ورطة حب

زهرة شاغلة كل الحي بنت فى غاية الجمال صاحبة جمال عربي مرسوم عيون عسلية واسعه مع شعر بنى طويل وبشرة قمحية اللون مع شفايف مرسومة وجسم جميل انثوي مثير متناسق جدا مع طولها بفستان اسود قصير فوق الركبة بحمالات رفيعه ومرسوم ورود بيضا وصفرا وبفتحة صغيرة فوق الركبة مع سلسلة جميلة على رقبتها برونزية اللون وحلق ابيض كبير على شكل نجمه ماشية فى الشارع اللى بتمتلك فيه كوافيرها الخاص مع نظرات كل اللى واقفين فى الشارع منهم اللى بيبص لها بنظرات اعجاب ومنهم اللى بيغير منها ومنهم اللى بتخاف على جوزها او خطيبها من زهرة وجمال زهرة ودلالها وفى وسط كل ده زهرة ولا كأنها شايفه حد من اللى بيتف*جوا عليها وهيموتوا منها ومن جمالها هنادي قدام شباك شقتها واقفه بتعمل قهوتها بتاعت الصبح شافت زهرة ماشية فى الشارع بدلعها المعهود..يخربيت نهارك امتى اخلص منك ..اتمخترى اتمخترى, يعنى مش كفاية اتصبح بوشك كمان القهوة فارت وهحتاج انضف البوتجاز يوسف,زهرة عنك انتى هاتى المفتاح خلينى افتحلك الباب زهرة,لا كتر خيرك مش محتاجة مساعدة انا بعرف افتح المحل لواحدى يوسف,فى ايه يا زهرة قومى مينفعش توطى بالشكل ده فى الشارع بقولك هساعدك زهرة,قولتلك خلاص الله الغني عن مساعدتك ارجع لجزارتك يا يوسف رفعت زهرة باب المحل بتاعها ودخلت وسابت يوسف واقف متابع حركاتها القاسية عليه بعد ما سابته ودخلت المحل بتاعها طلعت اللبانة بتاعتها من شنطتها وابتديت تسرح شعرها الطويل ورفعته لفوق ديل حصان وابتديت تنضف فرش الشعر بتاعت الشغل وترص كل حاجة مكانها وترتب المكان وولعت البخور وابتديت تقرا ايات قرأنية تبعد الشر عنها وعن رزقها قدام صورة مامتها اللى فى نص المحل زهرة, ياصباح الورد والهنا على عيونك يا احسن ام فى الدنيا الله يرحمك وينور قبرك يا اغلى الغاليين فجأة فرخة (دجاجة)واقفة لزهرة فى وسط المحل زهرة, يا راجل يا مهزاء وبتجرى ورا الفرخة اللى بتلف فى المحل كله وريشها بيطير فى كل مكان وزهرة عمالة تتوعد وتلعن بياع الفراخ عبدالله يخربيتك يا عبدالله والله لا اوريلك شغلك خرجت من باب المحل وفى ايديها الفرخة زهرة,عبدالله ,وبعدين معاك يا عبدالله هنفضل كده علطول احنا مش هنخلص ولا ايه اتفضل وحدفت زهرة الفرخة لعبدالله اللى مسك الفرخة وهو بيقول اسم الله عليكي اسم الله فزعتك زهرة يا حلوة زهرة.اه سمى عليها كمان سمي عبدالله..تانى رجعت جاتلك الصالون يا زهرة؟ زهرة .اه شوفت اسم الله عليها فاهمة وحافظة الطريق لوحدها لاء وكمان ايه عرفت تفتح الباب لوحدها عبدالله .طيب مش يمكن عايزة تعمل سيشوار ولا باد*كير ومانيكير زهرة..لا ياشيخ.طيب اسمع يامدير اعمال الفراخ انت انا على اخرى منك ها وخلاص مش هستحمل غلطة تانى علشان لو اتكررت مش هحكيلك انا هعمل ايه هخليك تشوف بنفسك والناس كمان تتف*ج عليك عبدالله.هتعملى ايه يعنى ها؟ زهرة وهى ماشية من قدامه..هنتف ريشك انت وفراخك علشان تعرف ازاى بيكون السيشوار عبدالله. ورينى اللى تقدرى تعمليه انا مستني اتفرج زهرة.