GLASE’ POINT OF VIEW
Nagising ako nang alas sais ng umaga. Kaagad akong naligo at nag-ayos ng sarili bago lumabas. Naabutan ko si Ate Lay na inaayos ang mga kubyertos na pinapataong sa lamesa. Habang ang iba ay mabilis na tinatapos ang pagkain ng kanilang agahan dahil maraming gagawin. Ang triplets naman ay nagluluto. Nakita kong may iilang kalat na dapat maligpit.
“Magandang umaga! Tutulong na po ako sa pag-aayos at paglilinis,” agad kong sabi kaya naagaw ang kanilang atensyon.
“Kumusta ang date niyo kahapon Glase?” tanong agad ni Ate Hanna.
“Oo nga naman, may aminan na bang nangyari?” dagdag ni Ate Honey na parang kinikilig.
“May ano na ba, yung ganito…” saad ni Ate Helena at tinutukoy ang kiss.
“Kayo talagang triplets! Pero, balitaan mo naman kami Glase,” wika ni Ate Lay at sumang
