Halos tatlong oras ang biyahe papunta sa isang isla kung saan dalawang araw silang naroon at kailangan sumali kahit sa isang activity lang, para sa kanilang grades sa P.E.
Tumigil sa gilid ng kalsada ang bus pero maririnig na ang alon ng tubig mula sa dagat. Sa bus nila Daniella ang iba ay bumaba na, pero ang katabi niya ay nakatulog kaya ginising niya pa ito. “Hoy! William, narito na tayo gumising ka na,” sambit niya habang itinutulak ang braso nito.
Gumalaw naman ito hudyat na nagising na. “Puwede na tayong bumaba.” Wala namang imik na inayos ni William ang gamit niya at saka tumayo at naglakad palabas ng bus.
Kumunot ang noo niya. “Nabigla ata ng gising?” Tumayo na rin siya at lumabas pero wala na si William sa paligid at baka nauna na sa cottage kasabay ng ibang estudyante.
Lumakad
