قصص

البارت الخامس

عند مجيئ والد رهف من عمله ..وكانت ام رهف تنتظره لتبلغه بما قالتله لها ناديه اختها ...اعدت ام رهف لزوجها الطعام وجهزت له كوب الشاي وانتظرت الي ان انهى اكله وشرابه ..وبدأت تحدثه بما تريد

ام رهف : ناديه اتصلت عليا النهارده علي التلفون الارضي

ابو رهف : طاب هي احوالها ايه طمنيني في حاجه ولا بطتمن عليكي بس يعني

ام رهف : هي بتطمن عليا اه ..بس كلمتني في موضوع كده استغربت قوي ...انا حتي ما فتحتوش مع رهف بنتك ..قولت لازم الاول اخد رائيك انت

ابو رهف : في ايه خير ..هو الموضوع بخصوص رهف ولا ايه

ام رهف : بصراحه كده يا ابو رهف ...ناديه اختي عاوزه رهف بنتك لابنها محمد ...بتقولي الواد معجب بيها ومشدودلها من يوم ما كانوا عندنا ...مع ان بيني وبينك كده ...انا حاسه ان ناديه مخططه المجيه دي والزياره دي مخصوص علشان تاخد رهف مني ...انا مش موافقه علشان المسافه ..مش عاوزه بنتي تتغرب عن اهلها زي ما انا اتغربت وبعدت وخسرت كل اهلي

ابو رهف : لا طبعا ما ينفعش ....المسافه احنا عمرنا ما هنوافق عليها وكمان فلاحين وارياف ...والي اعرفه ان جوز اختك علي قد حاله ولا بيت ولا شقه ...اومال هيجوز ابنه ازاي بس ....دا مستحيل بقي يبقي في ايدينا عريس زي بتاع امبارح دا ونقول لا ...ونجوز بنتنا لبلد تانيه ومحافظه تانيه وعيشه وارياف وفلاحين وتقاليد وعادات هي مش متعوده عليها ...وكمان ماعندوش شقه لسه ولا شغل اصلا ...دا يبقى فين دمغنا ان شاء الله

ام رهف : انا برضه مش موافقه يا ابو رهف ...علشان كده ما رضتش اقولها وقولت اقولك انت الاول ..انا الي مخوفني اني حاسه البنت مياله ليه ..وخايفه تكون رفضت العريس دا فعلا ..مع ان هي دي المواصفات الي كانت قايللي عليها ...تكون رفضته بسبب محمد دا

ابو رهف : عاجبها مش عاجبها انا مش موافق علي ابن اختك دا ..وقولتلها اني هكلم ابو العريس بتاع امبارح ونقول موافقين والكللم دا منتهي يا ام رهف

ام رهف : تمام كده الله ينور عليك يا ابو رهف ...عين العقل ..انا مش هسمح بنتي تبعد عني ابدا

**** اتصل محمد علي رهف تلفونيا في مساء هذا اليوم واخبرها ان والدته افتتحت موضوع الخطبه والزواج مع امها وانهم في انتظار الرد

محمد : عامله ايه يا رهف ..صوتك مش عاجبني بقاله فتره كده ...عاوز رهف حببتي ترجع تضحك وتملي الدنيا كلها فرح تاني

رهف : بابا م**م علي العريس وعطاله معاد بعد يومين ...قاله العروسه عاوزه تقعد معاك تاني ..وهو جاي فعلا بعد يومين ...بابا مش راضي يسمعلي حتى دلوقتي كل ما اجي اكلمه ..يعلي صوته ويقولي الموضوع منهي الموضوع منهي

محمد : انا والدتي كلمت والدتك ..وقالتلها اننا عاوزين نتقدم وهنيجي اخر الاسبوع. ابويا بس يكون خلص شغله ...هي مامتك ما قالتلكيش ولا ايه

رهف : لا ماما ماقالتليش حاجه خالص ...مع اني كنت قاعده معاهم بره من شويه ...انا مستغربه ازاي ما تقوليش حاجه زي كده ...انت متاكد ان والدتك كلمتها ..ولا ممكن سمعت منها غلط وانها هتبقي تكلمها

محمد : يا رهف انا كنت جنبها وهي بتكلم والدتك اصلا ..انا خلتها تكلمها اول ما جات من شغلها والله واصريت علي كده

رهف : خلاص انا هشوف الموضوع دا وهبلغك ممكن تكون نست تقولي او انشغلت في طلبات البيت كانت كتيره عليها النهارده وان للاسف ما ساعدتهاش ..لما بكون زعلانه مش ببقي عاوزه اكل ولا اشرب ولا اعمل اي حاجه ابدا

محمد : لا يارهف ما ينفعش كده ...لازم تاكلي وتشربي وتهتمي بصحتك

رهف : حاضر هحاول ..انا هطلع كده ..اقعد معاهم جايز يتكلموا في حاجه قدامي

*** انهت رهف المكالمه التلفونيه مع محمد ...وهي في شده الاندهاش ومستغربه جدا من موقف والدتها ...مستحيل ان تكون نست ..فقد كانت مع والدتها بعد انهاء المكالمه بدقائق وذكرت لها ان ناديه والده محمد هي من كانت علي الهاتف ...ولكن لم تذكر لها اي شئ بخصوص المحادثه بينهم ..ولا اي شئ كما ذكر لها محمد عن خطبتها ولا حتي قالت لها انهم سوف يأتوا اخر الاسبوع ....فظلت رهف لفتره تفكر ..هل تسأل والدتها مباشره ام ماذا ..ام تخرج اليهم وتجلس معهم لعلها عندما تراها تتكلم معها وبالفعل قررت رهف الخروج لتجالس والدها ووالدتها

