NAKAILANG beses nang tinawagan ni Demi ang kaniyang pinsan na si Jim pero sa ikaanim ay hindi pa rin ito sumagot kaya napakunot-noo na siya. Nagpadala na lang siya ng message nagbabakasakaling mabasa nito iyon dahil may mahalaga sana siyang sasabihin dito.
Tatlong buwan na lang bago ang international tournament. May problema siya sa isa nilang player at nais na niyang magkaroon ang team ng pitong manlalaro kaysa lima lamang ito. Bukod kasi na mahigpit ang management sa mga players ng bawat team, ayaw din ng mga ito na magkaroon ng malaking aberya.
Ayaw man niyang aminin sa sarili pero hindi na niya kaya pang asikasuhin ang lahat ng bagay na iyon ng mag-isa. She's trying to look for new people to her team. Malaki na ang tulong na naibigay sa kaniya ng tiyuhin na si George. May buhay din