بقولك ايه يا جدع انت متعملش نفسك عليا د*ك انا بحذرك دى اخر مرة اشوف فرخة من فراخك دى عندى فى الكوافير والا وحياة ربى لا ادبحهالك واخلى كلاب السكك تاكلها قدامك سابته زهرة ورجعت تانى للمحل بتاعها تحت نظراته المستفزة وفى مكان تانى شاب جميل طويل وعريض بعيون ملونة وبشرة برونزية وشعر اسود ناعم نعومة الحرير وذقن وشنب بيزينوا وشه يدخل شاب يوجه له الكلام..معلم انس وصلت عربية البضاعة يرد انس..جاي وراك يا عفيف انس لشباب بتنزل كراسى انتريه وصالونات من على عربية نص نقل كبيرة..الله يقويكم يا شباب الله ينور يردوا الشباب .على راسنا يامعلم وعند كرسى معين ابتدا انس ينادي على سمير.ياسمير سمير,اؤمرنى يا معلمي انس,حلو الكرسى ده مش كده؟ سمير,ايوة يا معلمى جميل انس,طيب دخله مكتبى ده انا عايزه عندي ويوجه كلامه مرة تانية للشباب الله يقويكم يا شباب الله يقويكم يدخل انس مكتبه ويمد ايديه فى درج مكتبه يطلع سكينة صغيرة ويبداء يقطع قماش الكرسي اللى طلب انه يدخل المكتب ويطلع اللى جواه علشان من وسط الاسنفج يخرج حاجة ملفوفة علشان يبداء يقطع اللفة من حوالين الحاجة اللى كانت جوة الكرسى ويخرج اللى جواها ويمسك فى ايديه ورق كتير جدا لكن ده مش اي ورق دى دولارات ودولارات كتير ابتدا انس يمسك ورق الدولار ويكشف عليه اذا كان مزور او لاء ووجه كلامه لسمير..سليمة وزى الفل هاتلى باقى الكراسى والكنب .... عند زهرة زبونة ..يخربيت الكراسى يا زهرة مش ناوية تغيريهم الكراسى اللى عندك دى تقسم الضهر زهرة..عندك حق والله انا طالبة الكراسى الجديدة من فترة مش عارفة اتأخروا كده ليه ؟ كل يوم يقولولى بكرة والمفروض النهاردة يوصلوا لما نشوف اخرتها معاهم ايه عاملة فى الكوافير..يا خبر ياست توفيقة هو احنا نقدر على تعبك ولا على زعلك وفى عربية بى ام حمرا داخلة نفس المنطقة اللى فيها الكوافير بنت عشرينية راكبة جنب شاب فى بداية الثلاثينات وهى بتعلى صوتها وبتزعق وتهبد على تابلوه العربية الشاب..دينا خلاص ما تعمليش كده دينا..بقولك يا فادى نزلنى يلا نزلنى فادى.خلاص اهدى اتفضلى انزلى بس افتكرى انى مخلصتش كلامى دينا..لكن انا خلصت كلامى نزلت دينا من العربية وهى لابسة بنطلون جينز ضيق على بادي لون البشرة ضيق ومدخلاه جوة البنطلون وفاردة شعرها على ضهرها فادى نزل يجرى وراها فى الشارع ..دينا مينفعش كده اقفي اتكلم معاكى .الناس هتتف*ج علينا اقفى وقفت دينا ولفت تبص لفادى فادى.دينا مش كده يا ستى شكلك حلو وكل حاجة بس الهدوم منظرها عليكي اوفر اوى متنفعش دينا.فادى انا حرة البس اللى يعجبنى انت لا جوزى ولا خطيبي مستفز اوى انت سابته ومشيت وطنشت انه رجع ينادي عليها دخلت الكوافير هى واحدة من اللى بيشتغلوا مع زهرة دينا,صباح الخير.اسفة على التأخير مش هتتكرر زهرة,عادى يعنى ايه الجديد ما ده العادى بتاعك فادى على باب الكوافير..دينا اطلعى انا مخلصتش كلامى بقولك اطلعى شافته زهرة من ورا باب المحل الازاز اللى مكتوبة عليه يافطة بممنوع دخول الرجال زهرة.