Against all Odds

"Minsan mo na siyang nasaktan, hindi na kami papayag na maulit ang mga araw na hindi namin makausap ang anak namin nang dahil lamang sa'yo," rinig na rinig ko ang mga winika ng aking ama sa aking dating nobyong si Ethan.

"Ano po bang gusto niyong gawin ko para hindi niyo na ko lubusang kamuhian?" tanong niya sa aking ama.

"Huwag ka nang magpapakita kay Natalia. 'Yan lang ang tanging naiisip ko upang hindi na tuluyang lumala ang galit namin sa'yo Ethan."

"Ngunit si Natalia? Paano siya?"

"May naisip na kaming paraan para makalimutan ka niya. Kaya umalis ka na, noon pa lamang ay hindi na ako dapat sumang-ayon sa pakikipagrelasyon niya sa'yo. "

"Kung iyan po ang makakabuti kay Natalia. Sana ay mapatawad niyo pa rin po ako. Pati niya."

Bumagsak na ng tuluyan ang aking pinipigilang mga luha nang tuluyan nang lumabas ng tarangkahan ng aming bahay si Ethan. Hindi man lamang ba niya ako ipaglalaban? Hindi man lamang ba siya magpapaliwanag sa akin? Kung gano'n nararapat nga sigurong kalimutan ko na siya. Paalam, Ethan.