Womanland
Hindi nilingon ni Prinsesa Rebeka kung sinuman ang pumasok ng silid niya. Presensya pa lang nito alam na niya ang nakakatandang kapatid niyang iyun.
Nanatili ang mga mata niya sa labas ng balkonahe niya.
"Totoo bang nanunumbalik na ang katinuan mo?" mapait at puno ng suklam nitong saad sa likuran niya.
Mariin niya ikinuyom ang mga palad niya na nasa ibabaw ng mga hita niya.
"Sabihin mo nga,mahal kong kapatid,nakakapagsalita ka na rin ba?"
Nagbingi-bingian siya kahit gusto niya sumabog sa galit rito.
Isang tawa na puno ng pagkasuya ang pumainlanlang sa silid niya.
"Nakakaawa ka,hindi ko hahayaan na malaman ng ating ina ang totoo nangyari sayo at sa pamilya mo at huwag ka ng umasa na magkikita pa kayo ng mga anak mo," puno ng pagbabanta nitong saad na lalo nagpapuyos sa g
