Isang linggo na lang bago ang national tournament ng Night Lost. Lahat ay abala sa loob ng gaming house noong umagang iyon maging si Demi na bakas sa mukha ang pagod.
Kasalukuyang inaayos na niya ang mga account ng players sa Night Lost dahil hindi maaaring gamitin ang mga orihinal na account ng mga ito upang maiwasan ang ano mang pandaraya. Inisa-isa na niyang ipinasa sa mga staff ng management ang kanilang official account, logo at iba pang kinakailangang papel. She never dreamed that she'll have a new squad after SpaiDer. Natutuwa siyang malaman na unti-unti niyang nakikita ang sariling makababalik muli sa international arena. Pero hindi pa rin nawawala sa kaniyang isipan ang dahilan kung bakit ba niya ginagawa ang mga bagay na 'yon.
"Siguro magpahinga ka muna sandali Demi," mungkah
