Hindi ko alam kung ilang minuto na akong nakatingin sa direksyon nila, pero bawat tingin na ‘yon ay ramdam ko ang talim at ang kagustuhang manaket. Kung saan nanggagaling ang emosyong ‘yon ay hindi ko alam. Natinag lang ako nang marinig ko ang boses ni Diana.
“Ate Joanne?” napalingon ako sa kanya at sinundan ang tinitignan niya at bahagya pang nagulat nang makita ang mga kaibigan kong papunta sa direksyon namin.
“Hoy gaga! Kanina pa kami tawag ng tawag sayo hindi ka sumasagot!” nanenermon na baling sakin ni Joanne, kasunod nito si Glency at siyang naupo sa couch na katabi ng inuupuan namin. Kauupo pa lang ay nagsalin na agad ito ng inumin at dire-diretso ‘yong nilagok. Maya-maya pa ay natigilan ito at nanlalaki ang mga matang napatingin sa harap niya. “Diana?! Hoy bata ka! Bakit ka
