SELENA
NAALIMPUNGATAN ako na wala nang katabi sa kama. Paulit-ulit kong kinapa sa tabi ko si Frank ngunit wala na talaga siya roon. Agad kong hinagilap ang nahubad na nighties at isinuot. Naglakad ako palayo sa kama at binuksan ang ilaw upang hanapin siya.
"No. That can't be. What happened?"
Naulinigan ko ang boses niya sa may balcony. Sumilip muna ako bago ako tahimik na lumapit. Nakatalikod si Frank sa akin at nakaharap siya sa parte ng dagat. Napakadilim pa nang mga sandaling iyon dahil madaling araw pa lang.
"Make sure he's well-monitored. Uuwi na rin kami. Oo. Please, huwag mong iiwan ang daddy diyan."
Timigil ako sa paghakbang nang biglang lumingon sa gawi ko si Frank. Kapapatay lang niya ng tawag. Bahagya pa siyang nagulat nang makita ako sa kaniyang likuran.
"Bakit? Ano'ng
