتقطع عيشها

حماده بزعل : إلا حصل بقى وإلا قاهرنى انها قطعت ورقة الطلبيات الا كانت جايبها

محمد طلع بزعل وشاف فى عيون البنات شماته فى جنه وفى الا قاعد زعلان عليها عادى جدااا هى الدنيااا كدا ناس تفرح فيك وناس تفرح ليك نفوس بشر بقى ..

جنه ماشيه فى الشارع وهموم الدنيااا فوق دماغها إخواتها وطلباتهم كتيره عايزا حد بيشتغل بدال الشغلانه اتنين لسا بيدرسووو وابوها صعب يشتغل صحته ما تساعدهوش كفايه انه من خمستاشر سنه واخد دور الام والأب فى البيت غير شغله كمان إلا سابه ها ترجع تشغله دا ما صدقت تريحه شويه .. برغم همها الكبير ما روحتش وفضلت ماشيه فى الشارع تسئل على أى شغل .. المهم يبقى فى بديل

جنه بحيره وقاااعده فى الشارع : وبعدين بقى أعمل إيه يارب منا لازم أشتغل صعب أقعد من غير شغل وبعصبيه بتكلم نفسها .. كان لازم تتحمقى وتقلى ادبك كنت سبيه يقول إلا هو عايزه وبلعتى الكلمتين منهم لله ولا إلا شغالين عبيد عندهم .. طلعت الفلوس وبتعدها باقى معايا 200 جنيه بس .. وبتفكير فى فلوس عند فيروز كانو كام يا جنه ااااه 1500 وهى ساكته عليهم بس هاترضى تدينى حاجه ماهى ظروفها منيله اروح ازود همها انا كمان مش مهم ان شاء الله ها الاقى شغل

روحت بعد الضهر ورجليها مش حاسه بيها من كتر اللف .. دخلت على طول على أوضتها من غير ما تكلم حد عشان محدش يحس بيها او فيها إيه ..

بكرى دخل عليها : جنه .. انتى نمتى .، اول مره تدخلى ما تسأليش عليا ولا تنكوشينى زى كل يوم .. جنه دافسه راسها فى المخده ودموعها نازله فى **ت .. مش تعرفى أخواتك عملو إيه فى ابوكى نطر ايده .. شكلك نمتى فى سابع نومه وقام طلع برا .. شويه ودخل عليها إبراهيم

ابراهيم : جنه .. انتى يا أختاااه كنا عايزينك فى موضوع مهم جدا جدا يابنتى والله ما عايز فلوس .. جنه رفع كتافه وخارج وقابل فى وشه ياسمين وبصوت مسموع .. مش هاترد عليكى شكلها نايمه بس لحقت هى جايه بدرى ليه

ياسمن : مش عارفه .. هى مش هاتاكل

ابراهيم : سيبيها يمكن كلت برا .. تعالى

جنه عيطت أكتر ودفنت وشها وبتكتم صوتها عشان محدش يحس بيها .. بعد ساعه قااامت لما وشها هدى واتغدت وفضلت قاعده ساكته ومسهمه فى نفسها

بكرى : جنه تعالى يا بنتى أمسكى قدامى اخواتك جريو على اوضهم زى عادتهم

جنه : حاضر يا بابا

بكرى حط ايده على كتفها لما وقفت وضمها له : مالك يا جنه ايه مزعلك

جنه أبتسمت وحطت راسها على ص*ر ابوها ولا حاجه مرهقه بس شويه .. تعالى وربنى عايز تعمل إيه

بكرى : تعالى وفرد ملايه قديمه ها نقص دى ونعملها حتت للأنتريه بدال ما تترمى خساره

جنه وقفت قدامه وقصوها وعملها .. ولسا ها يقعد على المكنه .. هات يابابا انا ها أعملها

بكرى : انتى بتعرفى تخيطى

جنه : اااه بعرف أقص وأخيط اتعملت فى المصنع .. وقعدت وسمت بالله وبدء تتنى الحتت وظبطتتها بصت لابوها .. ماهى شغاله زى الفل ظالمها ومضيع فلوسنا عليها ليه