دينا حبيبتى يلا ماما شوفى شغلك عندك هنا مانيكير وباد*كير فادى فتح باب الكوافير,دينا بقولك تعالى انا لسه مخلصتش كلامى زهرة بعصبية خارجة لفادى,ايه ايه ايه انت رايح فين فاكر نفسك فى كباريه انت فى كوافير حريمي مش شايف اللى مكتوب على الباب انا عندى جوة ستات محجبات مش مسموح بدخول الرجال ايه مبتعرفش تقرا فادى,زهرة انا مش موجه كلامي ليكي انا عايز دينا بكلمها فى موضوع خليها تطلعلى خمس دقايق وترجع تانى لشغلها زهرة,انت مجنون اخبطك بحاجة فى دماغك دلوقتى .بقولك امشى من هنا دلوقتى بس تخلص هى شغلها وبعدين تتكلم معاك براحتكم بعد شغلها فادى بعصبية بصوت عالى,ماشى يادينا اعرفيها ماشى زهرة,امشى يلا دينا انتي منين عرفتيه ده ان شالله المرة دى تسيبيه بجد ونخلص بقى من الق*ف ده دينا,لا خلاص اكيد المرة دى هسيبه المرة دى غير كل مرة زهره , اه وماله صدقتك انا كده ,قصدك تقولى المرة دى زي كل مرة ,وترجعي تقولى اصل بحبه يابا,مش قادرة اعيش من غيره يابا,انا هموت نفسي من غيره يابا دينا,اتريقى يا زهرة اتريقى جرى ايه يا جماعة انتم فاكرينها سهلة انا بقالى معاه خمس سنين مش يوم ولا اتنين بحبه ياختي بحبه مش ب ايدي توفيقة,والله يا زهرة انا مع دينا بقالها معاه اد ايه خلاص الدنيا كلها عرفت لو سابته دلوقتى مين هيرضى بيها بعد مشيها معاه كل ده ,سيبك منهم يا دينا خليكي معاه متغلطيش غلطة غيرك زهرة,غيرها كتير مبسوط ومرتاح ومقتنع ان ده هو القرار الصح توفيقة ,اه ياختى مرتاحه,اهو الراجل اتجوز وعايش حياته وانتي لسه قاعده على حالك مبتتقدميش خطوة لقدام زهرة,ومين قالك انه مبسوط بجوازته دى ؟ الجواز مش اهم حاجة فى الحياة فى حاجات كتير اوى فى الدنيا اهم من الجواز توفيقة,وايه بقى هو اللى اهم من الجواز والعيلة يا عنيا زهرة,الكرامة يا توفيقة الكرامة توفيقة,هههه اه الكرامة خلى ياست زهرة الكرامة تفرحك وتفرفشك وتنام فى حضنك على المخدة وتغيرلك اللبة وتشيل ليكى انبوبة البوتجاز زهرة,ايه اللى انتى بتقوليه ده لمبة ايه وانبوبة بوتجاز ايه انا اغير الف لمبة واشيل 100 انبوبة بوتجاز ولا انى اسمح لراجل انه يدوس على كرامتى حبيبتى انا زهرة عايزة اللى يروينى و ويفرفشنى ويدلعنى رشا اسمها ايه الاغنية اللى بحب اسمعها اااه ااه عرفت اسمها شغلي يا رشا اغنية ملحم بركات ما في ورد بيطلب مية الورد بيبقى سكوت إذا ما سقيته شوي شوي ع السكت بيموت غنوا معاها البنات وضحكوا واتقلب الكلام غنا رن تليفون زهرة رديت ..الو صباحو .ايوة مايسة سحر,ايوة خالتو ,انا سحر زهرة,سحر ,خير حبيبتى فى ايه بتعيطى ليه وفى مكان تانى ,فى بيت صغير بنتين قاعدين فى ركن على كنبة صغيرة وهما بيعيطوا شايفين قدامهم امهم وهى بتض*ب من ابوهم بمنتهى القسوة والوحشية وهو بيهينها ويشتمها ب اقذر الالفاظ وفجأة خبط الباب وفتحت سحر اتفتح باب الشقة ودخلت زهرة بتجرى بمنتهى العصبية بتحاول تحوش بين ميسم اختها وجوزها اللى كان مش عايز يسيبها من ايده