HAIDE
"Babies dito muna kayo kay Mamita, Nanay Greta at Nanay Consing niyo huh?! May pupuntahan lang kami ni Nanay babalik din kami bukas. Behave lang muna kayo dito okay? Sa susunod isasama na namin kayo ni Nanay. Sa ngayon mahirap pa bumyahe kasama kayo. Huwag magtampo kay Nanay at Tatay okay? Mahal namin kayo ni Nanay." Kausap ni Diego sa aming triplets. Pupunta kasi kami ngayon sa Iloilo. Birthday ni Nanay kaya magsisindi kami ng kandila. Bibisitahin din namin ang bahay. Sa susunod na raw pa kasi darating ang bago naming kasambahay at mga Yaya ng triplets na mga kamag-anak din ng mga Ate ko. Marunong na silang maglakad kaya nahihirapan na ako kahit dalawa pa kami ni Diego saka nag-aaral pa ako. Hindi na kasi pwedi ang mga Ate ko dahil mga buntis na sila. Si Ate Jessa hindi pa magalin
