GLASE’ POINT OF VIEW
Pasado alas dose na ng hating gabi pero gising na gising pa rin ako. Pagkauwi namin nina Kellix kanina ay hindi pa kami masyadong nakakapag-usap. Habang nakahiga sa kama, napapaisip ako kung paano nagkakilala si Carlito at Kellix.
Hindi ko pa rin makalimutan ang sinabi ni Carlito kanina. Na bagay kami dahil parehas na second hand. Nakakapanggigil sa galit ang katagang iyon. Anong karapatan niya para insultuhin kami ni Kellix?!
Bumuntonghininga na lamang ako saka naisipang lumabas ng kuwarto. Nakaramdam ako ng uhaw kaya dumiretso ako pababa sa may kusina at uminom. Hindi pa ako tapos uminom nang may makita akong anino na siyang ikinagulat ko kaya nabitiwan ko ang baso. Bumukas ang ilaw at si Kellix lang pala iyon.
“Cariño, a-ayos ka lang ba?” Nag-aalalang tanong n
