Mabilis kong binalik ang mask ko para matakpan ang peklat sa aking mukha. Saktong dating ni Zachary sa loob ng kwarto.
Naalarma si Selena sa nakita. Ang buong akala niya ay makakawala na siya sa pagkakagapos sa kaniya. Nabuhayan si gaga. Asa ka naman!
Nakasisiguro akong hindi sasabihin ni Selena ang tungkol sa akin, hindi niya naman siguro ilalagay ang kaniyang sarili sa alanganin. Alam niyang pinahahanap ako ni Zachary, sa oras na sabihin niya ang kaniyang nalalaman dito, tapos na siya.
Lumapit si Zach kay Selena. Gulat ito sa kalagayan ng kaniyang sekretarya. Hindi niya siguro akalain na ganoon ang gagawin ko rito. Kung hindi ganiyan ang ginawa ko baka ako ang nandyan ngayon at pinarurusahang muli ni Selena.
"Don't you dare," pigil ko kay Zachary dahil akma nitong tatanggalin ang nak
