HINDI nga ako nagkamali dahil sobrang gulo na naman ng silid ni Charles. Nagkalat ang mga damit niya sa kama. Iyon muna ang inuna ko. Isa-isa kong tiniklop iyon ay ibinalik sa closet niya.
Inayos ko din ang pagkaka-hanger ng kanyang mga coat doon. At isang coat na naka-hanger ang kumuha ng aking pansin. Kinuha ko iyon at pinagmasdang mabuti.
Teka... parang ganito `yong coat na isinusuot ng mga doktor, ah. Kay Charles ba ito? Pero, hindi naman siya doktor. Ang alam ko may company siya na hinahawakan. Bakit siya may ganito?
BAGO mag-ala-singko ng hapon ay dumating na si Charles. May dala siyang vegetable pizza na ang sabi niya ay kakainin namin mamayang dinner. Inilagay ko muna iyon sa ref tapos iinitin ko na lang mamaya.
“Kumusta nga pala ang pakikipag-usap mo kay Francine?” tanong ko s
