الجزء الثالث

1204 Words

احسن اكون انا بيتهيألى كلام مقولتهوش قولى يلا انا سامعك اهو سميربجدية مضحكة,انا فهمتك يامعلم خلاص تمام زى الفل انس,فهمت ايه,ياشيخ ده انت سبب البلاوى كلها ,انت سبب المصيبة السودة اللى احنا وقعنا فيها دى روح ياسمير يا ابن عفيفة ربنا يوعدك بمصيبة تريحنى منك ومن غبائك ده وساعتها انا مش هزعل ده انا هفرح وافرق شربات على الناس ياشيخ الله لا يسامحك الله لايسامحك على الورطة السودة اللى انت ورطتنا فيها .يلا انزل انزل ياسمير اعمل اللى قولتك عليه بدل ما انزلك تحت عجل العربية وامشى فوقك وارتاح منك وساعتها هقول اهلا بالسجن وانا مبسوط سمير,اللهم امين امعلمى ربنا يقبل منك انس بغيظ فتح باب العربية اللى جنب سمير وزقه منه,ياشيخ غور بقى اعمل اللى قولتلك عليه غور يخربيت استفزازك يلا انزلوا ومش هوصيكم مش عايز مصايب تانى علشان خاطر النبى متورطوناش اكتر من كده الشباب,امرك يامعلم .... جوة الكوافير البنات قاعدين قلقانين دينا,,والله العظيم مش قادرة استوعب بجد يعنى مش مصدقة ازاى فواز عديم النخوة والرجولة ده يعمل كده يعنى ازاى دى اخت مراته وخالة بناته اخت مراته ياناس يعنى سمعتها من سمعته وسمعة بناته ض*بة فى قلبه البعيد رايح يسجن اخت مراته الحيوان صحيح يا ابتسام تفتكرى ابوها بيعرف؟ ابتسام,وحتى يعنى لو يعرف ايه اللى هيعمله ولا ايه اللى هيحصل ده لا بيحل ولا بيربط ربنا هو اللى عنده الحل.بالله عليكي يارشا رني ع لى زيكو كده يطمنا ايه الاخبار عنده ربنا يجيب العواقب سليمة رشا,والله يا ابتسام عمالة اتصل عليه مش بيرد عليا وكنسل كتير كمان دينا,ياستى خليكى وراه هيزهق ويرد رشا,حاضر اهو هتصل تانى يتفاجئوا البنات بخبط على باب الكوافير الزجاج اللى مفروده عليه ستارة علشان اللى برة فى الشارع ميشوفش اللى جوة الكوافير فتح انس الباب ودخل,سلام عليكم ابتسام,اهلا وسهل خير انس,متأخذنيش معلش بس العربية بتاعتى سخنت وكنت محتاج املى قارورة المياه دى لو ممكن بعد اذنك ابتسام,ماشى ولا يهمك وخدت من زجاجة المياه ودخلت تملاهاله انس,تسلم ايدك,شكرا لذوقك. دينا ورشا قاموا وقفوا يبصوا لأنس بأعجاب ما هو شاب زى القمر بصراحة وكان واقف يبتسم لهم رن تليفون رشا ومش واخدة بالها منه انس,ياانسات فيه تليفون عمال بيرن رشا انتبهت وبصت للتليفون.اه ده زيكو الو حبيبى ها خير طمنى انا والبنات قاعدين على نار هنتجن مستنيين اى خبر زيكو,لسه بيتحقق معاها رشا,طيب والمفروض ايه اللى يحصل يعنى فى التحقيق ولا بعد ما يحققوا معاها ,هى هتبات هناك ولا ايه اكيد مش هتبات فى الحجز يعنى مستحيل زيكو,هشوف ايه اللى هيتم واطمنكم رشا.اوك ياحبيبى هستنى تليفونك ,ان شاء الله خير ربنا يطمنا قفلت رشا التليفون مع زيكو دينا.ها قالك ايه؟ رشا.م انتى سامعة ردي يارشا بيحققوا معاها لسه دينا,ايوة يعنى وبعد التحقيق ايه اللى هيحصل؟ رشا.هتبات فى الحجز تقريبا دينا,ايه تبات فى الحجز لا طبعا مستحيل زهرة يجرالها حاجة لو ده حصل ياعينى على حظك يازهرة دايما بختك قليل كده انس اتدخل فى الكلام,خير خير ان شاء الله بس اقدر اساعدكم بحاجة انا فى الخدمة رشا ودينا بهيام فى عيونه,ااااه تقدر ااااه وفجأة ركزوا ورجعوا قالوله .لاءلاء كتر خيرك مفيش حاجة رجعت ابتسام ب زجاجة المياه .اتفضل انس,زاد فضلك وتسلم ايدك معلش تعبتك ابتسام,ولا يهمك مفيش تعب ولا حاجة انس,بس بعد اذنك كده هو ده كوافير حريمى مش كده ؟ ابتسام,اه زى م انت شايف كده مش باين ولا ايه انس,متأخذنيش ,ربنا يرزقكم يارب وشكرا مرة تانية ابتسام ,العفو خرج انس من الكوافير دينا.ابتسام الحقينى انا وقعت خلاص رشا.ايه بس الجمال والتقل ده كله ابتسام,قمر ربنا يحميه خرج انس لعربيته وكان سمير رجع للعربية انس.سمير رن على عفيف شوفه عمل ايه سمير,امرك يا معلم,وطلع تليفونه يرن على عفيف ورجع وجه كلامه ل انس معلمى تليفونى مفيهوش دقايق انس,ياصبر ايوب .