بكرى : انا جبتلها الواد عبده بتاع المكن ظبطها وقالى عايز 100 جنيه

جنه كحت جااامد : منين يابكرى .. 100 منين

بكرى : ام احمد ادتنى كام ملايه عملتهم وخدت 150 جنيه منها اديت لعبده ال100 وباقى 50 والحمد لله

جنه خدت نفسها : الحمد لله اخيرا اشتغلت

بكرى : ماتشتغلى معايا وريحينى من قعدتها شويه

جنه بتفكير وعيونها لمعت : هى الملايات يا بابا قماشها يتكلف اد إيه

بكرى : على حسب فى العادى وفى القطن وفى المستورد كل حاجه ولها سعرها كله مش زى بعض

جنه : 200 جنيه يجيبو قماش ملايه

بكرى : أحلى قماش كمان من عند الواد سمير إلا على شارعنا

جنه بتجرى : البس يا بابا عشان ننزل بسرعه

بكرى مد ايده : ليه

جنه : ها اقولك بس البس .. وفعلا لبسو ونزلو سوا .. راحت اشترت قماشه ساده ومنقوشه وبحماس ع** الإحباط إلا كانت فيه .. غيرت وقعدت قدام بكرى وبيقصووو الملايه قصه لذيذه وكيوووت مع شكلها وبعد تفصيلها بقت تحفه ..

جنه فضلت تتنطط وتحضن ابوها وابوها مبسوط قوى على فرحتها : تعالى يابابا نفرشها فى أوضتك ونعرضها على صفحتى عشان انزل اسرفلها

بكرى : استنى وريها لأم احمد

جنه بشر لفتله : ايه حكايتك انت وام أحمد هى ماسكه عليك زله

بكرى مسكها من راسها : زله يا ام ل**ن طويل .. ابدا الست جدعه معايااا وبتنفعنى وانا ما اخسرش زبونى

جنه : بكرى محدش عندنا للجواز ماشى اتفضل عشان نفرش الملايه

بكرى بعصبيه : ادخلى .. دخلو فرش*ها وصورتها وكانت تحفه بمعنى الكلمه صورتها من كذا زوايه ونزلتها فرحتها كملت اكتر لما شافت التفاعل عليها حلو جدا وجالها اكتر من طلبيه بيها ...

رقى كلمتها فووون

جنه بفرحه : الووو

رقى : قبل اى كلام اكيد مش ها تديها لحد غيرى وارجوكى إبعديها عن ايد الحج

جنه بضحكه : عنيه حاااضر دى اقل حاجه اعملها معاكى

رقى : ماشى ياستى .. بس هاتجبيها امتى والله نفسى تجبيها دلوقت وماما هاتفرح قوى اصلنا قاعدين بوذنا فى بوذ بعض وشكلها زهقت منى ممكن أعزمك على العشا معانا

جنه : إعفينى من موضوع العشااا بس ها اجيلك مفيش مشكله لسا بدرى الوقت مش متاخر

رقى : لا بالعشااا ياله تعالى ها استناكى ..

جنه قفلت ولبست ونزلت بحماااس عشان تبيعها وتحاول تكمل عليها وتجيب اتنين وتعمل وتعرض وهكذا وكمان مطلوب اكتر من 3 .. وصلت عند رقى ودخلت ومامتها رحبت بيها جدا ..

رقى : ورينى انا متشوقه .. وبتفرد الملايه .. الله بصى يا ماما ايه رأيك دى لاوضة فارس ونعمل لنا اتنين كمان يا صبوحه

صباح : جميله مشاء الله اخوكى ها يحبها خصوصا انه بيحب الفاتح

جنه : مب**كه عليكو

روقى : اتفصلى يا جنه دا حقك الاول

جنه باحراج : طيب خلى الناس لبعضيها

روقى ضحكت بصوت عالى وصباح ابتسمت : انتى بتقوليها كدا ليه

جنه ضحكت : هى بتطلع منى كدا زى بعضشى كدا ..

صباح : انتى عسل يا جنه

جنه : ربنا يعزك يا طنط ..، خدت الفلوس شالتها فى الشنطه ولسا هاتمشى مسكووو فيها قعدوها ..

