Labis ang pagtitiwala ni Zachary sa akin kahit pa alam niyang mayroon akong kaugnayan kay Leventon. Ano kaya ang pumapasok sa kaniyang isipan at talagang naisip niyang tutulungan ko siya? Hindi talaga siya nag-iisip! Kung makapagdesisyon siya ay padalos-dalos! At hindi niya ba alam na sa sobrang busy niya sa paghahanap niya sa kaniyang dating asawa at sa kapatid niyon ay nauubos na ng paunti ang kaniyang kayamanan. Kahit ang kaniyang kapangyarihan ay mapupunta na kay Leventon.
Talaga bang wala siyang pakialam sa lahat ng meron siya? Tanging ang kaniyang pinagkakaabalahang maigi ay ang paghahanap lamang sa akin at kay Kelly. Talagang nahihibang na siya. Babagsak siya kung ipagpapatuloy niya ang ginagawa niyang iyon. Masisira siya sa lahat ng tao. Kailangan niyang magising sa katotohanan d