سمير انا على اخرى منك وانت عارف انا لما بجيب اخرى ممكن اعمل فيك ايه,هات تليفونى من العربية وكلمه اخلص سمير كلم عفيف,واول ما رد ساب التليفون ل انس انس,ايه يا عفيف فى حاجة لقيتوها ولا ايه الدنيا طمني عفيف,لا يامعلم لحد دلوقتى مفيش اى حاجة كله تمام وفى السليم انس,عفيف ركز الله يباركلك مش عايزك تسيب خرم فى الشارع من غير ما تعرف اذا كان فيه كاميرا ولا لاء احسن نروح فى مصيبة اكبر من اللى احنا فيها دى عفيف,متقلقش يامعلم عنيا مفتحة كويس اوى قفل انس الخط ووجه كلامه لسمير اللى واقف جنبه وساندين على العربية انس,صاحبة الكوافير شكلها النهاردة بايته فى القسم مش خارجة هنضطر نستنى شوية البنات تمشى ويقفلوا وبعدها ندخل احنا نخلص اللى جايين علشانه سمير,ايه ابقى روح خلص يامعلم انس بغيظ,بقول نخلص يا سمير نخلص ,كفاية غباء بقى الله يرضى عليك كفاية مش قادرك استحملك ولا استحمل غبائك اكتر من كده .. عند زهرة فى القسم يوسف وزيكوا رايحين جايين فى الممر قدام اوضة التحقيق مستنيين يوصلوا لنتيجة التحقيق ايه ويطمنوا على زهرة دخل فواز قدامهم ماشى بكل برود اول ما شافه زيكو اتعصب جدا وقرب منه زيكو,مش خلاص بقى مش خلاص زهقنا احنا منك ومن المصايب اللى بتيجى من وراك ,انت يعنى فاكر الدنيا سايبة للى حصل ده يعنى سكتنالك مرة والتانية والتالتة والمية يعنى مش بيكفيك اللى بتعمله فى ميسم وض*بك ليها وبهدلتك اللى بتوريهالها كمان جاى تسجن زهرة يابجاحتك يااخى شكلك كده مفكر انهم مالهمش ضهر ولا فيه وراهم رجالة فواز ب استفزاز,بصراحة يا زيكو انا مش شايف اي رجالة انا شايف قدامى عيل حتى مش عارف يلم نفسه ولا قادر يفتح بيت يلم خطيبته فيه وابوك الراجل اللى مرمي فى الاوتيل مش قادر يصلب طوله علشان يعرف يلاقى لقمة عيشه يوسف,جرى ايه ياجماعة ما تهدوا كده وتوحدوا الله وقت اللى انتم بتعملوه ده يعنى وبعدين انتم مش واخدين بالكم اننا فى القسم ولا عازين بدل مانطلع زهرة ندخل احنا كمان معاها ونستنى بقى اللى ييجى يطلعنا ومنلاقيش زيكو,يلعن ابو الوطينة وقلة الاصل اللى انت فيها انت اصلا يا فواز لو كنت راجل وعندك نخوة مكنتش تيجى تعمل محضر فى واحدة ست فواز,طيب يا سي زيكو انا واطى وقليل الاصل ومش راجل انا ياسيدى سيبت الرجولة للست زهرة اختك اللى ماشية تض*ب فى خلق الله ساب فواز زيكو ويوسف ومشي من قدامهم قدام نظارتهم له وق*فهم منه,رن تليفون يوسف برقم هنادى مراته يوسف,الو ,ايوة ياهنادى خير هنادى,فينك انت دلوقتى يا يوسف يوسف,هكون فين يعنى ياهنادى انا فى القسم هنادى ,ممكن اعرف مالك انت وايه اللى يخليك تروح معاها على القسم انت مالك فهمني يوسف,جرى ايه ياهنادى فى ايه دى بنت حتتنا ينفع يعنى اسيبها لوحدها فى موقف زى ده من غير ما يكون في راجل معاها مش اصول يعنى هنادى,من غير راجل,طيب ما هى اصلا راجل,وبعدين انت مش مسؤل عنها عندها اب فين هو وعندها اخوها زيكو راجل يقف هو جنبها احنا مالنا يوسف.ياستى انا اتصلت بزيكو اخوها وهو جاي فى الطريق على القسم اول مايوصل عندى هنا هسيبه وامشى انا ارتاحتى كده ياهنادى ولا فى حاجة تانية يلا سلام قفل يوسف مع هنادى وكانت الغيرة مولعه قلبها وفى نفس الوقت فرحانة فى زهرة اللى هتتسجن فى اوضة التحقيق الظابط.على حسب المحضر المتقدم ضدك يازهرة من فواز ان دى مش اول مرة تتعرضي له وتعملي معاه مشاكل بيقول كان فه مرات تانية قبل كده والمرة دى فاتحة دماغه ومسيحة دمه ومتخيط كمان عندك رد على كلامه ده زهرة,عايزنى اقول ايه ياباشا ؟ده واحد معندهوش اخلاق ولا دم وواطى ومعندهوش كمان ضمير ولا بيحب مراته ولا بيحب بناته وكذاب شوفت راجل كذاب قبل كده اهو ده بقى كذاب انا ولا مرة ض*بته قبل كده دى اول مرة تحصل وامد ايدي على راجل اصلا بس عملت كده لأنه زودها اوى ومبقاش يتسكت عليه ويحمد ربنا انها خلصت على طفاية فى دماغه يحمد ربنا الظابط,,يااااه ايه كل ده يازهرة وايه القوة دى زهرة,ياباشا لو حضرتك عندك اخت وجوزها بيض*بها كل يوم حضرتك هتتصرف ازاى

Free reading for new users

Scan code to download app

App Store Google Play

Facebookexpand_more