LAKI sa layaw si Gwyneth Buenavista kung kaya't saan man siya pumunta walang nakakapigil sa kaniya. Halos inikot niya na ang buong Pilipinas maging ang ibang bansa. May hinahanap ang puso niya. Hindi niya man maintindihan kung ano ito. Hindi pa rin siya titigil hangga't hindi matatagpuan ang gusto niya.
Sa Puerto Prinsesa sa Palawan nandoon si Angelo Monte Verde. Ang binatang nagkasya at kuntento ng manatili sa isang pribadong isla na kilala sa pangalang La Plaza Island. Pagmamay-ari ito ng pamilya ni Angelo. Buong-buhay niya doon lamang siya; ayaw niya sa magulong siyudad, ayaw niya sa maraming tao. Hanggang sa isang sandali ang nakapagpabago ng mundo ni Angelo sa pagdating ni Gwyneth sa buhay niya. Nagkaroon sila ng mga sandaling kasama ito sa Isla. Naging malapit ang loob nila sa isa't isa, bagamat walang ugnayan na namagitan sapat na ang mga hiram na sandaling kanilang pinagsasaluhan. Ngunit isang araw nawala si Gwyneth.
Hindi niya akalaing isang dalaga lang ang makakasira sa pangakong hinding-hindi aalis sa lugar na iyon. Dahil sa pag-alis ni Gwyneth sinundan niya ito, hahanapin niya ang dalaga. Hindi siya makakapayag na basta na lamang ito darating sa buhay niya't mawawala na lang ng parang bula. Ibabalik niya si Gwyneth.
Ngunit paano kung sa muling pagtatagpo nilang dalawa sa araw ito mismo nang kasal ng dalaga. Matatanggap ba ni Angelo ang laro ng tadhana o ipaglalaban ang dalagang minahal sa una pa lamang nilang pagkikita?