رقى : تعالى أقفى معايا فى المطبخ ندردش ونتعرف على بعض والا ها تدايقى

جنه : ابدا ياله تعالى ودخلو المطبخ مع بعض والاتنين بيرغو ويتعرفو على بعض وصباح راحت فى سابع نومه ..

رقى : اسفه ثوانى بس ها ارد على الفون وأجيلك مش ها اتاخر وراحت على اوضتها ..

جنه واقفه تعمل جبنه بالطماطم وفارس دخل من باب الشقه اطمن على مامته وسابها نايمه ودخل على المطبخ يشوف رقى .. بيقرب براحه بمزاج رايق ومبسوط وركب جنه الهوا .. جنه شهقت

فارس اول ما شافها وقف مكانه لا كلمه ولا حركه وعيونه تقريبااا على وسعها وجنه نفس حاله قرب عليها خطوه جريئه وهى رجعت لورا لازقت فى المطبخ مسكت السكينه ورافعه ايديها لفوق وبخوف : انت ..

فارس : ايوا انااا .. انتى رافعه ايدك ليه بالسكينه

جنه : عشان لو قربت منى أدبها فى قلبك وتفرفر

فارس قرب ودنه وهى بعدت راسها : إيه بتقولى إيه

جنه قربت براحه وبهمس كانها بتوشوشه : أدبك فى قلبك تقولى أى وتموت

فارس : انتى بتعملى ايه عندنا وكمان فى المطبخ

جنه : بعمل جبنه بالطماطم ما بتشوفش

رقى دخلت عليهم وشهقت : لا يا جنه دا أخويااا ومسكت فارس بخوف وجنه تنحت أكتر من رد فعل رقى رفعت راسها بصت على السكينه وسابتها من إيديها وقعت فى الارض ..

فارس بص لرقى : مين دى وايه جابها هنا

رقى بهمس قربت عليه : دى جنه المندوبه إلا قولتلك عليها .. ياله روح انت على ما نخلص العشااا ونتعشى مع بعض .

جنه : معلش يا رقى بابا اتصل عليااا وقالى لازم تيجى دلوقت

فارس برد فعل سريع : ليه بتت**فى مثلا

جنه رفعت حاجب وبصتله وجهت كلامها لرقى : بعد اذنك

رقى بزعل : استنى اتعشى وانزلى

جنه بابتسامه : مره تانيه وطلعت جرى خدت شنطتها وسلمت على فاطه ونازله فارس خرج وراها

فارس : أستنى عندك

جنه : أفندم

فارس : أخر مره أشوف وشك عندنا ياريت تنصبى وتتاجرى على حد تانى غير أختى أنا ما بحبش حد غريب يدخل البيت تمام

جنه رفعت عيونها وفاتحه بوئها : نعم انت بتقول ايه انت انا نصابه

فارس : اه نصابه وزى ما سمعتى تعملى اتفضلى بالسلامه

جنه ابتسمت براخمه : تعرف انك ها تشوفنى كتيييير عندكم وخصوصا مع اختك ولفت ومن غير سلام

فارس بيض*ب إيده فى بعض : ايه البت دى وقفل الباب ..

جنه نازله وعماله تشتم وتتوعد لفارس ولحماده ولأخواتها : والله لأوريك وأطير برج من نفوخك انا نصابه لاااا دا لازم يتربى ولسا هاتحط رجلها رجعت لدرجة انها وقعت

جنه : أى .. وبتبص على الارض وبعياط مصطنع .. انت مين ياعم انت إيه جابك هنااا مدت ايديها شالت ورقه من بطانية البيبى إلا كانت ها تدوس عليه وقرات الا فيها وبرقت أكتر بشهقه وشالت البيبى وبتمسد عليه .. يا حبيبى هان عليها ترميك كدا .. هى الدنيااا دى جرا فيها إيه يارب .. قامت وقفت بيه وواقفه تفكر تعمل إيه .. طلعت بالبيبى فوووق ورنت الجرس على رقى وفارس إلا فتح وفاطمه ورقى عيونهم على الباب ..

جنه بصوت عالى : أتفضل ابنك إلا راميه فى الشوارع