HINDI pa rin ako makapaniwala na nakayakap sa akin ngayon si Sir Charles. Para akong tuod na hindi makagalaw at nanlalaki pa ang mata sa sobrang pagkagulat. Totoo ba ito o parte lang ng ilusyon ko? Gusto kong kurutin ang sarili ko pero `wag na lang pala. Kung panaginip man ito, ayoko nang magising pa! Forever na lang akong matutulog!
“Don’t leave me, Ruth, please...” pakiusap pa ni Sir Charles sa akin. Shocks! Mas lalong humigpit ang yakap niya. Para siyang bata na ngayon lang ulit nakita ang kanyang nanay.
Umangat ang aking kamay at dinama niyon ang likod ng ulo ni Sir Charles. “H-hindi po kita iiwan, Sir Charles. P-pangako...” sabi ko.
Bahagya siyang lumayo sa akin at ang kamay ko naman ang kinulong niya sa kanyang kamay. Hinalikan pa niya iyon. “Ruth, papayag ka ba na maging girlfrie
