Amelia's POV:
Pinapakita pa sa akin ni Miguel at ni papa ang mga kagamitang may kinalaman sa teknolohiya ang madadala ko sa aking paglalakbay. Masaya akong suportado nila ako sa aking gusto. Inilalaan ko rin naman ang aking dedikasyon dito.
"Bale ang naipakita ko na sa iyo ay ang SS1000 at C1000. Ngayon naman ay dumako tayo sa mga self-defense weapons at mga survival kit na madadala mo. Syempre, lahat iyon ay inimbento ko. May tulong na rin naman ng iba," paliwanag ni Miguel.
Inilagay niya ang camper 1000 sa isang bag. Sunod naman kaming pumunta sa lamesang puno ng kagamitan. Mayroong flashlight, stick, med kit, at iba pa.
"Ito ay flashlight na mayroong battery na tatagal ng ilang taon. Sinadya kong hindi rechargeable ang baterya dahil kaya naman nitong mabuhay na matagal. Maaari mo ri