والد رهف : تعالي يا رهف اقعدي جنبنا ...انتي عامله ايه يا رهف ..وعامله ايه في دراستك

رهف : الحمد لله بخير وكل حاجه ماشيه تمام ..انت عارف بنتك مش بتجيب غير تقديرات

والد رهف : المهم المستوي يستمر ونحافظ عليه ونعلى بيه ...مش المهم احنا فين ..المهم الواحد ما يقلش عن مستواه ...اوعي تخلي اي حاجه تلهيكي عن مذاكرتك ولا حتي موضوع انك هتتخطبي دا

رهف : انا مركزه في المذكره ما تقلقش ..بعيد عن موضوع الخطوبه دا ..انا مازلت مش موافقه عليه بعد اذنك يا بابا ..انت يرضيك يعني اتجوز واحد غصب عني مش بحبه ومش قا**ه حتي

ام رهف : الحب بيجي بالعشره والمعامله الطيبه في فتره الخطوبه مع الوقت والعشره بنكم والاحترام والتقدير هيتولد الحب ما تقلقيش. ....المهم القبول الاول وبعدان كل حاجه بتيجي علي مهلها يابنتي ...يعني هما الي بيحبوا بعض دول مولودين بيحبوا بعض ...سبحان الله كل واحد عاش حياته فتره طويله جدا من غير ما يعرف التاني اساسا ..لحد ما اتجموا لسبب ما ...ومع الوقت والعشره والتعارف حبوا بعض ..دا الي انا وابوكي بنكلمك فيه يا رهف ....دا الي احنا عاوزينك تسمعيه وتفهميه مننا ...احنا اخترنالك الاحسن والافضل علي المستوي المادي والاجتماعي والعلمي كمان ...وبيتك وشقتك هتبقي جنبنا ..كل ما تحتاجي حاجه نكون عندك في ثانيه ...او ابعتلك اخواتك يطمنوا عليكي كل شويه

رهف : دا انتو مقررين بقي ...مقررين حياتي وانا مش في حسابكوا ..دا انتي حتي ما فكرتيش تيجي تاخدي رائي ولا تعرفيني بالي خالتوا قالتهولك

ام رهف : طاب وانتي عرفتي من اين هي قالتلي ايه ...ولا انتي بتكلمي محمد من ورانا بقي ان شاء الله ...في عصبيه شديده

ابو رهف : (بصوت عالي ونرفزه شديده) .....انتي بتكلميه من ورانا ....يا سلام يا سلام ...ونعم التربيه يا ست هانم ..ونعم التربيه يا ست رهف ...فين تليفونك ..وريني تلفونك كده ....ادخلي هاتي تلفونك من جوه

***دخلت رهف الي حجرتها واحضرت هاتفها واعطته لوالدها

ابو رهف : افتحيلي التلفون دا

فتحته رهف

ابو رهف : والله عال ....كل دي مكالمات بالساعات ...طول المده دي وانتي بتغفلينا وبتكلميه باستمرار بالشكل دا ...ورسايل كمان ...اتفضلي يا ست هانم ...

اعطي التلفون لام رهف لكي تري كميه المكالمات والرسايل بين ابنتها وبين محمد

ابو رهف : علشان كده الواد مالي دماغك وشاغلك طبعا ...يبقي هتفكري في مستقبلك وانهو الاحسن ليكي بعقلك ازاي وانتي قلبك مشفول للدرجه دي والولا شغلك وضاحك عليكي ....

رهف -: بابا لو سمحت انا مابعمش حاجه غلط ..وكل مكالماتي معه في حدود الادب وماحصلش فيها اي تجاوز والله ولا بكلام ولا احساس حتي ..انت مربيني قبل امي وعارف تربيتك كويس ..وانت كنت فعلا بحكم قلبي قبل عقلي دا ما يعبنيش برضه في حاجه ..انا بحب الحاجه الي اعملها اكون حباها وحساها ...مستحيل يوم ما اتجوز اتجوز واحد مش بحبه ومش عاوزه

ابو رهف : البنت دي دماغها ناشفه وانا ه**رهالها ..انا غلطان اني دلعك يا رهف ....من هنا ورايح مافيش دلع ...والتلفون دا اسحبي منه الخك يا ام رهف وهاتيهولي وهاتي التلفون نفسه كمان ..وما تسمحلهاش تتصل بالتلفون الارضي غير في وجودك وتسمعي هي بتكلم مين ...والعريس لما يجي اياكي تستقبليه وحش ولا تقومي من القاعده وتمشي ...الدلع الي كنت مدلعهولك انسيه

ام رهف : طاب هنعمل ايه في ناديه الي جايه اخر الاسبوع هي وابنها اكيد ..وبتقول هتطلب اديها رسمي ...لازم نتصرف لو جات وسبتهم قاعدين مع بعض يبقي كانك ما عملتش حاجه ..

