Sa pagbalik nila sa paaralan, kung hindi lang magka-dorm ang dalawa ay baka hindi na sila nagkikita sa sobrang abala ni Joyce.
Kakatapos lang ng University Week kaya nagmamadali sila sa paggawa ng mga ilalagay sa mga kailangan nilang ipalabas sa buwan na ito. Panay rin ang hiram ni Joyce sa computer ni Amelia dahil kailangan niya talaga para mabilis matapos ito.
Sunod-sunod din ang mga assignment ni Joyce, na halos hindi mawala araw-araw. Ayaw niyang pinagbubukas ito kaya ginagawa niya na sa gabi pa lang. Ayaw niyang nagsisi sa huli na hindi niya nagawa ang assignment dahil nagpabaya siya.
Sabado na noong nakahinga si Joyce. Hindi na muna siya umuwi para makapagpahinga siya at makapag-aral na rin. Gusto niya magbasa ng iba pang sources tungkol sa kurso niya.
Sa isang linggo, natapos
