Kahit antok pa si Amelia, bumangon pa rin siya noong ginising siya ni Joyce. Ang labas tuloy, para siya zombie na nakaupo habang naghihintay ng almusal sa sobrang antok niya.
“Iwan na lang kaya kita,” sabi ni Joyce na nagpagising kay Amelia. Agad siyang napaupo nang maayos at tiningnan ng matalim ang kaibigan. Pero kahit ganoon, para kay Joyce ay ang cute pa rin nito.
“Never, as in never mong gagawin iyon! Pumayag ka na kaya wala ng bawian!” malakas nitong sabi tapos tumayo. Walang pasabi na pumasok agad ito sa banyo para makapag-ayos.
Nakangiting sinundan lang ni Joyce ng tingin ang kaibigan. Hindi talaga nagbago ang isip nito sa pagsama sa kaniya. Kaya naisip niyang kumain muna sila rito bago sila umalis. Kung siya lang, sa bahay niya na sila kakain dahil wala namang problema sa kan