ابو رهف : اول ما يجوا تبعتي بنتك تقعد عند عمتها ..اهي قاعده لوحدها وتسليها ..وانا كمان هفهم عمتها الموضوع ..علشان الواد دا مايجلهاش عند عمتها ...هما شكلهم ماعندهومش دم ولا اخلاق

*** قرر والد رهف علي قبول طلب زواج رهف من هذا الشاب بالفعل حتي لو غصب عنها سوف يتم هذا الزواج...وبالفعل عند اليوم التالي جاء الشاب المتقدم لخطبتها لوحده هذه المره بناءا علي طلب والد رهف ..ان ابنته تريد ان تجلس معه مره اخري ...وعندما جاء اصر والد رهف ان تخرج وتجلس مع الشاب وتحاوه بمفردهما ...حتي يتيح لها معرفته لعل وعسى ان تغير فكرها وان ترتاح له وتقبل الخطوبه منه

*** وبالفعل خرجت رهف وجلست وتحدثت معه ...فوجدته شاب متفتح الفكر ومثقف وعلي قدر كبير من اللباقه في الحديث ...ولكن للاسف قلبها مشغول بغيره ..حتي يصعب عليها فكره ان تتقبله نهائيا ..ولكنها اكملت استضافتها له والتحدث معه بناء علي رغبه ابيها وعند خروج الشاب دخلت غرفتها فدخل ابوها خلفها ..وسالها عن رائيها فيها وعن ماذا تحدثوا

ابو رهف : ايه الاخبار يا رهف طمنيني ...انا شايف الواد والله يا بنتي خساره ...

رهف : هو كويس يا بابا ومتكلم وكلامه حد لابق وشكله شيك ..هو فعلا خساره لاي بنت ترفضه ...بس انا مش قادره احسه زوج يا بابا فهمني ...بجد مش قادره ..طول القاعده حاولت علشان خاطرك بس ماعرفتش ...انا اسفه

ابو رهف : طاب تمام وانا مش هجبرك تتجوزيه

رهف : بجد يا بابا ..شكرا ليك جدا بجد ..انا بحبك قوووي

ابو رهف : اه بجد هكلمهم وابلغهم انك مش موافقه ...بس في نفس الوقت انا كمان مش موافق علي محمد الكحيان دا ...ولو كان اخر عريس يا رهف ولو مش هتتجوزي خالص وهتقعديلي انا مش مجوزك محمد دا ...ويالا قومي جهزي حاجتك وهدومك علشان تروحي عند عمتك الفتره الي الجامعه دول جاين فيها ...ناس معندهومش اي حياء ..الزياره ليها واجب وليها مده ما يذودوش عنها ودول بيجوا البيت تحسه بتهم واحنا الي م**وفين منهم ..انا مش هتكلم علشان والدتك ما تزعلش ...قدامك ساعه جهزي نفسك واخوكي هيروح يوصلك عند عمتك

*** خرج والد رهف من غرفتها ...وظلت رهف تبكي كثيرا وقامت واعدت شنطتها وملابسها كما قال لها ابيها ...ودق باب غرفتها ..اذ بأخيها مصطفى ينتظرها لكي يوصلها الي بيت عمها ..وهي في الطريق هي واخيها الاكبر دار بينهما حوار

رهف : تفتكر يا مصطفي انا غلط زي ما كلهم بيقولوا ...انا اول مره احب ..او احس اني فرحانه كده وانا معاه ...طاب انت مش شوفته لما جالنا واتكلمت معاه ...هو وحش او ما يستحقنيش زي ما هما بيقولوا فعلا ....انا عاوزه رائيك فيه يا مصطفي

مصطفى : بصي يا رهف ..هما وجهه نظرهم صح ..صدقيني الحب ببجي بعد الجواز دا بيبقى حب حقيقي ..بيبقي بعد ما الطرفين بانوا لبعض كل واحد عرف التاني صح من جوه من الجوهر مش من الشكل ولا من بره ....التزين بتاع فتره الخطوبه كله بيروح وبيظهر الاشخاص الحقيقين بطبيعتهم ...لو اوتفقوا في المعيشيه بنهم وبقى في موده ورحمه وهيبان الحب عليهم ....انا الي عاوز اقولهولك ....انك ما تتخدعيش بالمظاهر ..وخدي حد اهلك راضين علي الزواج منه ..علشان يوم ما يحصلك حاجه تلاقي اهلك في ظهرك ..انما لو اخدتيه غصب ..محدش منهم هيعبرك وهيقولولك ما سمعتيش كلامنا وزمانك متجوزه فلان وعلان بس انتي الي دماغك ناشفه ...لو عاوزه نصيحتي يا رهف ..اسمعي كلامهم محدش هيحبك قدهم

رهف : حتي انت كمان يا مصطفي ..انتو ليه كلكوا مش فاهميني

مصطفى ؛ كلنا خايفين عليكي وعاوزين مصلحتك ..انتي الي عنيكي معميه عن الصح ..وقلبك الي ممشيكي ...زي ما قولتلك لو اختارتي غصب عنهم هيجي اليوم وهيسبوكي ليه ومش هيبوا في ظهرك وهيقوللك دا اختيارك

رهف : ماشي يا مصطفي ربنا يسهل

ودعت رهف مصطفي ودخلت بيت عمتها واستأءذنها في الاقامه لديها لفتره مجي خالتها لبيتهم

رهف : عامله ايه يا عمتو معلش هتقل عليكي الاسبوع دا بقي ...بابا هو الي **م والله ..اني ما اقعدش في البيت طول ما خالتي ناديه فيه

