Gusto kong malaman kung nababaliw ba siya o sadyang may sapak lang siya sa utak. Pinili ko na huwag siyang pansinin at lumabas na lang ng kwarto niya.
Baka habang tumatagal na kasama ko siya ay masiraan ako ng bait sa mga pinagsasabi niya.
Hindi ko naman alam kung saan ako pupunta kaya sa kusina na lang ako dumiretso. Sakto naman na pagdating ko doon ay nabungaran ko ang mama niya na nag-aayos ng agahan.
"Oh! You're awake already. Good morning, Chayla," Masayang bati ng ginang sa akin bago lumapit sa akin at hagkan ang pisngi ko.
Nagulat naman ako sa ginawa niya pero hindi ko na lang ipinahalata at binati na lang din siya. "G-Good morning po." Bati ko sa kanya.
Bumitaw siya sa akin at muling bumalik sa mesa. Nag-aayos siya ng agahan. "Maaga ka palang nagigising. Hindi naman ako sinabi