وم**م يقطع شعرها فى ايديه علشان متلاقيش زهرة حل غير طفاية على بوفيه صغير تمسكها وتض*ب فواز فى دماغه تفتحهاله علشان من منظر الدم وخوفه والم الض*بة تفلت ميسم من ايده وهى خايفة ومذهولة من اللى حصل زهرة قومت اختها من على الارض وهى بتقولها , قومى يا ميسم قومى وادخلى الاوضة جوة عند بناتك يلا ووجهت كلامها لفواز,انت ايه مجنون ازاى بتمد ايدك على مراتك انت فين رجولتك ايه معندكش اخلاق بتض*بها وقدام بناتك عايز تعقدهم انت ايه مبتحسش فواز,انا بتفتحيلى دماغى يا زهرة طيب ورحمة ابويا هتشوفى انا هعمل فيكى انا هوريكي زهرة,ورينى يا سى فواز انا عايزاك تورينى وابقى اعرف انك مديت ايد*ك عليها مرة تانية والله اقطعهالك انا اللى هوريلك هعمل فيك ايه غور فى داهيه عدين الرجولة خرج فواز من البيت وهو عارف هو رايح فين زهرة موجهة كلامها لميسم اللى بتعيط, ينفع كده عاجبك شكلك ده ومنظرك ده قدام بناتك,ازاى بتسمحيله يمد ايده عليكي,قابلة انتى بالعيشة دى راضياها على نفسك ازاى ودلوقتى هتمشى معايا انتى وبناتك ومش هترجعيله تانى خلاص بقى خلصنا كفاية بهدلة واهانة لمي حاجتك يلا انتى وبناتك,ارحمي نفسك وارحمى بناتك عقدتيهم حرام عليكي,بصى على نفسك فى المراية ,بمنظرك ده واللى وصلتيله انتى اتأخرتى اوى على الض*ب كان لازم ده يحصل من زمان علشان متوصليش للحال اللى بقيتى فيه يلا جهزى حاجتك ...فى مكان تانى ,فندق متواضع قاعد راجل كبير فى السن لابس قميص حرير مشجر مفتوح الازرار وتحتة فانلة داخلية نازل فوقها عدد من السلاسل الدهب وبنطلون جينز ازرق واقف ورا كوانتر بيوجه كلامه لزبون جديد لابس بدلة وشعره ابيض ومعاه بنت فى سن احفاده لابسة بنطلون ضيق وبادى عريان وشكلهم مش مظبوطين الراجل بتاع الفندق,,بطاقاتكم لو سمحتم الزبون, لاء مش معانا بطايق احنا الراجل,اسمع لو من غير بطاقة السعر بيختلف الزبون,ياسيدى مش قصة شوف السعر اللى انت عايزه وشوفلنا اوضة الراجل,عايزين الاوضة يوم كامل ولا نص يوم الزبون , لاء ياسيدي نص يوم الراجل وقاعد بياكل لب اتكلم تاني, طيب عايزين الاوضة بسرير ولا بسريرين الزبون,,ياسيدي سرير واحد ده منظر سريرين يعنى الراجل,طيب ب الاكل ولا من غير الاكل الزبون,ياسيدي من غير اكل خلصنا بقى الراجل,طيب 2000 جنيه الزبون,ايه ليه 2000 الراجل,اه ده انا كمان كارمك علشان تتعود على المكان دفع الزبون الفلوس واخد مفتاح الاوضة اللى فى الدور الاول ورقمها 102 وطلع من غير ما ينطق معاه بحرف وكمل الراجل كبير السن اكل اللب اللى قدامه .... فى بيت تانى شاب صغير فى بداية العشرينات وهو اخو زهرة وعنده ورشة ميكانيكا صغيرة للعربيات قاعد مع راجل كبير فى السن اللى هو جد زهرة شعره ابيض ولابس نضارة وماسك ورق كتير الجد, زيكو فى اسبوع مجبتليش فيه ورق الحظ,مش كنت جيبتها يمكن كانت ت**ب زيكو, ياجدي كفاية بقى كفاية , على رأى المثل الدنيا لو هتشتي كانت غيمت, عارف ياجدي احنا لو حوشنا فلوس الورق اللى انت جايبه ده كله كان زمانا محوشين اكتر من الجايزة الكبرى بتاعتهم الجد,مش مهم الفلوس والم**ب,المهم الاصرار.