“Tunay na masarap pala ang mga pagkain sa hacienda mo, Lyneth,” narinig kong pagpuri ng isa sa limang mga bisita ng tiyahin ni Matias.
Sinamahan ko na rin na magserve sa dining area sina nanay Anita.
Si Matias naman ay pinaun ko ng magpahinga sa kwarto namin pagkatapos niyang kumain ng hapunan. Ang alam ko kasi ay nag abono sila malawak na taniman kaya pagod na naman ang tunay na Las Palmas.
“Kailan ba ako nagsabi ng kasinungalingan, amiga? Pagsinabi kong masarap ay talaga namang masarap ang mga ihahain na pagkain sa inyo gaya ng kapag sinabi kong akin ay talaga namang magiging akin,” tugon naman ni Lyneth na alam kong may halong pagpaparinig sa akin.
Ang tiyahin ng asawa ko ang nasa pinakasentro ng lamesa habang ang mga amiga niya ay nakahilera sa magkabilang side ng mahabang dining t
