"Pakiabot kay Rigal, naiwan niya sa bahay ko."
Paulit-ulit nag-e-echo sa tainga ko ang boses ni Claire habang nakatitig ako sa relos ng asawa ko.
Bumalik na ako sa kwarto namin. Para akong wala sa sariling nakatingin sa relos ni Rigal.
Naiwan niya sa bahay nina Claire. Tumingin ako sa pintuan ng banyo, inaabangan kung lalabas na ba ang asawa ko.
Hindi ko alam kung anong ire-react ko 'pag lumabas siya. Gusto ko siyang sigawan, pagbintangan at batuhin ng kung ano-anong bagay pero nanghihina ako sa mga ganitong pangyayari.
Wala naman akong laban sa asawa ko. Baka gantihan niya lang ako 'pag ginawa ko ang mga bagay na iyon. Doon pa naman siya magaling; ang gumanti. Kahit alam niyang ikadudurog ko, gumanti talaga siya. Nambabae siya nang ilang beses at sa harapan ko pa talaga, pero tin
