SELENA
SANDALING hindi ako nakaapuhap ng sasabihin. Ang tanging nais ko lamang nang mga sandaling 'yon ay makaalis sa lugar na 'yon at makalayo kay Riggs. Hindi ko gusto ang mala-demonyong ngisi sa mga labi nito.
"Oh, my bad. I should have not asked that question. Kitang-kita naman sa ayos mo na okay ka. Mukhang mas magaling ngang mag-alaga si Frank. Kaya siguro kahit sa ikli ng panahong magkakilala kayo, naibigay mo na agad sa kaniya ang bagay na matagal ko nang pinakaaasam."
Walang ibang emosyong mababasa sa mga mata nito maliban sa nakalolokong tinging iyon. He smile was full of sarcasm. Like a psychopath looking at his next victim.
Napaurong ako mula sa kinatatayuan nang gumalaw si Riggs.
"H-Huwag kang lalapit sa 'kin o sisigaw ako. T-tatawag ako ng pulis. Dapat ka nilang madakip