متقلقش قربت خبط باب الشقة وقام زيكو يفتح الباب شاف قدامه ميسم اخته وبناتها ومعاها شنطة هدومها زيكو بترحيب,اهلا اهلا نورتوا ادخلوا البنات وميسم سلموا على الجد بحب زيكو موجه كلامه لميسم اخته بهدوء, خير فى ايه؟ ميسم,اتخانقت انا وفواز زيكو,اااه,طيب فكرت فى حاجة جديدة ميسم,زهرة عايزانى اسيب البيت واجي اعيش معاكم هنا زيكو,طيب ودى كمان قديمة ايه الجديد بقى ميسم,الجديد ان زهرة كانت عندنا فى البيت ومسكت الطفاية وض*بت بيها فواز على دماغه فتحتهاله زيكو بخضة , زهررررة .. فى الفندق دخل فواز بعصبيه موجه كلامه للراجل صاحب القميص المشجر ,,اتفضل يا حمايا العزيز اتفرج ابو زهرة,اهلا اهلا بجوز بنتى السند فواز,,جوز بنتك,شوف بنتك عملت ايه ,اتف*ج على دماغى اللى اتفتحت واتخيطت غرزتين ابو زهرة بدهشة,معقول ميسم عملت فيك كده؟ فواز,لا مش ميسم دى تخاف من القطة احسن تاكل عشاها لكن اللى عملت كده بنتك المصونة زهرة كل مشاكلى انا ومراتى بسبب زهرة وتدخلها فى حياتنا انا خلاص زهقت منها ,كل ما تتكلم مع ميسم تملى دماغها بالكلام الفارغ بتاعها,عمي قولها لا تيجى عندنا مرة تانية ولا ليها كلام مع مراتى ولا بناتى ابو زهرة,يازين م اختارت ال يعنى هي بتسمع كلامى ولا بتكلمنى من الاساس فواز,طيب خلاص قولى مين كبيرها وانا اكلمه ابو زهرة,لا ياحبيبى محدش بيقول لزهرة تعمل ايه ومتعملش ايه زهرة مالهاش كبير فواز,طيب ياعمي انا بقى عرفت انا هقول لمين ,محدش يزعل ولو هى معندهاش كبير انا هجيبلها الكبير,ولو معندهاش اللى يوقفها عند حدها انا هعرف اوقفها ازى وخرج فواز زى ماوصل بنفس العصبية والغضب ,,, فى ورشة انس بيحمل بضاعه على العربيات وبيبلغ فى التليفون عميل انه هيبعتله شغله مع عفيف اللى هيسلم الشغل اللى معاه ويروح يسلم شغل تانى فى مكان تانى خلص انس كلام فى التليفون ووجه كلامه لسمير ايه سمير كله تمام؟ سمير.كله زى الفل وزى ما طلبت يا ريس انس,اتكلنا على الله يلا بينا نتحرك, ,, قدام كوافير زهرة واقفة زهرة واخوها زيكو بيتكلموا عن ميسم وحالها مع جوزها زهرة,خلاص يازيكو اختك مينفعش ترجع تانى للحيوان اللى اسمه فواز ده خليها قاعده عندنا معززة مكرمة هى وبناتها الموضوع منتهي ولو ده مش هيحصل علشانها هيحصل علشان البنات اللى هتتعقد دى حرام ولا هما اتعقدوا اصلا زيكو,ايوة يا زهرة بس هى مش عايزة تسيبه خايفه انه يطلقها وياخد منها البنات زهرة,مين,فواز ابن فوزية,الشحات البخيل,ده ما هيصدق هم وحمل انزاح من على قلبه وجيبه زيكو,طيب ويازهرة هو احنا هنقدر نشيل الحمل عنه؟ انتى عارفة الدنيا ومافيها انا اللى بيدخلى يادوب بيكفينى بمشى نفسى بيه بالعافيه.