Forty-one
TULAD ng inaasahan ni Iliana ay halatang nagulat si Miles na makita siya roon sa loob ng bahay nito. Nadala lang naman siya ng tukso nang ayain ng nagngangalang Demi na pumasok sa bahay, malay ba niyang hindi naman pala siya invited. Sayang pa naman ang adobong niluto niya na nag-iisang putahe na alam niyang lutuin, at tiyak niyang magugustuhan ng binata.
Napansin niya kasing ilang araw na itong kumakain sa fastfood chain na kanyang pinapasukan. Sa katunayan, nagkaroon pa nga siya ng inspirasyon na kahit isang beses sa mga nagdaang araw ay hindi niya nagawang lumiban at bonus pang nagagawa niyang mag-stay 'di tulad dati na bawat minuto ay gusto na niyang umuwi.
Tuwang-tuwa tuloy sa kanya ang manager dahil naging masipag at dedicated na siya na empleyado matapos ang mga sangka