عمه رهف : هو **م تيجي عندي علشان خالتك ناديه برضه ولا علشان مين

رهف : وعلشان ابنها محمد برضه ...بس هو محترم اوي يا عمتي انتي ما تعرفيهوش ...بس بابا رافضه ومش قا**ه مش عارفه ليه كده ..طاب يديهم فرصه ..دا حتي ما صبرش لما يجوا ويتكلموا معاه ويفهم منهم ناوين علي ايه

عمه رهف : ابوكي ادري بمصلحتك ..انتي لسه صغيره مش فاهمه حاجه ..ولا واعيه حتي ...يااختي ما احنا كنا بنات مكناش نقدر نرفع عنينا في ابونا ونقوله قال بحب دا ومابحبش دا ...دا ايه قله الادب والمسخره الي انتي عايشه فيها دي ...اومال احنا مكناش بنات بقي

رهف : في ايه يا عمتو حصل ايه يعني لكل دا ..عموما انا غلطانه اني اتناقشت معاكي في الموضوع من الاساس ..هو اسبوع وان شاء الله يعدي بسرعه بعد اذنك

** ودخلت رهف الي غرقتها وحيده وشارده الفكر ..هل وصل محمد وامه وابيه الي بيتها وماذا سيفعلان عند وصولهما ..هل سوف تستطيع خالتها ان تقنع والدها واوالدتها ...وظلت تدور في رائسها كثير من الافكار والاسئله ذالك اليوم

*** في صباح اليوم التالي وصل محمد وناديه وابو محمد الي بيت رهف وابيها واستقبلوهم استقبال حسن وسالت ناديه

ناديه : اومال فين رهف مش باينه ،، معقوله تكون نايمه كل دا وهي عارفه اننا جاين

ابو رهف : لا رهف عند عمتها من من امبارح ..عمتها تعبانه شويه وقاعده لوحدها في الشقه معهاش حد .. ومحتاجه الي يرعاها وانا بعتلها رهف

ناديه : يعني هي مش هنا ومش هتسلم علينا حتى ..ينفع كده ياابو رهف ..خلاص ابعتلها تسلم علينا بس ..دا احنا ما بنجيش غير كل فتره

ابو رهف : بقولك عمتها تعبانه يا ناديه ..هو انا بقولك رايحه تتفسح

محمد : المهم انها تكون بخير يا ابو رهف وبلغلها سلمنا لما تكلمك

ابو رهف : يوصل يا محمد حاضر

ناديه : بص بقى يا ابو رهف ...علي نور كده وصراحه ...محمد بيحب رهف ..وعاوز يتقدملها ...شوف طلباتك ايه والي انتوا عاوزينه كله

ابو رهف : والله يا ست ناديه ...المشكله في محمد في كذا نقطه ..وطالما بنتكلم بوضوح مافيش مشكله هقولك ..اولا انا بنتي مش هتسكن في بلد تانيه وابعدها عني ...لو محمد عاوز يجيب شقه هنا يبقي حلينا اول نقطه ...تاني نقطه هو شغل محمد باليوميه وانتي عارفه دا معناها ايه ..يعني يوم شغال ويوم لا ..وانا اخاف علي بينتي من العيشه دي ..الحب مش هيأكل عيش يا ام محمد ..صح ولا ايه ....

ناديه : موضوع الشغل من غير ما انت تتكلم فيه ..هو محمد اخد مكان اجار وبيوظب فيه وهيفتحه محل كومبيوتر ليه لوحده ملك ...بتلنسبه لموضوع السكن دا الي صعب ..المفروض الست تروح بلد جوزها. .مش جوزها الي يجي بلدها ..ما انت اخدت اختنا معاك لبلدك ..وبعدان محمد عمره ما هيحرمها منكوا ابدا ..كل اسبوع هيجبهالكوا ما تقلقش ..دي رهف بنتي وانا امها التانيه اشلها جوه عيني

ابو رهف ، مش عارف والله يا ام محمد ..انتي رائيك ايه يا ام رهف

ام رهف : طاب شوفيلك حل للسكن يا ناديه ويبقي كده حليتي كله

ناديه : مش هينفع والله يا ام رهف ..ما انتي عارفه .احنا عندنا حته ارض يا ابو رهف هنبنيها دورين دور لمحمد ودور لاخوه ..علشان الميزانيه ما تسمحش لاكتر من كده

ابو رهف : تمام هتبداو بناء امتي ...لو كده اول ما يخلثوا نجلكوا ونبص علي البيت الاول قبل ما نقول مرافيق ولا لا ..لازم نشوف بتها الي هتعيش فيه

*** اتفقا ابو رهف وابو محمد علي اول ما يتم بناء البيت سوف يرد ابو رهف عليهم من ناحيه الموافقه او الرفض ...وبالفعل بعد مرور فتره قصيره اتموا بناء الشقه في الطابق الارضي وتم الاتصال بين ام محمد ..نادبه ...وام رهف

ناديه : عامله ايه يا ام رهف ...ابو محمد بناء الشقه اهو ..وكنا عاوزين ابو رهف يجي يتف*ج عليها ..تعالوا كلكوا بقي وقضوا يومين تلاته كده عندنا ...

ام رهف : حاضر هقوله اما يجي علي طول وهبلغك

*** انهت المكالمه بين ام محمد وام رهف ....وانتظرت ام رهف مجيئ ابو رهف البيت واخبرته انهم تموا بناء الشقه واتفقا علي انهم سوف يزوروا بيت ام محمد اخر الاسبوع ...

