Heaven Venice Geronimo
"Ma'am Heaven, nand'yan po si Sir Jacob."
Awtomatikong nag-iba ang pintig ng puso ko nang marinig ang sinabi ni Yaya matapos nitong kumatok at pinagbuksan ko ng pinto.
"Ahh... S-sige. Maghintay muna siya sa sala. Papunta na po ako do'n."
“Sige po.”
Pagkasara ko ng pinto ay agad akong napahawak sa dibdib. Bakit ang aga niya na naman? Kahapon ay nang umuwi ako galing trabaho ay nandito na siya at nag-aabang sa akin. Pangalawang araw pa lang ‘yon na nakita niya ang mga anak niya. Kaya nga ngayon ay inagahan ko na ng 30 minutes ang uwi.
Wala naman akong sinabing partikular na araw na bawal siyang dumalaw dito sa mansion. Sa tingin ko ay dapat na mapag-usapan rin namin ang tungkol sa schedule ng dalaw niya ng bata. Baka kasi araw-arawin niya naman. Hindi ko naman ma