وبعدين انتى شايفه خاطب ومش عارف اتجوز وامها كل يوم والتانى هاتلى شقة هاتلى شقة زهرة,عارفة يا حبيبى عارفة انت متشغلش بالك بالكلام ده ركز بس فى مستقبلك وشغلك وركز مع خطيبتك انا مش عايزة منك جنيه واختك انا مسؤلة عنها هى وبناتها لو هتوصل انى اوفر تمن لقمتى علشان هما ياكلوا مش هتأخر. زيكو,طب يلا بقى نادى على رشا اكلمها شوية زهرة,عندها شغل تخلص شغلها واتكلموا مع بعض زي ما تحبوا زيكو,يا ساتر عليكي بقولك هكلمها خمس دقايق بس وحشتنى عايز اشوفها زهرة,يا قلبى يا حبيبى ايه مش قادر اطلبلك الاسعاف؟ فى ايه يا زيكو مالك,بقولك ايه هى لحد الساعه 9 بليل مش خطيبتك دى موظفة عندى من بعد 9 تعالى خدها واتكلموا وحبوا فى بعض براحتكم يلا امشى خلينى اشوف شغلي ومتنساش وانت طالع هات اي حاجة حلوة لبنات اختك فرحهم خليهم ينسوا اللى شافوه هاتلهم جيلاتى بيحبوها مشي زيكو وجه عند زهرة يجرى من المحل اللى قدامها يوسف الجزار يوسف,زهرة انا قولت انتى اكيد جعانة عملتلك شوية ساندوتشات لحمة وكفتة ليكي انتى والبنات زهرة,لا كتر خيرك شبعانين البنات متشيلش همهم وانا بطلت اكل لحمة بقيت نباتيه باكل خضار وبس رجع اللحمة للمحل ولا روح طلعها لمراتك هى اولى بيها ولا اقولك وزعها على الفقرا يمكن ت**ب ثواب رن تليفون زهرة وبعدت عن يوسف وفتحت الخط واتكلمت بمنتهى الحب والهزار بس مش معروف هى بتكلم مين بعد ما خلصت مكالمة تليفونها ودخلت الكوافير لزباينها وصلت قدام الباب عربية نص نقل محملة كراسى للكوافير عفيف فتح باب الكوافير, الست زهرة يونس خرجت زهرة ,ايوة انا زهرة مضيت على ايصال الاستلام ونزل عفيف كراسى الكوافير من على العربية وحطوهم فدام المرايات مكان الكراسى القديمة وسط فرحة زهرة والبنات اللى بتشتغل معاها فى الكوافير واخيرااااا وصلت الكراسى الجديدة وكان الكوافير فيه عروسة بتتجهز وسط فرحة البنات وزهرة عملولها زفة وكأنها خارجة حالا لعريسها . .. فى مكان تانى راكب انس جنب سمير اللى سايق عربية نص نقل كبيرة محملين فيه صالونات وكراسى انتريهات رايحين يسلموهم فى مكان معين علشان يصادفوا فى لجنة وهما ماشيين وكأن اللجنة دى واقفة مستنية عربية انس وقفت العربية وخرج انس وسمير البطايق بتاعتهم والرخصة لعسكرى المرور لكن العسكرى برغم ان ورقهم سليم موافقش انهم يتحركوا من مكانهم وقرروا يفتشوا العربية نزل سمير وانس من العربية ووقفوا يستنوا التفتيش يخلص لكن الظابط قرر ان كل العفش اللى فى العربية ينزل يتفتش ولأنها كلها كراسى وكنب ومفيش حاجة تانية فى العربية امر الظابط العساكر انهم يقطعوا كل القماش بتاع التنجيد بتاع الكراسى والكنب ويخرجوا كل اللى جواهم انس,طيب ليه يا سيادة الظابط ,ليه ياباشا فى ايه حرام الشغل يتقطع بالشكل ده دى فلوس ناس واكل عيش حرام ليه الخسارة دى ؟ الظابط,اسكت انت مسمعش صوتك وقف انس ساكت وعنيه هتطلع على الشغل بتاعه اللى اتقطع وبقى مش نافع لكن الظابط للأسف ملقاش اللى بيدور عليه بعد ما خرب كل العفش وكل التنجيد بتاع العفش الظابط,فين الفلوس انس,فلوس ايه ياباشا الظابط,الدولارات,وديت فين الدولارات انس,انا مش عارف ياباشا حضرتك بتتكلم عن ايه مش فاهم انا راجل على باب الله وده شغل ناس لا عارف دولارات ولا جنيهات حرام والله حرام القماش اللى باظ ده ب**ب كان انا علشان اخسر كل ده الله يعوض عليا الظابط,خلاص حمل بضاعتك وامشوا معلش كانت عندنا اخبارية وكل العربيات لازم تتفتش بدقة انس,على راسنا ياباشا على راسنا الله يعوض علينا فى الخسارة اللى خسرناها حمل سمير وانس الشغل بتاعهم بعد ما بقى مينفعش بس انس كان حيران ومش عارف الكرسى اللى كان فيه الفلوس اللى بيهربها راحت فين انس فى التليفون,ايه يا عفيف انت فين عفيف,معلم انس انا وصلت الطلبية ورايح اوصل الطلبية التانية انس,اوعى تقولى انك روحت وصلت طلبية الكوافير عفيف, اه يا معلم وصلتهم وركبتهم وكله تمام التمام انس,حالا تروح ترجع الكراسى دى ب اي طريقة وب اي حجة تروح تاخد الكراسى من الكوافير وترجعهملى على الورشة قفل فى وش عفيف الخط وهو عمال يلعن ويسب مين اللى حمل العربيات ومين اللى غير الكراسى الله يحرق الحظ النحس مين الغبى بس اللى عمل كده سمير,انا يا معلم انس,روح ياشيخ منك لله الله لايوفقك دنيا ولا اخرة ياسمير يا ابن عفيفة الله يفرحنى فيك يا شيخ على المصيبة اللى انا فيها ,, رجع عفيف لزهرة عفيف,مدام وردة ,مدام وردة خرجت زهرة,مين وردة اللى انت عمال تنادى عليها ,اسمى زهرة مش وردة عفيف,متأخذنيش يا مدام زهرة ,بس معلش المعلم كلمنى وقاللى الطلبية اتسلمت قبل الكاوتش بتاع رجلين الكراسى ما يركب ولسه الشاسيه هيتلمع فمعلش بستأذنك ناخد الكراسي بس لمدة 24 ساعة وارجعهملك تانى بكرة زهرة,اول حاجة اعوذ بالله من الشيطان الرجيم انا مش مدام الحمد لله انا انسة ,تانى حاجة انا الكراسى عجبانى كده وعايزاهم على حالهم ده لا عايزة كاوتش للرجلين ولا عايزة تلميع للشاسيه,قول للمعلم بتاعك كتر خيرك كفايه التأخير اللى انتم اخرتوه علينا وكويس انى استلمت الكراسى من غير م انطق معاك بنص كلمة سيبهوملى كده وارجع مكان ما جيت عفيف,يا انسة زهرة كده المعلم هيبهدلنى لو رجعت من غيرهم ومسلم الشغل ناقص تظبيط زهرة,لا روحله يبهدلك هو احسن م ابهدلك انا صدقنى اسمع مني بس بهدلته هو ارحملك بكتير من بهدلتى يلا اتوكل على الله وانا مسامحة فى التلميع والكاوتش اللى بتقول عليهم. .. عند انس فى التليفون..ايه يا عفيف طمنى عملت ايه عفيف حكاله اللى حصل وقاله انها رفضت تسلمه الكراسى تانى انس قفل الخط..امشى ياسمير الله لا يوفقك وينتقم منك امشى اطلع بينا على المنطقة اللى فيها الكوافير يلا. ,, عند زهرة خلص يوم الشغل وخرجوا البنات مروحين بيوتهم قدام المحل . فادى اخد دينا فى عربيته بعد مارفضت فى البداية انها تتكلم معاه لكن بعد الحاحه عليها وافقت انها تركب العربية معاه ويروحوا سوا جوة الكوافير زهرة قاعدة بتقفل حساب اليوم وبتشوف مصاريفها بتاعت اليوم اللى خرجت وبتشوف الايراد اللى دخل زهرة,ابتسام,يا ابتسام تعالى خدي الفلوس دى باقى مرتبك معلش اتأخرت عليكي ابتسام اكبر واحدة بتشتغل معاهم,بالله عليكي يا زهرة وغربة فارس ابنى لو محتاجاهم خليهم معاكي زهرة,غربة فارس هو فين فارس يا ابتسام