Hindi ko alam kung anong hitsura ng mukha ko, pero sapat na ang gulat na nararamdaman ko para mahulaang nanlalaki ang mga mata ko ngayon habang nakatingin pa rin sa kanya.
Ang hirap pa rin paniwalaan na hanggang dito ba naman ay magkikita pa rin kami . . .
‘We kept on colliding to each other, huh?’
“Hoy! Ano na, biatch?” Napakurap ako nang marinig ang boses ni Joanne na nakapasok na pala sa elevator kasama si Glency at si Miss Morales— ang may-ari ng condo. Nandoon pa rin si koya at mukhang natauhan din siya dahil agad itong gumilid at saka lumabas. Bahagya pa kaming nagkabungguan sa balikat dahilan para mawalan ako ng balance at muntikan pang matumba, mabuti na lamang at nahawakan nito ang palapulsuhan ko para hindi ‘yon matuloy.
Pero agad ko rin itong binawi dahil sa hind
