LALONG nabalisa si Nicole pagkalipas ng dalawang araw. Hindi na siya tinawagan ni Keith. Hindi rin nito tinotoo ang banta nitong pupuntahan siya kapag hindi niya ito tinawagan. Naging maganda ang umpisa ng Internet auction niya, ngunit si Cathellya lang ang tumawag upang pasalamatan siya.
She still missed Keith terribly. Kanina pa nagtatalo ang kalooban niya kung tatawagan niya ito o hindi. Nahihiya siyang tumawag dahil siya naman ang naunang lumayo, siya ang nag-inarte at nagdrama. Pinatawagan niya ito kay Alice kahapon upang sabihin ang tungkol sa party niya. Hahanapin ito ng mga kaibigan niya at nais na talaga niya itong makita at makasama kaya gusto niyang naroon ito.
Nanlumo siya nang sabihin sa kanya ni Alice kaninang umaga na baka hindi raw makakadalo si Keith dahil may operasyon
