SELENA
NAKAHAPIT pa rin sa beywang ko ang kamay ni Frank habang naglalakad kami. Doon kami ulit sa may dalampasigan at dahil palubog na ang araw ay hindi na masyadong ramdam ang init kahit tumama pa iyon sa aming balat. Wala pa ring kumikibo sa aming dalawa mula nang kaninang layasan namin ang apat.
Naroon pa rin ang inis na nararamdaman ko sa kaniya. Hindi ko alam kung bakit pero talagang kinaiinisan ko siya. Alam kong mababaw lang na issue iyon, it doesn't matter when it all started dahil ang mahalaga ay mahal namin ang isa't isa. But I was just dead curious about it. Bakit parang may kailangan akong malaman? Bakit palagay ko parang matagal na niya akong kakilala?
"Tingnan mo 'yong sunset, ang ganda." Si Frank ang bumasag ng katahimikan. Walang imik na tiningnan ko nga ang gawi ng tin