*** وبالفعل علي اخر الاسبوع قاما بزياره بيت محمد واستعد للسفر ،، وعند وصولهما استرحت عائله رهف في بيت خال رهف ...وتم قضاء اول ليله لهم بعد السفر في بيت خالها ..وفي صباح اليوم التالي ذهبت عائله رهف الي بيت والد محمد وناديه وتم قضاء اليوم معهم وبعد تناول وجبه الغدا ذهبوا الي شقه محمد التي تم بناؤها بناء علي رغبه والد رهف انه يريد ان يري الشقه التي سوف تتزوج بها ابنته اولا قبل ان يوافق علي الزواج ..وعندما شاهدها ...

ابو رهف : هي دي الشقه ..الي عمال تقولي عندي حته ارض وهبنيها واطلع بيها دور لمحمد ودور لابني التاني ...دي مش شقه دي جحر ...

ابو محمد : مالها بس الشقه يا ابو رهف مهي اوضتين وصاله ومطبخ وحمام انت هتعوز ايه تاني طيب

ابو رهف : اوضتين ضيقين جدا دول ما ينفعش يتحط فيهم عفش اساسا وهي فين الصاله دي ..دي طرقه علي الاوض يا ابو محمد ...انا مستحيل ارمي بنتي الرميه دي ..مش الجوازه دي ..وبعدان مش كفايه انها هتبقي بعيده عني يعني يوم ما اجلها انا ولا امها صعب نروح في نفس اليوم ولازم نبيت عندها ..هنبيت فين في الشقه دي الي لو رميت فيها ابره في اوضه هتسمع صوتها في الاوضه التانيه

ابو محمد : اومال انت طلباتك ايه يا ابو رهف .ٌش كل واحد علي قد امكانياته ..وانا علشان اجيب شقتين لكل ولد عندي شقه مش هقدر اعنل كده ..مش دي تحسنلهم من الايجار

ابو رهف : والله ياابو محمد خلاصه الكلام انا عندي الايجار احسن من الي انا شايفه دا ..وياخدلهم شقه ايجار جنبنا في المدينه والبنت تبقي جنب امها رايحه جايه عليها ..دا اخر كلام عندي ياابو محمد ...دا انا ما استحملتش اقعد في الشقه عشر دقايق علي بعض ..اومال رهف هتستحملها تعيش فيها العمر كله ازاي ....انا يستحيل اوافقها علي كده

ابو محمد : مهو بالعقل يا ابو رهف ...التمليك لو كان اوضه احسن من الايجار لو كان قصر ...الايجار يقطم الظهر وياخد تعبهم وشقاهم علي الفاضي ..التمليك اهو يقدروا يحوشوا مع نفسهم فيما بعد ويشتروا الي هما عاوزينه

ابو رهف : انا هجيب رهف معايا بكره وتيجي تشوف الشقه دي ..ولو واقت يا ابو محمد انا مش متكلم بعد كلامها خلاص هي حره ...دا علشان ابينلك قد ايه حجم الشقه غير ادمي بالمره

ابو محمد : خلاص ماشي يا ابو رهف لو الوقت مكنش اتاخر والنور راح كنت قولتلك هاتها وهات محمد وكلنا نقول رائينا ..بس ماقيش مشكله من هنا لبكره

*** رجع ابو رهف من الشقه وعاد الي بيت خال رهف وهو غضبان شديد الغضب من ان ابنته وافقت علي محمد وهو به كل هذه المساؤى ورفضت العريس الاخير ...فعندما تتزوج محمد تبعد عنهم ولا يعرفوا عنها شئ مثلما فعلوا اهل والدتها معها ..وهذه الشقه الصغيره جدا جدا لا تصلح لمعيشه فردين فكيف سيعيشوا فيها بعد ان ينجبا اطفال ..وان ابنته سوف يتدهور حالها وتتبهدل عندما تتزوج محمد

رهف : ايه الاخبار يا بب طمنيي شوفت الشقه

ابو رهف : ههههه شقه .شقه ايه دي قصدك شوفت الجحر او شوفت الاوضه دي محصلتش اوضه

رهف : في ايه يا بابا قلقتني ..هي وحشه ولا ايه

ابو رهف : انا ما بتكلمش علي د*كور او شكل اي حاجه هما عاملينه ...انا بتكلم علي المساحه ..الشقه كلها مكشوفه قدام بعضها ومافيهاش صاله اساسا طرقه مفتحه علي الاوضتين ...ويا سلام بقى علي الاوضتين ..صغيرين جدا جدا ..انا مش عارف ازاي هتلاقوا حد يعملكم نجاره للاوضتين دول

رهف : للدرجه دي يا بابا متاكد ..طاب والمطبخ والحمام فيها

ابو رهف : بصي يا بنتي من الاخر الشقه دي معمله لاستخدام الادمي لفرد واحد ..هنظلموا التاني لو لفردين والله ..دي ولا تصلح بعد الانجاب ولا للزيارات .

