Tama nga ang hinala ko dahil hindi nga ito basta-bastang party lang. Maraming nagkalat na mga press at reporter sa paligid na ano ma'ng oras ay handa na naman itong sumagap ng mga tsismis. Mabuti sana kung totoo ang lahat ng mga sinasabi nila pero kaso lang ay hindi naman lahat ay tama. Mas marami pa yata itong pinapalabas na mga balitang gawa-gawa lang at puro kasinungalingan.
Suguro sa isang daang balita na pinapakalat nila ay mayroong isang katotohanan lamang. Bawat pagpasok ng mga dumadating na guest sa hotel na ito ay diretsong kinukuhaan nila ng litrato. At hindi na ako magtataka kung bukas ay maging trending na naman ang mukha ko na kasama si Sir Chad. Sana pang ay hindi ako makilala na Kent.
"Just walk straight in the passage and do not look at others. Do not pay attention to t