ابتسام,ايه يازهرة على فكرة فارس مسابنيش وهاجر من البلد فارس راجع والله هيرجع وبكرة هتشوفى وقولى ابتسام قالت زهرة,,اه يرجع موت ياحمار خدى فلوسك لو محتاجاهم كنت قولتلك يلا تصبحي على خير ابتسام,ربنا يعوض عليا وعليكي ,وانتى من اهل الخير اشوفكم الصبح يابنات دخل زيكو اخد رشا خطيبته وهو بيقولها خلاص يا زهرة الساعه 9 بالظبط خرجوا سوا رشا وزيكو ومشيت ابتسام ودينا من قبلهم وابتديت زهرة تقفل المحل وتدخل الفواطة جوة وبيراقب المكان من على مسافة انس وسمير ومعاهم عفيف اللى عرفهم انها هى دى صاحبة الكوافير وكانوا مستنيين انها تقفل المحل علشان يعرفوا يدخلوا المحل ياخدوا الكراسى . زهرة بتلم الفوط بتاعت شعر الزباين لقيت ريحتهم لحمة اخدتهم من على الفواطة وراحت بيهم ليوسف زهرة,يوسف يعنى ينفع كده يا يوسف كام مرة قولتلك تنقل الشواية الناحية التانية الفوط كلها ريحتها لحمة يوسف,والله يا زهرة نقلتها لكن هوا الهوا بقى اللى بيعمل كده هعمل ايه هنقل الهوا ازاى ده كمان علشان ييجى صوت هنادى العالى ,يووووووسف زهرة سابته ومشيت وهى بتقوله يلا اتفضل اهى رنت صفارة الخطر هنادى,كانت عايزة ايه منك يا يوسف يوسف.فى ايه يا هنادى ولا حاجة هنادى,هو ايه اللى فى ايه ؟ اعرف منين انا في ايه ,مش يمكن واقفين تحنوا سوا للماضى يوسف,هنادى الله يخليكي لمى الدور مالهوش لازمة الكلام الفارغ ده هنادى,لا والله ما هسكت غير لما اوقفها عند حدها خلاص بقى خلصت انا وزهقت وجبت اخرى ومالك فرحان اوى برسمة الزهرة اللى على كتفك كام مرة قولتلك نزل الكم بتاع التيشيرت بتاعك عليها ولا بتوريلها انك مش ناسيها هنادى,بقولك ايه يا زهرة لو شوفتك فى يوم بتتمحكي فى جوزى قاطعتها زهرة,لا عاش ولا كان انا زهرة هتمحك فى جوزك انتى هنادى,اه يازهرة بتتمحكي فيه نطاله فى الرايحة والراجعه ليه خلاص بقى ابعدي عنه الراجل اتجوزنى انا واختارنى انا دوري على واحد غيره بقى لو عايزك كان اخدك من الاول يوسف.هنادى خلاص بقى لمي الدور زهرة.صحة وعافية على قلبك,واسمعى بقى انتى وهو انا لو عايزة يوسف مكانش وصلك وهو كله على بعضه لا بشوفه ولا بلمحه وبحذرك يا هنادى تتعرضيلي علشان متلاقيش مني اللى مش هيعجبك ودى اخر مرة هقولك الكلام ده يوسف.فى ايه يا هنادى خلاص بقى اسكتي كفاية فضايح انا وهى مصالحنا ومحلاتنا قدام بعض عايزة ايه يعنى هنبنى حيطة فى نص الشارع علشان منشوفش وش بعض هنادى,تعمل كأن فى حيطة بينكم واذا فى يوم احتاجت حاجة فهي من فوق الحيطة اللى اتعملت تطلبها مني انا شخصيا من غير ما توجهلك حرف زهرة,,عال عال العالم كمان شايفة الفوط دى تغسليهم وتنضفيهم وتتوصي بمسحوق الغسيل وعايزاهم الصبح زى الفل تمام كده يا سي هنادى اتفقنا على الكلام. وهنا وصلت عربية البوليس قدام كوافير زهرة اللى اول ماشافها انس طلب من سمير انه يتحرك بسرعه لكن البوليس مكانش جاي علشان انس ده جه علشان يقبض على زهرة اللى كانت واقفة بين يوسف وهنادى وهى مش عارفة ايه اللى حصل ولا ايه السبب