Twisted (Filipino) R18+

She died good and woke up hated.

Buong buhay ni Rosie, ibinigay niya ang pagmamahal kahit puro sakit lang ang ibalik sa kanya. Hanggang sa huling hininga niya, pinili pa rin niyang magpatawad kahit siya mismo ang sinaksak hanggang mamatay.

Pero ang kamatayan ay hindi katapusan.

Nagising siya sa isang marangyang kwarto, sa katawan ni Bridget Lincoln ang babae na kabaligtaran niya. Mayaman, maganda, at kilala bilang pinakamasamang babae sa kanilang mundo. Siya ang nanakit, nandaya, at sumira ng buhay para lang sa sariling kapakanan.

Ngayon, dala ni Rosie ang pangalan at kasalanan ni Bridget. At ang pinakamabigat sa lahat, harapin si Axcel Vinzallor.

Ang dating matalik na kaibigan na ginawang walang-wala ni Bridget. Ang lalaking nawalan ng lahat, pamilya, pangalan, at kinabukasan, dahil lang sa kasakiman ng dating may-ari ng katawan niya.

Galit na galit siya. Nangakong sisirain niya si Bridget katulad ng ginawa nito sa kanya.

Pero paano kung sa bawat paghihiganti niya, nakikita niya ang kabutihan sa mga mata na akala niya ay puno ng kasamaan?

Paano kung ang taong gusto niyang saktan ay ang taong nagturo sa kanyang magmahal ulit?

“You are not the devil I knew, you are the angel I’ve been waiting for.”

Isang kwento ng pangalawang pagkakataon, pagbabago, at pagmamahal na umusbong mula sa pinakamadilim na nakaraan. Dahil sa mundong ito, hindi lahat ng maganda ay mabuti, at hindi lahat ng galit ay tunay.