Buong araw kaming nagtrabaho ni Sir Chad sa opisina na para bang pareho kaming estranghero sa isa't isa. Nahihiya din kasi akong maunang kumibo sa kaniya. Lalo na nang marinig ko ang usap-usapan kanina bago ako pumasok na inaakit ko raw ang boss namin.
Para talagang may pakpak ang mga tsismis dahil kung saan-saan na lang lumilipad. Kung sabagay ay likas na sa tao ang maging interesado sa buhay ng iba.
"Do you have a food for the lunch?"
Napatigil ako sa aking ginagawang pag-aayos ng mga papeles na tapos ng pinirmahan ni Sir Chad. Nilingon ko siya at umiling bilang tugon.
"Busog pa po ako." Binalik ko ang aking atensyon sa aking ginagawa.
"Stop that, fix that later when you're done eating," mahinahon niyang wika habang naglalakad patungo sa akin.
Hindi ko inaasahan ang sumunod na