رهف : بص هو ماقاليش كل دا عن الشقه

ابو رهف : مهو طبيعي مش هيقول ..بصي انا اتفقت مع ابو محمد انكوا هتروحوا بكره معانا الشقه انتي ومحمد ..والرأى الي هتقوليه علي الشقه هو الي هيمشي وانا مش متكلم معاه يا بنتي تاني

رهف : خلاص ماشي يا بابا مافيش مشكله ..الرائي الاول والاخير هو لبك طبعا يا بابا

ابو رهف : ماشي حببتي ادخلي نامي يالا علشان نلحقوا نروح الشقه ونيجي من بدري غي عز النهار بدل ما نروح باليل

*** وبالفعل دخلت رهف لكي تنام وظلت منتظره اتصال من محمد طوال الليل ..ولكنه لم يرن عليها فنامت ...وفي صباح اليوم التالي ..وجدته ينتظرها عند بيت خالها ليأخذهم ...وتجهز والدها وخرجوا سويا وذهبوا الي الشقه ...عندما رائتها رهف اذبهلت ولم تنطق وحزنت

رهف : هي دي الشقه يا محمد الي بتكلمني بقالك سنه واذيد ومش راضي توصفهالي وبتقولي جميله وهتعجبك قوي اول ما تشوفيها

ابو رهف : انا مش متكلم يا ابني اهو ...البنت نفسها بان عليها مقهوره مش زعلانه بس

رهف : انا مهما تخيلت بمخي انها صغيره ما تخيلتش كده برضه

ابو رهف : بص يا محمد خلاصه الكلام نفس الي قولتله لوالدك جواز في الشقه دي مش هيحصل ..عاوز بنتي يابني تجيبلها شقه ايجار جنب امها تروح وتيجي عليها وتزوها علي طول

محمد : لو عليا يا عمي مش هتاخر ..هشوف بس رد والدتي علشان انت عارف موضوع ذي دا ما اقدرش اتدخل

ابو رهف : شوف واتشاور يابني وقرروا وبلغوني ..انا بنتي مش هجوزها في الشقه دي مهما حصل ودا اخر كلام عندي يا محمد

** وتركا ابو رهف ورهف ..محمد ..لوحده في شقته وذهابا وطوال الطريق ورهف حزينه جدا وغضبانه من محمد ..لم تكن تتوقع ابدا ان تكون الشقه هكذا وبهذا المنظر وهذه المساحه ..فكل كلمه قالها والدها في وصف الشقه صحيح ..انما محمد فقد ضحك عليها في وصفه للشقه

ابو رهف : هاااا ايه رائيك بقي م**مه تتجوزيه بقي كده ..ايه رايك تعيشي في الاوضه الي كنا فيها دي مش شقه

رهف : انا متاكده انه هيوافق وهيحاول يغير ...هو الي صعب انه يجبلي شقه جنب سكنا هناك ..هيرفضوا وكمان محمد هيرفض علشان شغله وصحابه واهله .

ابو رهف : يعني هو يرفض علشان اهله يبقي جنبهم وانتي لا ..هو يرفض علشان صحابه وانتي لا هو يرفض علشان شغله وانتي لا ..يعني انتي عندك استعداد تبيعي الدنيا بحالها علشانه وهو ماعندوش استعداد يضحي باي حاجه علشانك

رهف ؛ لم تتحدث كثيرا لابيها ولكن عقلها لم يستطيع التوقف عن التفكير طوال الليل

** عند وصولها سألتهم ام رهف ما حدث ...وهل الشقه ضيقه للغابه مثلما ذكر والدها فعلا ام ماذا

ام رهف : ايه الاخبار يا رهف طمنيني ..الشقه وحشه فعلا زي ما ابوكي بيقول ولا ايه

رهف : انا تعبانه يا ماما بعد اذنك ومش قادره اتكلم

ام رهف : لا من فضلك يا رهف قولي ايه الي حصل .انا عارفه ابوكي مش هيحكي تاني خلاص

رهف : الشقه مافيهاش صاله اصلا ..هي عباره عن اوضتين صغيرين جدا ..بمساحه اوضه واحده وقسموها ما تعرفيش ايه اللغبطه الي ملغبطينها

ام رهف : دا خلاص احنا ما نقعدش نستني ...يالا من بكره نلم شنطنا ونطلع علي اول قطر ...انا مستحيل اقدم تنازلات تاني ...بنتي في حضني وتكون جنب بيتي ...وهو يجيبلك شقه ملك او ايجار عندنا ابوكي مش متشرط علي ملك حتي

رهف : انا زعلانه والله يا ماما مش عارفه محمد ليه عمل كده ...مهو جه وشاف مساحه بتنا عامله ازاي وانتي متعوده علي ايه ..يعني كمان كنت مفكره العيشه معاه هتبقي زي عيشتك انتي وبابا كده ..بس دي هتبقي اقل بكتير علي الوضع الي شوفته دا ...

ام رهف : من بكره الصبح هنروح علي اول قطر انا هقوم دلوقتي الملكوا هدومكوا واستأءذن من خالك وابلغه اننا ماشين الصبح علشان يبقى عامل حسابه

*** وبالفعل قامت ام رهف بتحضير الشنط وتجهزيها وابلاغ اخيها بان معاد سفرهم غدا صباحا ..وفي تلك اللحظات واثناء ما والده رهف تحهز الشنط رن هاتف تلفون رهف وكان محمد هو المتصل

محمد : في ايه يا رهف طول اليوم بحاول اكلمك واوصلك مش عارف تلفونك مقفول يااما بيرن ومش بتردي

رهف : كنت قاعده مع والدتي وبنتناقش

محمد : ماشي ياستي انا اتخضيت عليكي ردي ثانيه طمنيني وبعد كده ابقي اعملي الي انتي عاوزه

