Amelia's POV:
"Mama, ayos lang po ba kayo? Ikukuha ko po kayo ng halamang gamot. Diyan lang po muna kayo-"
"Naku Amelia, kakainom ko lang kani-kanina. Dito ka na lang sa tabi ko, gusto kitang matitigan, anak. Napakagandang bata mo talaga. Hindi ka na nga pala bata, dalaga ka na. Sa isang linggo na agad ang iyong kaarawan. Napakabilis ng panahon. Parang noong nakaraan lang ay nasa bisig pa kita at pinapatahan," nakangiting sabi ni mama.
Matamlay naman akong napangiti at hinalikan ang kaniyang kamay. Nakahiga na si mama at hindi makalakad, nanghihina na rin siya. Napakabilis ng panahon, parang noong ngang nakaraan lang ay naghahabulan pa kami sa taniman. Dalawa pa kaming nagpapaligo kay Tandang Orange at anak niyang si Tandang Green at sa aming mga alagang baboy.
"Kaya po magpagaling kay
