CHAPTER 25 – SHARPSHOOTER
----
Makalipas ang isang araw ng pag-obserba kay Emma sa ICU, napagpasyahan ng mga doktor na ilipat na siya sa kwarto nina Monica. Wala na silang nakitang anumang komplikasyon, at ang natitira na lang ay ang unti-unting pagpapagaling ng mga sugat mula sa operasyon.
Labis ang tuwa ng pamilya ni Emma nang makita muli ang kanilang pinakamamahal na ina. Ang saya at pasasalamat ay kitang-kita sa kanilang mga mukha, lalo na kay Monica na halos di na mapakali sa kakatanong sa mga doktor kung maayos na ba talaga ang kalagayan ni Emma.
Samantala, dalawang araw na ang lumipas at tila nagiging mas malapit na si Miguel, hindi lamang kay Monica at sa mga anak nito, kundi pati na rin sa pamilya ni Monica—sina Lucy, Faith, at Riley—dahil sa halos araw-araw niyang pagbisita.
