"Sir, pasensiya na po pero susunduin po ako ni Kent. Next time na lang po siguro ako sasabay sa inyo." Tumango lang si Sir Chad at pinauna na niya akong lumabas sa opisina. Hindi na ako nakarinig ng pamimilit kahit na madalas ay iyon ang gawain niya.
Mag-isa akong naglakad palabas ng opisina at ang ibang employee ay halos nakauwi na rin lahat. Dumiretso ako papasok sa elavator at napaka komportable sa pakiramdam dahil mag-isa lang ako sa loob.
Nang makalabas na ako sa entrance ay wala pa rin si Kent. Lumapit ako kay Manong Guard at tinanong ko ito dahil baka nagkasalisi lang kami.
"Manong Guard, may kotse ba'ng huminto rito ngayon? Kotse ni Kent 'yong kaibigan ni Sir Chad." Umiling sa akin at mukang sinsero naman ito sa kaniyang sagot.
"Wala po, Miss."
"Sigurado po kayo, Manong Guard?
