SELENA
MATAPOS magpaalam kina Trisha ay umalis na nga kami ni Frank. Pabalik sa Maynila ang daang tinatahak namin kaya hindi na muna ako nag-usisa kung saan kami papunta. Tahimik lang ang biyahe at kahit gusto kong simulan na ang pag-uusapan namin, nanatili akong tahimik at nakikiramdam lang sa aking kinauupuan. Panay ang sulyap ko sa kaniya. Iniisip kung pagkatapos ng pag-uusap ay ano na ang sunod na mangyayari.
Panay rin ang tingin ko sa suot kong singsing. Ang sabi ni Trisha, para sa akin daw talaga at sa akin lang nabababagay ang singsing na 'yon and I couldn't disagree. Ibinalik niya ito sa akin, ibig sabihin ba no'n, engaged na ulit kami?
Couldn't you be sweeter in proposing? Like luluhod ka sa harap ko at tatanungin ako ng, Will you be my wife?
Napangiwi ako. Imposibleng gawin
