GLASE POINT OF VIEW
Nang makarating na kami sa beach resort ay napahanga ako. Sobrang ganda nito! Nakakaaliw tingnan ang paligid.
“Ang ganda rito!” ani ng iba at hangang-hanga rin sa nakikita.
“I'm so excited to swim again!” saad bigla ni Ma'am Danela at halatang-halata sa mukha na sobrang saya.
“Me too, tita!” tuwang-tuwang tugon ni Krizza.
“Ah, siya nga pala Glase, sumama ka sa amin ah?” biglang saad naman ni ate Helena sa tabi ko. Katabi niya pa sila ate Hanna at Honey.
“Bakit po ate Helena?” nagtataka kong tanong sa kaniya.
“Basta! Sumama ka na lang sa akin. Kami ang bahala sa’yo,” aniya. Mas kumunot pa ang noo ko.
“Bahala saan?”
“Huwag na maraming tanong. Basta, dito ka lang sa tabi naming triplets. Okay?” Napatango na lang ako kahit 'di ko pa rin sila maintindihan.
