"Close pala kayong magpinsan ni Chad dati?"
"Oo, magkalaro kami ng mga bata pa kami. Siguro ay mga two or three years old pa lang kami no'n. Pero nang maghiwalay ang Mommy at Daddy niya ay nagkikita pa rin naman kami sa school."
"Ano naman ang madalas niyong nilalaro?"
"Baril-barilan at minsan ay mga manika na binibili ng Mommy ko."
"Naglalaro rin siya ng manika?" natatawa kong tanong dahil hindi ako makapaniwala sa aking nadiskubrihan.
Tumango siya. "Oo, pero noong nag-aaral na kami ay computer games na."
"Ang saya niyo pala rati, para kayong magkapatid," tugon ko at 'di ko maitago ang lungkot sa aking tinig. Nakakalungkot lang na wala man lang akong magandang alala na pwedeng balikan.
"Ikaw may kapatid ka ba o pinsan?" nag-aalala niyang tanong sa akin.
"Meron pero wala akong
