NGAYON ang araw ng operasyon ni Charles sa kanyang mata para makakita na siya. Isang doktor ang sumundo sa kanya sa bahay. Ang sosyal naman niya at talagang doktor pa ang sumusundo sa kanya. Hindi na ako sumama dahil sa kagustuhan ko na rin. Hindi naman na ako pinilit ni Charles na sumama.
Nang makaalis na si Charles ay inumpisahan ko na ang pag-eempake. Kailangan ko nang umalis dito dahil alam ko oras na makabalik siya dito ay malalaman na niya na panget naman talaga ako at hindi maganda.
Alam kong hindi lang siya magagalit sa akin kundi masasaktan din dahil sa panloloko ko sa kanya. Nararamdaman ko naman na mahal din ako ni Charles. Ang ikinakatakot ko lang talaga ay paano kung minahal lang niya pala ako kasi ang alam niya ay maganda ako.
Pero, ano kaya kung maganda ako? O ano kaya ku
