HINDI na ako nag-aksaya pa ng oras. Kinabukasan ay nagpunta agad ako sa isang HIV Testing Centers na nakita ko sa internet. Kinakabahan ako na hinihintay na tawagin ng doktor ang pangalan ko para sabihin ang resulta ng isinagawang testing sa akin. Pinagpapawisan na ang aking kamay sa sobrang nerbiyos na nararamdaman ko.
Pero upang hindi na ako masyadong magulat ay inisip ko na lang na malaki talaga ang tiyansa na positibo ako sa sakit na meron din si Rowena at ikinamatay ni Johnson.
Hanggang sa tawagin na nga ang pangalan ko...
Pumasok na ako sa opisina ng doktor. Babae siya na nagpakilala sa akin na si Dra. Agoncillo.
“Positive ang result ng isinagawa naming test sa’yo, Miss Ruth, ayon na rin sa blood sample na kinuha namin sa`yo...” Halos gumuho ang mundo ko sa sinabi na iyon ng dokt