رهف : حاضر يا محمد كان في حاجه مهمه عاوز تقولهالي ولا ايه

محمد : لا مجرد بتطمن ...انتي مالك اسلوبك متغير معايا ليه كده

رهف : لا مافيش حاجه ..مافيش اي حاجه ..مجىد ضحكت عليا ..وفكرت نفسك بتعملي شقه ...وانت بتعمل اوضتين تضحك عليا بيهم مش كفايه اني هسيب اهلي وبيتي وامي هبعد عنها المفروض اسيب كل دول واجي اعيش معاك تعيشني ملكه ...طاب مرتبك فيما بعد وهحاول ااقلم البيت عليه ..بس اني اعيش في شقه زي دي يستحيل

محمد : لا دا واضح انهم آثروا عليكي قوي كده

رهف : عيب يا محمد ما تقولش كده ...هما لو بيأثروا عليا كانوا اثروا عليا من زمان ...كانوا اثروا في اني ابعد عنك او اسيبك او اتجوز العريس دا فعلا ...انما الشقه انا الي مش موافقه علبها اهو ..وبقولهالك حتي لو هما وافقوا انا مش موافقه

محمد : اهدي بس يا رهف وان شاء الله نلاقلها حل ما تقلقيش

*** بعد اغلاق محمد هاتفه مع رهف ...شعر بالخوف الشديد من ان تفلت رهف من بين يديه وان تتركه وانها تغاضيت عن اشياء عده وان الشقه مهمه لها ...وجاء في عقله فكره ..وانها هي الي سوف ترضي جميع الاطراف واصرح عن ما بداخله لوالده وناديه والدته ...وكانت ان يبني طابق اخر وان تكون الشقتين ملكا لها ونفرشهم رهف ومحمد سويا ..وهكذا سوف يرضى والد رهف ..لم يجد محمد امامه سوا هذه الفكره ..ولكن هل ابوه سوف يوافق اولا ان يبني له دور اخر وياخد الشقتين ملكا له ..هذا ما فكر فيه محمد وقرر عليه وانتظر عودته والده ليخبره ويعرف رائيه

محمد : بابا انا فكرت في اي حل يرضي ابو رهف بعيدا من اني اسيب المنطقه والمكان هنا علشان انت عارف اكون جنبكوا اولا وكمان شغلي وصحابي صعب جدا نوافق علي كلام ابو رهف ..وفي نفس الوقت انا مستحيل اتخلى عن رهف فانا لقيت في حل كده وسط ..مش عارف رائى حضرتك فيه لسه

ابو محمد : فكره ابه طيب قول جايز تكون فكره مظبوطه

محمد : هو ابو رهف مشكلته ايه دلوقتي مش المساحه بس هو كان موافق علي المكان الاول ومشكلته الي بيتكلم فيها المساحه ..خلاص نحلله مشكله المساحه ونبني دور كمان فوق الشقه دي ونقوله يبقوا الشقتين بتوع رهف ..تعمل السقه الي تحت استقبال للضيوف او لما يجولها اهلها للبيات والشقه الي فوق للمعيشه انا وهي ...وكده كده اخويا لسه بدري عليه علي الجواز لسه ماخلصش دراسته ولا الجيش لسه معاك وقت طويل علشان تبقى تعمله بعد كده ...قولي ايه رائيك في الموضوع دا قبل ما اكلم ابو رهف

ابو محمد : وهنجيب من اين نبني دور كمان يابني ...انا بنيت الدور دا بالعافيه ما انت عارف يا محمد وبعدان خلي بالك لسه هتشطب في الشقه ...يعني مش بس هتحتاج فلوس تبني دور كمان ..دا انت هتحتاج فلوس تشطب شقتين وبعدان تفرش شقتين ...انت مدرك بتقول ايه يا محمد ...

محمد : احنا لسه ما اتخطبناش حتي يا بابا ..يعني لسه معانا وقت سنتين علي الاقل نكون عملنا كل الي حضرتك بتقول عليه دا وافق انت بس الاول وانا اكلم ابو رهف ونتفق برضه علي سنتين خطوبه بحيث الحق اخلص فيهم حالي ..ولو انجزت قبل كده يبقي تمام قوي ونكلمهم نسرع

ابو محمد : ماشي يا محمد طالما انت موافق يابني مافيش مشكله واحنا هنساعدك برضه اكيد مش هنسيبك

محمد : ربنا يخليك ليا يا حاج ..طاب طالما وافقت بقي كلم انت ابو رهف واتفق معاه واقنعه ...الكلام منك هيبقي احلي وهيوافق عليه اسرع من اني انا الي اكلمه وافهمه واقنع فيه

ابو محمد : حاضر يا محمد ..لولا اني شايفك اول مره في حياتك تهتم بواحده وناخد الموضوع جد اخيرا ..مكنتش وافقت علي كل الطلبات الي فوق طاقتي دي

محمد : هما بالنسبالهم هما كمان احنا جاين عليهم وموافقين غصب عنهم علشان بنتهم عاوزاني برضه ..صعب عليهم جدا موضوع السفر دا علي فكره وانا مقدر دا والله لان انا كراجل اهو مارضاش برضه اني اسيب اهلي وصحابي وشغلي واتغرب واروح اسكن في بلد تانيه ...فكفايه عليهم ان بنتهم هتتغرب عنهم دي لوحدها كبيره عليهم برضه

