Hapon na nang makauwi ako sa apartment at bagsak na ang mga magkabila kong mga balikat dahil sa pagod. Hindi naging madali ang pamimili ko dahil sinuyod ko rin ang buong palingke para makahanap lang ng mga murang bilihin. Kinuha ko ang susi sa aking sling bag pero nagtaka ako kung bakit hindi naka-lock ang pinto.
Inalala ko ang nangyari kaninang umaga at sinigurado kong naisara ko ito nang maayos. Pinihit ko nang dahan-dahan ang pinto at napagtanto kong may tao nga sa loob. Nakaramdam ako ng kaba kaya dahan-dahan akong pumasok sa loob. Hindi ko na naisip kung ano ang maaring kahihinatnan ko sa loob. Maliban sa may-ari na si Eyah ay wala ng pwede pang makapasok sa loob.
Tinungo ko ang kwarto at nanlaki ang mga mata ko ng mapagtanto kong si Kent ang nasa loob at nakaupo ito sa silya na na
