GLASE POINT OF VIEW
Mabilis na lumipas ang isang buwan. Buwan na ng Mayo ngayon. Hindi naman gaano ramdam ang init ng summer dahil sa aircon. Kasalukuyang kumakain kami ng hapunan. Magkakasama ulit kami at hindi sila nauubusan ng kuwento. Ang sarap sa pakiramdam nang ganito. Pero kumusta na kaya si nanay?
“May mahalaga pala kaming sasabihin sa inyo,” saad ni Ma'am Chaira. Natahimik naman ang iba at nakahandang makinig.
“So, dahil summer ngayon, may naisip kami. Magkakaroon tayo ng swimming sa Linggo. Sakto, sa Friday uuwi na raw si Danela. Tatlong araw tayo roon sa beach resort ng kaibigan namin. Nakausap na namin sila tungkol dito. At pagkatapos ng three days, babalik na tayo rito. At ang ipinangako naming bakasyon niyo sa August, tutuparin namin 'yon,” saad pa ni Ma'am at nagpalakpa
