SELENA
"JACOB!!"
Masayang tumayo si Frank nang makita ang batang lalaki na sa palagay ko ay mga limang taong gulang na akay-akay ni Trisha.
Unang sulyap pa lamang dito ay agaw-pansin na ang kaguwapuhang taglay ng bata. Mestisuhin ito at talagang papasa kung kukuning child model. Napasulyap din ako saglit kay Trisha para kompirmahin ang malaking pagkakahawig dito ng bata.
Sinalubong ni Frank ng karga si Jacob at hindi maalis ang ngiting tinititigan ito.
"Ang laki-laki mo na, ah. The last time I saw you, you were just a baby." Pinupog niya ng halik ang bata sa mukha at bandang leeg dahilan para makiliti at marinig ang nakakahawang tawa nito. Parang may kung anong kumudlit sa puso ko habang pinagmamasdan ang mga ito. They perfectly looked like a father and son. Kay Trisha man halos nama