ابو محمد : خلاص حاضر يا محمد ..هكلمهولك فون حتي دلوقتي

*** وبالفعل اتصل ابو محمد علي والد رهف تلفونيا

ابو محمد : عامل ايه يا ابو رهف ،،، انا عاوز اقولك علي حل لموضوع الولاد دا علشان احنا عارفين انهم بيحبوا بعض وبنحاول نحللهم مشكلتهم دي

ابو رهف : بخير الحمد لله يا ابو محمد ، خير اتفضل فكرتوا هتعملوا ايه

ابو محمد : شوف يا ابو رهف ..انت مشكله حضرتك في المساحه ..وانا امكانياتي ما اجبش لابني شقه كبيره بالاسعار الي انت عارفها دي ..فمحمد فكر في حل هي دي فكره اصلا انه يبنلها دور كمان ويبقوا الشقتين بتوع رهف ..تعمل الشقه الي تحت استقبال ضيوف او لما تجلها انت ووالدتها يبقي في اوضه تحت للبيات ..وشقتها الي فوق اوضه للنوم واوضه للمعيشه ...شوف يا ابو رهف ايه رائيك في الموضوع دا ورد عليا

ابو رهف : والله يا ابو محمد هي فكره كويسه ماشي اهو كده تبقي العيشه ادميه ولو حاجه بسيطه ..وبرضه سبني اكلم رهف واخد رائيها لانها مش عاجبها الشقه نهائى وما أثرتش عليها والله ..انت عارف رهف دماغها ناشفه وطالما حبت حاجه ما بنعرفش نأثر عليها ولو رفضت حاجه برضه صعب اقنعها بيها

ابو محمد : سيب رهف علي محمد هو هيقنعها ما تقلقش ..المهم رائيك انت الاول بس دلوقتي يا ابو رهف

ابو رهف : انا ماعنديش مشكله يا ابو محمد ..موافق طالما هيبقى ليها شقتين

انهي ابو محمد المكالمه مع ابو رهف وابلغ محمد بان والدها موافق ولكنه يقول ان رهف هي التي سوف ترفض ..وان رفضت لا بستطيع هو علي اجبارها ..فقال لمحمد ان يكلمها هو ويقنعها

وبالفعل اجري محمد اتصالا هاتفيا في الحال الي رهف عده مرات فهي لم تجبه من المره الاولي ..الي ان ردت عليه

محمد : في ايه يا رهف ..رنيت عليكي اكتر من مره ما بترديش ليه

رهف : كده عادي مشغوله ومش فاضيه

محمد : تمام انا حليت مع والدك مشكله الشقه

رهف : والله ..وياترى الحل كان ايه بقى ان شاء الله ..وحتي من غير ما تبلغني انا الاول

محمد : هنبني دور كمان فوق الدور دا وهيبقي ليكي شقتين مع بعض وتفرشيهم سوا واعملي الدور الارضي استقبال للضيوف واقامه لوالدك ووالدتك لما يجوالك بعد الجواز والدور الي فوق دا للمعيشه اوضه نوم واوضه معيشه ...واقنعت ابوكي بكده وفعلا وافق ..ودلوقتي قولت اخد رائيك

رهف : طاب ووالدك انت اصلا موافق علي كده ..مش يمكن ما يوافقش

محمد : لا موافق واخدت رائيه مهو اول واحد كلمته علشان ما ينفعش اكلم والدك وارجع في كلامي معاه لو ابويا ما وافقش

رهف : اااه يعني انا اخر من يعلم ...كلمت كله واتفقت ووافقت وكل حاجه وجاي تعرفي الخبر كده امر واقع يعني

محمد : انتي مكبره الموضوع كده ليه يا رهف ...انا كان كل تفكيري ازاي احل الموضوع واخلي ابوكي وابويا يوافقوا وبعدان اجي اقولك وافرحك ..المهم دلوقتي انتي ايه رائيك

رهف : خلاص ماشي تمام يا محمد مافيش مشكله وطالما بابا وافق يبقى هو شايف الي في مصلحتي برضه

*** انهت المكالمه وانتظرت عوده والدها لتتاكد منه ومن موافقته

ابو رهف : محمد كلمك

رهف : اه

ابو رهف : وايه رائيك

رهف : هو قالي انك موافق

ابو رهف : بسالك على رائيك انتي مش رائي انا

رهف -: لما قالي انك موافق انا كمان وافقت

ابو رهف : تمام يابنتي دي حياتك وانتي حره فيها كوني متاكده انك موافقه مش احنا الي هنعيش هناك ..انتي الي هتقعدي فيها ...خدي وقتك وقرري ولو مش موافقه نقولهم ما تخليش حد يجبرك علي حاجه

رهف -: لا خلاص يا بابا انا موافقه فعلا مافيش مشكله

وتمت خطبه محمد ورهف اخيرا واتفقا والد محمد مع والد رهف علي ان تكون فتره الخطبه سنتين فعلا ووافق ابو رهف وبدأ محمد ورهف في شراء مستلزمات الزواج بين كل حين واخر واستطاع محمد ان يشتري كل المطلوب منه للشقه في اقل من الوقت المحدد واخبر والد رهف بان يسرع الزواج وبالفعل اشتري والد رهف كل ما ينقصها في جهازها واتفق علي معاد الزواج واعدوا الزينه ودعوا كل الاحباب للحضور الي حفل الزفاف