The Book of Ghouls "Nalaman kong kaya kayo nandito ay dahil layon ninyo ang tulungan ang mga tao mula sa tuluyang pagwasak ng mundo. Nalaman ko ring kailan lang na naghahanap kayo ng lunas para sa nangyari kay V," sabi ni Charles.
Nakikinig ang lahat sa kaniya. Nasa labas na sila samantalang ang mag-inang sina Helena at Chester ay nanatili sa loob ng kwarto.
Nakatingin ang lahat sa kaniya habang nagsasalita. Tutok din ang mga ito sa mga sinasabi niya lalo na sina Spice, Skip at V na nais malaman ang lunas sa nangyari sa kaniya.
"May alam ka po bang lunas para sa kaniya? Paano po maibabalik ang kaluluwa niya?" tanong ni Spice.
Pinaupo siya ni V sa isang gilid dahil masyadong napalakas ang tono ng pananalita niya. "Huminahon ka muna, Spice. Hayaan mo muna siyang magsalita."
Napatingi
